यूहन्‍ना 6:14 - परमेश्‍वरए ताँ तमु क्युइर

¹⁴ खीजी लबै छाबै औदिबै चिनु म्रोंसि च म्हिमैंइ “ह्‍युलर युल् त्हुबै अगमबक्‍ता क्ह्रोंसेंन चुन् मुँन,” बिइ।

यूहन्‍ना 6:14 ပူးပေါင်းရင်းမြစ်များ

उत्पत्ति 49:10

यहूदाए योउँइँले म्रुँए प्हरे स्योरिब् आरे, चए क्ल्हे आखन् समा, ग्याल्स ओलेबै प्हरे चए प्हलेए प्हाँइले स्योरिब् आरे। छतमा ह्रेंमैंइ चइ बिबै ताँ ङिंब्मुँ।

मत्ती 11:3

चमैं ह्‍यासि “ङिए गुरु यूहन्‍नाइ बिब् धोंले युबै म्‍हि क्हिन् उ, ङिइ अर्को म्‍हि अझै प्रेंल् त्‍हुमुँ?” बिसि येशूने ङ्योएइ।

मत्ती 21:11

येशूने मुँबै हुलइ बिइ, “चु गालील ह्‍युलर्बै नासरतउँइँले खबै अगमबक्‍ता येशू ग।”

लूका 24:19

“तो ताँ जा?” बिसि येशूजी चमैंने ङ्योएमा चमैंइ बिइ, “नासरतथें येशूए बारेर्बै ताँ खी अगमबक्‍ता मुँल, खीजी परमेश्‍वर नेरो म्हिमैंए उँइँरि शक्‍ति मुँबै के लसि छ्याँबै ताँमैं लोमिंमल।

लूका 7:16

छाबै के म्रोंसि ताँन् म्‍हिमैं बेल्‍ले ङ्हिंयाँइ, धै “परमेश्‍वर बेल्‍ले थेब नेरो छ्याँब् मुँन! ङ्योए म्‍हाँजोर थेबै अगमबक्‍ता युइमुँ! खी ह्रोंसए म्‍हिमैं जोगेमिंबर युइमुँ,” बिइ।

यूहन्‍ना 1:21

चमैंइ चने ङ्योएइ, “छ बिस्‍याँ क्‍हि खाब् जा? क्हि एलिया वा?” यूहन्‍नाइ बिइ, “ङ आङिं।” च्हमा चमैंइ ङ्योएइ, “क्हि च अगमबक्‍ता वा?” चइ बिइ, “ङ आङिं।”

यूहन्‍ना 11:27

मार्थाइ खीने बिइ, “अँ प्रभु, क्‍हि परमेश्‍वरए च्ह ख्रीष्‍ट ह्‍युलर युब् ग बिसि ङ क्वेंम्।”

यूहन्‍ना 2:11

धाँसे ओंसों येशूजी औदिबै चिनु गालील ह्‍युलर्बै काना नाँसर लइ। छले खीजी औदिबै के उँइँमिंइ, छाब् म्रोंसि चेलामैंइ खीए फिर बिश्‍वास लइ।

यूहन्‍ना 4:19

च च्हमिरिइ खीने बिइ, “अँ, क्‍हि अगमबक्‍ता मुँन बिब ङइ था सेइ।

यूहन्‍ना 4:25

च च्हमिरिइ खीने बिइ, “ङइ सेइमुँ परमेश्‍वरजी कुल्मिंबै म्रुँ ख्रीष्‍ट युसिन् मुँ, खोंयों खी युमुँ, च्हमन् खीजीन् तोन्दोंरि ताँमैं ङिने बिमिंब्मुँ।”

यूहन्‍ना 4:42

चमैंइ च च्हमिरिने बिइ, “तोगो क्‍हिइ बिबै ताँ थेसि ङिइ खीए फिर बिश्‍वास लब आङिं, दिलेया ङिइ ह्रोंसइन खीए ताँ थेबइले क्ह्रोंसेंन खी ताँन् ह्‍युलर्बै मुक्‍तिदाता मुँन बिसि ङिइ सेइमुँ।”

यूहन्‍ना 6:2

झाइले ल्हें म्हि खीए लिलि खइ, तलेबिस्याँ खीजी नबै म्हिमैं सल् लमिंबै औदिबै चिनुमैं चमैंइ ओंसोंन् म्रोंल।

यूहन्‍ना 6:26

येशूजी चमैंने बिइ, “क्ह्रोंसेंन ङ क्हेमैंने बिमुँ, ङइ लबै औदिबै चिनुमैं म्रोंसि क्हेमैंइ ङलाइ म्हैब आङिं, दिलेया म्रेंन्ले क्‍हें चल् योंबइले ङलाइ म्‍हैब् ग।

यूहन्‍ना 6:30

छबिमा चमैंइ येशूने बिइ, “क्हिए फिर बिश्‍वास लरिगे बिसि क्हिजी खैतबै चिनु ङिने उँइँमिंमुँ?

यूहन्‍ना 7:40

येशूजी बिबै ताँ थेसि को-कोइ म्हिमैंइ बिइ, “क्‍ह्रोंसेंन खिम् युल् त्हुबै अगमबक्‍ता मुँन।”

चेला चिब्मैंए केमैं 7:37

“च मोशाइन इस्राएलीमैंने बिल, ‘परमेश्‍वरजी ङ त्हाँब् धोंले क्हेमैंए आघें-अलिमैं न्होंउँइँले क्हेमैंए ल्हागिर अगमबक्‍ता घ्रि त्हाँब्मुँ।’