यूहन्‍ना 6:11 - परमेश्‍वरए ताँ तमु क्युइर

¹¹ झाइले येशूजी च क्‍हें किंसि परमेश्‍वरलाइ धन्‍यबाद पिंइ, धै क्हुँबै म्हिमैं चुमिंइ। छलेन ताँगै या चुमिंइ। चमैंइ म्रेंन्ले चइ।

यूहन्‍ना 6:11 ပူးပေါင်းရင်းမြစ်များ

मत्ती 15:36

येशूजी क्‍हें ङिबो नेरो ताँग योर छेसि परमेश्‍वरलाइ धन्‍यबाद पिंइ। धै क्‍हें लुँसि चेलामैंने पिंइ, झाइले चेलामैंइ च म्‍हिमैंलाइ चुमिंइ।

लूका 24:30

चमैंने बालु चब् चबर क्हुँमा खीजी क्‍हें किंसि परमेश्‍वरलाइ धन्यबाद पिंइ, धै क्‍हें लुँसि चमैंलाइ पिंइ।

यूहन्‍ना 21:10

येशूजी चमैंने बिइ, “क्‍हेमैंइ भर्खर क्‍हाबै च्हौदे ताँग पउदि।”

यूहन्‍ना 21:13

येशूजी क्हें छेखसि चमैंलाइ पिंइ, छलेन ताँगै या पिंइ।

यूहन्‍ना 21:9

झाइले चमैं तालए छेउर तमा मि राबार ताँग नेरो क्हें थेंब म्रोंइ।

यूहन्‍ना 6:23

च त्हेर्न तिबेरियास बिबै नाँसउँइँले अरू डुँङ्गामैं येशूजी धन्यबाद पिंसि म्हिमैंलाइ क्हें चल् पिंबै क्ह्‍योर फेखइ।

यूहन्‍ना 6:9

“ओ गुरु, चुर फ्रेंसि घ्रिने झउए क्हें ङ्‍हबो नेरो ताँग ङ्हिं मुँ। दिलेया च्‍हौ ल्‍हें म्हिए ल्हागिर च्हगइ योम् रो वा?”

चेला चिब्मैंए केमैं 27:35

छबिसि पावलइ क्हें किंसि ताँनए उँइँर परमेश्‍वरलाइ धन्यबाद पिंइ, धै क्हें लुँसि चबर होंइ।

रोमी 14:6

कोइ त्हिंइ छ्याँब कोइ त्हिंइ आछ्याँब बिबै म्हिइ परमेश्‍वरए मान तरिगे बिसिन् छ बिब् ग। झाइले से चबै म्हिज्यै या परमेश्‍वरए मान तरिगे बिसिन् चब् ग, छलेन से आचबै म्हिज्‍यै या परमेश्‍वरए मान तरिगे बिसिन् आचब् ग, तलेबिस्याँ परमेश्‍वरए म्हिमैंइ तोन् ललेया खीलाइ धन्‍यबाद पिंम्।

१ कोरिन्थी 10:31

ङइ तो बिम् बिस्‍याँ: क्‍हेमैंइ चलेया, थुँलेया, तो ललेया परमेश्‍वरए थेबै मान तबै ल्हागिर मत्‍त्रे लद्।

१ थेसलोनिकी 5:18

तो तलेया परमेश्‍वरलाइ धन्‍यबाद पिंरिद्, तलेबिस्याँ क्‍हेमैं ख्रीष्‍ट येशूने बालु छ्ह थोमा परमेश्‍वरजी छान् तरिगे ङ्हाँइमुँ।