यूहन्‍ना 5:9 - परमेश्‍वरए ताँ तमु क्युइर

⁹ छ बिबै तोंदोंन् च नबै म्हि सयाइ, धै ह्रोंसए क्ल्ह्‍यो नोसि प्रयाइ। च त्हिंइ प्रिबै त्हिंइ मुँल।

यूहन्‍ना 5:9 ပူးပေါင်းရင်းမြစ်များ

मर्कूस 1:31

येशू च नबै म्हि मुँबै क्‍ल्‍ह्‍योर ह्‍यासि चए यो क्‍हासि रेमिंइ। च तोदोंन् चए जर सयाइ। धै चइ खेंमैंए ल्हागिर चब् लबर होंइ।

मर्कूस 1:42

येशूजी छ बिबै तोंदोंन् च म्‍हि सयाइ।

मर्कूस 10:52

झाइले येशूजी चने बिइ, “ह्‍याद्! क्‍हिए बिश्‍वासइ क्हि सयाइमुँ।” छ बिबै तोदोंन् चए मि म्रोंल् खाँब् तसि येशूए लिलि प्रयाइ।

मर्कूस 5:29

छले येशूए क्वें छुइबै तोंदोंन् च च्हमिरिए को त्‍हब टियाइ। छतमा ह्रोंस सयाब चइ था सेइ।

यूहन्‍ना 5:14

च लिउँइँ येशूजी च नबै म्हि मन्दिरर त्होसि बिइ, “ङ्‍ह्‍योद्! क्हि सल् खाँइमुँ। क्हिए फिर तोइ दुःखमैं आखरिगे बिसि धबै पाप आलद्।”

यूहन्‍ना 7:23

क्हेमैंइ मोशाइ पिंबै ठिम म्हाँदिबर प्रिबै त्हिंइर ह्रोंसए च्हए ट्हुबिर चिनु लम् बिस्याँ, ङइ प्रिबै त्हिंइर म्हि घ्रिए ताँन् नब् सल् लमिंमा क्हेमैं तले ङने ह्रिस खल?

यूहन्‍ना 9:14

येशूजी स च्‍येंसि च म्हिए मि म्रोंल् लमिंबै त्हिंइ प्रिबै त्हिंइ मुँल।