यूहन्‍ना 5:34 - परमेश्‍वरए ताँ तमु क्युइर

³⁴ “दिलेया ङइ चैदिबै ग्वाइ म्हिमैंल् आङिं, बरु क्‍हेमैं जोगेल् योंरिगे बिसि ङइ चु ताँ बिब् ग।

यूहन्‍ना 5:34 ပူးပေါင်းရင်းမြစ်များ

लूका 13:34

झाइले येशूजी बिइ, “यरूशलेमथेंमैं, ओ यरूशलेमथेंमैं, क्‍हेमैंइ अगमबक्‍तामैं सैवाइमुँ, छलेन क्हेमैं ङाँर खब्मैंलाज्यै या युँमाइ प्रिंइ। नग आमाइ प्हसेमैं प्‍ह्‍याइ हुब् धोंले ङइ ल्‍हें खे क्‍हेमैंलाइ हुल् म्हैइ, दिलेया क्‍हेमैं आङिं।

लूका 19:10

तलेबिस्याँ म्हिए च्ह छलेन् घ्याँ आसेसि म्हप्ररिब्मैंलाइ म्हैबर नेरो जोगेमिंबर युब् ग।”

लूका 24:47

ह्रोंसइ लबै आछ्याँबै केमैं पिसि परमेश्‍वरउँइँ सैं एइस्याँ म्हिमैंइ पाप क्षमा योंम् बिबै ताँ ओंसों यरूशलेमर बिप्रबइले ताँन् ह्रें-ह्रेंर्बै म्हिमैंने बिमिंल् त्हुम्।

यूहन्‍ना 20:31

दिलेया “येशू परमेश्‍वरए च्ह नेरो खीजी कुल्‍मिंबै म्रुँ ख्रीष्‍ट ग,” बिब क्हेमैंइ क्वेंरिगे धै खीए फिर बिश्‍वास लबइले क्हेमैंइ खोंयोंइ आखाँबै छ्ह योंरिगे बिसि ङइ चु ताँमैं प्ह्रिइमुँ।

यूहन्‍ना 5:32

“ङए बारेर ग्वाइ पिंब अर्कोन् मुँ, खीजी ङए बारेर तो बिमुँ, च ताँ क्ह्रोंसेंन ग बिसि ङइ सेइमुँ।

यूहन्‍ना 5:41

“म्हिमैंइ ‘ङ थेब लरिगे’ बिसि ङ आमैं।

यूहन्‍ना 8:54

येशूजी बिइ, “ङइ ह्रोंसइन ह्रोंस क्वेइ बिस्याँ च फाक्‍कर्न तम्। ङलाइ क्वेबाम् ङए आबा मुँ। खीनेन् क्‍हेमैंइ ‘ङिए परमेश्‍वर’ बिम्।

रोमी 10:1

ओ अलि-अङाँमैं, ङए सैं न्‍होंउँइँलेन् यहूदीमैंलाइ परमेश्‍वरजी जोगेमिंरिगे बिब ङए थेबै इच्छा मुँ, चमैंइ खोंयोंइ आखाँबै छ्ह योंरिगे बिसि ङइ परमेश्‍वरने प्राथना लम्।

रोमी 10:21

दिलेया इस्राएलीमैंए बारेर खीजी बिइमुँ, “ङइ बिब् आङिंब्मैं नेरो ङए बिरोधर राबै म्हिमैंए ल्हागिर ङइ त्हिंइतिमिन् यो स्‍योंइ।”

रोमी 12:21

छतसि अरूमैंए आछ्याँबै केइ ह्रोंसलाइ ट्होल् आपिंन्, बरु क्हेमैंइ छ्याँबै के लसिन् आछ्याँबै के ट्होवाद्।

रोमी 3:3

यहूदीमैं न्होंर्बै को-कोइइ खीए पबित्र बचन आक्वेंरि तो तइ दि? चमैंइ आक्वेंलै या परमेश्‍वर भर लल् खाँबन् मुँ।

१ कोरिन्थी 9:22

छलेन बिश्‍वासर आभोंब्मैंए बिश्‍वास भोंब् तरिगे बिसि ङै या बिश्‍वासर आभोंब्मैं धोंन् तइ। खैले तमुँ छले खाब् आङिं खाबइ प्रभुए फिर बिश्‍वास लरिगे बिसि म्हिमैं खै तल ङै या छान् तल।

१ तिमोथी 4:16

क्हिइ लबै केमैं नेरो पोंबै ताँमैंर ओंसोंन् च्हैंब् मैंब् लद्। छलस्याँ क्‍हिइ ह्रोंसलाज्यै या जोगेब्मुँ, क्‍हिए ताँ ङेंब्‍मैं या जोगेब्मुँ।

१ यूहन्‍ना 5:9

म्‍हिमैंइ पिंबै ग्वाइ ङ्योइ क्वेंम्। परमेश्‍वरजी पिंबै ग्वाइमि झन् थेब मुँ, धै परमेश्‍वरजीन् खीए च्हए बारेर ग्वाइ पिंइमुँ।