यूहन्‍ना 5:16 - परमेश्‍वरए ताँ तमु क्युइर

¹⁶ छ बिब् थेसि यहूदी चिबनाँब्मैंइ येशूलाइ दुःख पिंबर होंइ, तलेबिस्याँ के लल् आतबै प्रिबै त्हिंइर खीजी सल् लल।

यूहन्‍ना 5:16 ပူးပေါင်းရင်းမြစ်များ

मत्ती 12:13

झाइले खीजी यो कारयाबै म्हिने “यो स्‍योंन् बिइ।” च म्‍हिइ यो स्‍योंमा च यो सयासि अर्को यो धोंबन् त‍याइ।

मर्कूस 3:6

छतब् म्रोंसि यहूदी ठिम बेल्‍ले छेनाले म्हाँदिबै टोलिर्बै फरिसीमैं च्हों धिंउँइँले बैरु त्‍होंइ ह्‍यासि येशूलाइ खैले सैले बिसि हेरोद म्रुँए म्हिमैंने सल्‍ला लबर होंइ।

लूका 6:11

छ लब् म्रोंसि फरिसीमैं नेरो शास्‍त्रिमैं बेल्‍ले ह्रिस खसि चुलाइ तो लले बिसि खेमैं न्‍होंर मत लबर होंइ।

यूहन्‍ना 1:19

च्हमा यरूशलेमउँइँले यहूदी चिब्मैंइ खेगिमैं नेरो लेबीमैं यूहन्‍नाने “क्‍हि खाब् जा?” ङ्योएबर कुलइ।

यूहन्‍ना 10:39

चु ताँ थेसि चमैंइ धबै येशूलाइ क्‍हाल् म्‍हैइ। दिलेया चमैंए योउँइँले खी स्योयाइ।

यूहन्‍ना 15:20

केब्छैं ह्रोंसए क्ल्हे भन्दा थेब् आत बिसि ङइ क्हेमैंने बिबै ताँ मैंन्। म्हिमैंइ ङ ह्रुगुदिइ बिस्याँ क्हेमैंलाज्यै या ह्रुगुदिब्मुँ। चमैंइ ङए ताँ ङिंइ बिस्याँ क्हेमैंए ताँ या ङिंब्मुँ।

यूहन्‍ना 5:10

छतसि को-कोइ यहूदी चिबनाँब्मैंइ च सबै म्हिने बिइ, “तिंयाँ प्रिबै त्हिंइ ग। छतसि क्‍हिइ क्‍ल्‍ह्‍यो नोइ प्रब आत।”

यूहन्‍ना 5:13

नब् सबै म्हिइ खी खाब् मुँल बिसि ङो आसेल। तलेबिस्याँ चर म्हिए हुल तबइले येशू च क्ल्ह्‍योउँइँले ह्‍याल् खाँल।

यूहन्‍ना 5:15

च लिउँइँ च म्हि ह्‍यासि यहूदीमैंए चिबनाँब्मैंने, “ङलाइ सल् लमिंबै म्हि येशू मुँनमैं,” बिइ।

यूहन्‍ना 5:17

दिलेया येशूजी चमैंने बिइ, “ङए आबाजी तोगो समा के लरिइमुँ। छतसि ङज्यै या के लरिइमुँ।”

यूहन्‍ना 5:18

चु ताँ थेसि यहूदी चिबनाँब्मैंइ येशूलाइ सैबै घ्याँ म्‍हैइ। तलेबिस्याँ खीजी प्रिबै त्हिंइर के लब् मत्‍त्रे आङिं, दिलेया परमेश्‍वरलाइ ह्रोंसए आबा ग बिसि ह्रोंसलाइन परमेश्‍वर धों तब् ग बिल।

यूहन्‍ना 7:21

येशूजी चमैंने बिइ, “ङइ औदिबै के घ्रि लब् म्रोंसि क्हेमैं ताँन् आचम्म ङ्हाँल् वा।

यूहन्‍ना 7:25

यरूशलेमर्बै को-कोइ म्हिमैंइ बिइ, “चिबनाँब्मैंइ सैल् म्‍हैबै म्हि चुन् आङिं वा?