यूहन्‍ना 4:6 - परमेश्‍वरए ताँ तमु क्युइर

⁶ चर याकूबइ ताबै क्‍यउदु घ्रि मुँल। येशू प्रना प्रन् नारासि च क्यउदुए रेर क्हुँरिल। च त्हेर त्हिंइ आधा तल।

यूहन्‍ना 4:6 ပူးပေါင်းရင်းမြစ်များ

मत्ती 27:45

झाइले त्हिंयाँर्बै च्युसे ङ्हिं ह्राबै त्हेसेरो सों ह्राबै त्हे समा ह्‍युल तिगोंन् मिछु खैयाइ।

मत्ती 4:2

चर प्लिच्‍यु त्हिंइ प्लिच्यु म्हुँइँस समा बर्त टिमा येशूलाइ फो ख्रेंइ।

मत्ती 8:24

तिस्याँदे लिउँइँ मा ङ्युँइर थेबै नाँ खैं तसि क्‍युए भेल्‍गाइ डुँङ्गा प्ल्हुँयाबि छेइ। येशू बिस्‍याँ न्‍हरु च्‍हुइरिल।

लूका 2:7

झाइले चइ ह्रोंसए च्‍ह थेब फिसि क्वेंइ म्होरसि खेदोमैंइ चब् चबै डोंडर नेथेंइ, तलेबिस्याँ चमैं टिबै ल्हागिर ठाँटिर क्‍ल्‍ह्‍यो आरेल।

लूका 9:58

येशूजी चने बिइ, “सेलमैंल रो मुँ, नमेंमैंल च्‍हों मुँ, दिलेया म्हिए च्ह तनाबिलेया ङल क्र लोबै क्‍ल्‍ह्‍यो या आरे।”

यूहन्‍ना 11:9

छबिमा येशूजी बिइ, “त्‍हिंयाँर च्युसे ङ्हिं घण्टा आत वा? त्‍हिंयाँर प्रब्मैंए प्हले आथुर। तलेबिस्याँ चइ चु ह्‍युलर्बै ह्‍वे म्रोंम्।

यूहन्‍ना 4:12

ङिए खे याकूबइ चु क्यउदु ङिए ल्हागिर बनेमिंइ, धै च, चए सन्तानमैं नेरो चए खेदोमैंज्यै चु क्यउदुर्बै क्यु थुँइ। ङिए खे याकूब भन्दा क्हि थेब वा?”

यूहन्‍ना 4:5

झाइले खी सामरियार्बै सुखार बिबै क्ल्ह्‍योर फेखइ। च क्‍ल्‍ह्‍यो याकूबइ चए च्ह योसेफलाइ पिंबै क्ल्ह्‍‍योए चेंदो मुँल।

यूहन्‍ना 4:7

च्हमा सामरियाथेंस्यो घ्रि चर क्यु खाबर खइ। येशूजी चने “ङलाइ क्यु थुँल् पिंन्,” बिइ।

२ कोरिन्थी 8:9

तलेबिस्याँ ङ्योए प्रभु येशू ख्रीष्‍टजी ङ्योए फिर कति थेबै दयाम्हाँया लइमुँ बिब क्हेमैंइ सेइमुँ। येशू ख्रीष्‍टने तोन्दोंरि सै मुँलेया क्‍हेमैंए ल्हागिर ङ्हाँदु तइ। तलेबिस्याँ खीए ङ्हाँदुउँइँले क्‍हेमैं प्लब् तरिगे बिब खीए सैं मुँल।

हिब्रू 2:17

छतसि ताँन् सैर खी ह्रोंसए अलिमैं धोंबन् तल् त्हुइ, धै म्‍हिमैंए पाप त्होमिंसि क्षमा लबै ल्हागिर परमेश्‍वरए सेवा लबै ल्हागिर खी बिश्‍वास मुँब नेरो ल्हयो मुँबै ख्रो पिंबै खेगि क्रथे तइ।

हिब्रू 4:15

ङ्योए ल्हागिर ख्रो पिंबै खेगि क्रथेजी ङ्योए दुःखर ल्होल् खाँम्। तलेबिस्याँ ङो चुसि ङ्योलाइ पापर च्होवाब् धोंले खीलाज्यै या पापर च्होवाबै ल्हागिर तोन्‍दोंरि सैर ङो चुल, दिलेया खैबै ङोज्यै या खीलाइ पापर च्होवाल् आखाँ।