यूहन्‍ना 4:53 - परमेश्‍वरए ताँ तमु क्युइर

⁵³ येशूजी च कर्मचारिने “क्‍हिए च्‍ह सोब्‍मुँ,” बिबै त्हे ओंनोंन् सयान बिब कर्मचारिइ था सेइ। छतमा च नेरो चए ताँन् परवाइ येशूए फिर बिश्‍वास लइ।

यूहन्‍ना 4:53 ပူးပေါင်းရင်းမြစ်များ

भजनमैं 107:20

खीजी सयाद् बिमा चमैं सयाइ; धै चमैंलाइ कालउँइँले जोगेमिंइ।

भजनमैं 33:9

तलेबिस्याँ खीजी बचन पोंसि तोन्दोंरि सैमैं लमिंइ; खीजी तयाद् बिमा ताँन् सै तयाइ।

मत्ती 8:13

झाइले येशूजी कप्‍तानने “ह्‍याद्! क्‍हिइ बिश्‍वास लब् धोंन् क्हिलाइ तब्मुँ।” बिबै तोदोंन् कप्‍तानए के लबै म्हि सयाइ।

लूका 19:9

येशूजी चने बिइ, “तिंयाँ चु धिंर्बै म्हिमैंइ मुक्‍ति योंइमुँ, तलेबिस्याँ चु या अब्राहामए सन्तान ग।

यूहन्‍ना 4:51

झाइले च ह्‍यारिमा घ्याँर्न चए के लब्मैंने त्होमा चमैंइ “क्हिए च्ह सोयाइमुँ,” बिइ।

यूहन्‍ना 4:52

चइ चमैंने “कति त्‍हेसेरो सइ?” बिसि ङ्योएमा चमैंइ बिइ, “तेल् त्हिंयाँर्बै घ्रि ह्राबसेरो तापइ पिवाइ।”

चेला चिब्मैंए केमैं 11:14

चइ क्हिने परमेश्‍वरए ताँ बिमिंब्मुँ, धै च ताँउँइँले क्हि नेरो क्हिए ताँन् परवामैं जोगेब्मुँ,’ बिइ।

चेला चिब्मैंए केमैं 16:15

झाइले च नेरो चए धिंर्बै ताँनइ बप्‍तिस्मा किंइ। च लिउँइँ चइ ङिने यो छ्युँ लसि बिइ, “क्हेमैंइ ङ क्ह्रोंसेंन प्रभुए फिर बिश्‍वास लबै अङाँ बिसि मैंम् बिस्याँ ङए धिंर खसि टिमिंन् ओ।” छ बिसि ङिने कर ल्हैदिइ।

चेला चिब्मैंए केमैं 16:34

च लिउँइँ चमैं धिंर बोसि चब् चल् पिंइ, धै चए धिंर्बै ताँन् म्‍हिमैंइ परमेश्‍वरए फिर बिश्‍वास लबइले चए धिंर्बै परवाने च सैं तोंइ।

चेला चिब्मैंए केमैं 18:8

च्हों धिंर्बै चिब क्रिस्‍पस नेरो चए ताँन् परवाइ प्रभुए फिर बिश्‍वास लइ, धै कोरिन्‍थिमैं न्होंरै या ल्हें म्हिइ पावलए ताँ थेइरि बिश्‍वास लसि बप्‍तिस्मा किंइ।

चेला चिब्मैंए केमैं 2:39

परमेश्‍वरजी ‘पबित्र प्ल्ह पिंब्मुँ’ बिसि फैबै बाछा क्हेमैंए ल्हागिरि, क्हेमैंए सन्तानए ल्हागिरि, नेरो अरू ह्रें-ह्रेंगो मुँबै अरू ह्रेंर्बै म्हिमैंए ल्हागिरि ग। ङ्योए प्रभु परमेश्‍वरजी हुइब्मैं ताँनए ल्हागिर च बाछा फैइमुँ।”