यूहन्‍ना 4:46 - परमेश्‍वरए ताँ तमु क्युइर

⁴⁶ च लिउँइँ खी धबै गालीलर्बै काना बिबै नाँसर ह्‍याइ। खीजी चर ओंसों क्युउँइँले अँगुरए प्हा लमिंल। कफर्नहुमर कर्मचारि घ्रि मुँल, चए च्ह नरिल।

यूहन्‍ना 4:46 ပူးပေါင်းရင်းမြစ်များ

भजनमैं 50:15

धै दुःख तबै त्हेर ङने ग्वार ह्रिद्; ङइ क्हि दुःखउँइँले फ्रेमिंब्मुँ, झाइले क्हिइ ङए मिं थेब् लब्मुँ।”

भजनमैं 78:34

छले परमेश्‍वरजी म्हिमैं सैवामा अरूमैंइ खीलाइ म्हैइ; झाइले चमैंइ सैं एसि खी ङाँइ एइ।

मत्ती 15:22

च क्‍ल्‍ह्‍योउँइँले कनान ह्रेंर्बै च्हमिरि घ्रि ओरदै खसि येशूने बिइ, “ओ प्रभु, दाऊदए च्ह, ङए फिर ल्हयो खमिंन्। ङए च्हमि मोंइ स्यासि बेल्‍ले ह्रुगुदिइमुँ।”

मत्ती 4:13

येशूजी ह्रोंसए नासरत बिबै नाँस पिसि कफर्नहुम बिबै नाँसर युसि टिबर होंइ। चु सहर जबूलून नेरो नप्‍ताली ह्‍युलए चेंदो मा ङ्युए छेउर मुँ।

मत्ती 9:18

येशूजी चमैंने चु ताँ बिरिमा यहूदीमैंए चिब घ्रि खसि खीलाइ फ्योसि बिइ, “ङए च्हमि भर्खर्न सियाइ, दिलेया क्हि ह्‍यामिंसि चए फिर क्हिए यो थेंमिंनु। धै च सोब्‍मुँ।”

लूका 4:23

येशूजी चमैंने बिइ, “ओ बैद्य, क्‍हि ह्रोंसलाइन सल् लद्‍। क्हिजी कफर्नहुमर तो-तो केमैं ल‍इमुँ बिब ङिंइ थेल। छतसि चर लब् धों तबै केमैं ह्रोंसए नाँसरै या लद्‍ बिबै चु अहान् क्ह्रोसेंन क्‍हेमैंइ ङने बिब्मुँ आङिं वा।”

लूका 7:2

च नाँसर रोमी कप्‍तानइ बेल्‍ले खोबै के लबै म्हि घ्रि नसि सिबिन् छेल।

लूका 8:42

तलेबिस्याँ चल च्युसे ङ्हिंदिंर्बै घ्रिदे मुँबै च्हमि सिबिन् छेल। चए फिर ल्हयो खसि येशू चने बालु ह्‍याइ। छले ह्‍यारिमा म्हिए हुल कारर्ग्यु तखसि खीलाइ बेल्‍ले घच्याट तल।

यूहन्‍ना 2:12

च लिउँइँ खी ह्रोंसए आमा, अलिमैं नेरो चेलामैंने कफर्नहुम नाँसर ह्‍यासि दे त्हिंइ चर्न टिइ।

यूहन्‍ना 21:2

सिमोन पत्रुस, जौंले बिबै थोमा, गालीलर्बै कानाथें नथानेल, याकूब, यूहन्‍ना, नेरो येशूए चेलामैं न्होंर्बै अरू म्हि ङ्हिं या बालुन् मुँल।