यूहन्‍ना 4:40 - परमेश्‍वरए ताँ तमु क्युइर

⁴⁰ छतसि सामरीमैं खी ङाँर खसि, “ङिने बालुन् टिमिंन्,” बिसि येशूने यो छ्युँ लइ, धै खी ङ्हिरो समा चर्न टिइ।

यूहन्‍ना 4:40 ပူးပေါင်းရင်းမြစ်များ

उत्पत्ति 32:26

झाइले च स्वर्गदूतइ बिइ, “मि म्रोंबि छेइ, ङ ह्‍याल् पिंन्।” दिलेया याकूबइ बिइ, “ङए फिर आशिक आपिंन् समा ङइ क्हि ह्‍याल् आपिं।”

हितोपदेश 4:13

अर्तिए ताँमैं खोंयोंन् बिलै मैंथेंन्; चलाइ स्योरल् आपिंन्, चइ बिब ङेन, तलेबिस्याँ चइ क्हिलाइ छ्ह पिंम।

लूका 10:39

मार्थाल मरियम मिं मुँबै अङाँ मुँल। मरियम प्रभु येशूए प्‍हले ङाँर क्हुँसि खीजी लोमिंबै ताँ थेरिल।

लूका 24:29

छतसि “म्‍हुँइँस तबर होंइ। तिंयाँ ङिने बालुन् टिमिंन्!” बिसि चमैंइ खीने कर ल्हैदिइ। छबिमा येशू चमैंने बालुन् टिबर धिं न्होंर होंइ।

लूका 8:38

मोंइ स्यासि सयाबै च म्‍हिइ येशूने “ओ प्रभु ङै या क्‍हिने बालु ह्‍याल् पिंन् बिसि यो छ्युँ लबर होंइ।” दिलेया येशूजी चने बिइ,

यूहन्‍ना 4:39

“ङइ लबै तोन्दोंरि केमैं खीजी ङने बिमिंइ” बिबै च च्हमिरिइ पिंबै ग्वाइ लमा च नाँसर्बै सामरीमैं न्होंरि ल्हें म्हिइ येशूए फिर बिश्‍वास लइ।

यूहन्‍ना 4:41

झाइले खीजी बिबै ताँमैं थेसि ल्‍हें म्हिमैंइ खीए फिर बिश्‍वास लइ।

यूहन्‍ना 4:43

येशू चर ङ्हिरो टिसि छाइले गालीलर ह्‍याइ।

चेला चिब्मैंए केमैं 16:15

झाइले च नेरो चए धिंर्बै ताँनइ बप्‍तिस्मा किंइ। च लिउँइँ चइ ङिने यो छ्युँ लसि बिइ, “क्हेमैंइ ङ क्ह्रोंसेंन प्रभुए फिर बिश्‍वास लबै अङाँ बिसि मैंम् बिस्याँ ङए धिंर खसि टिमिंन् ओ।” छ बिसि ङिने कर ल्हैदिइ।

चेला चिब्मैंए केमैं 8:8

छले च सहरर्बै म्हिमैं बेल्‍ले सैं तोंइ।

दर्शन 3:20

थेद्, ङ म्रार रासि हुइमुँ। खाबज्‍यै या ङए कै थेसि म्रा थोंस्‍याँ ङ न्‍होंर खब्मुँ, धै चने बालु चब्‍मुँ, चै या ङने बालुन् चब्‍मुँ।