यूहन्‍ना 4:38 - परमेश्‍वरए ताँ तमु क्युइर

³⁸ अरूइ प्लुबै बालिमैं खैंबर ङइ क्हेमैं कुलइ। अरूइ दुःखले ल्हैदिबै बालि क्हेमैंइ योंइँमुँ।”

यूहन्‍ना 4:38 ပူးပေါင်းရင်းမြစ်များ

मत्ती 4:23

येशू गालील ह्‍युल तिगोंन् स्‍युरदै चमैंए च्हों धिंजरेबै म्हिमैंने परमेश्‍वरए ताँमैं लोमिंदै स्‍वर्गर्बै ग्याल्सए बारेर सैं तोंबै ताँमैं बिप्रमल। धै ताँन् खालर्बै नब् छब्मैं नेरो मोंइ स्याबै म्‍हिमैं या सल् लमिंमल।

यूहन्‍ना 1:7

यूहन्‍नाउँइँले ताँन् म्हिमैंइ परमेश्‍वरए ताँ क्वेंरिगे बिसि च चारबै ह्‍वेए बारेर ग्वाइ पिंबर युइ।

यूहन्‍ना 17:18

क्हिजी ङ चु ह्‍युलर कुलब् धोंले ङज्यै या चमैं ह्‍युलर कुल्मिंइमुँ।

यूहन्‍ना 4:37

तलेबिस्याँ ‘म्हि घ्रिइ प्लुमुँ, धै अर्कोइ खैंम्,’ बिबै ताँ क्ह्रोसेंन्बै ग।

यूहन्‍ना 4:39

“ङइ लबै तोन्दोंरि केमैं खीजी ङने बिमिंइ” बिबै च च्हमिरिइ पिंबै ग्वाइ लमा च नाँसर्बै सामरीमैं न्होंरि ल्हें म्हिइ येशूए फिर बिश्‍वास लइ।

चेला चिब्मैंए केमैं 2:41

झाइले पत्रुसए ताँ क्वेंबै म्हिमैंइ बप्‍तिस्मा किंइ। च त्हिंइर्न योदा आयोदा हजार सोंदे म्हिमैं चमैंए फिर थब्दिइ।

चेला चिब्मैंए केमैं 4:32

प्रभुए फिर बिश्‍वास लब्मैं ताँनए सैं, खों घ्रिन् मुँल। चमैंए न्होंर खाबज्यै या चमैंने मुँबै सैमैं ह्रोंसल् आबिमल। चमैंए ताँन् सैमैं गमस्तर तमल।

चेला चिब्मैंए केमैं 4:4

दिलेया चमैंए ताँ थेब्मैंए न्होंर ल्हें म्हिइ येशूए फिर बिश्‍वास लइ। खीए फिर बिश्‍वास लब्मैं योदा-अयोदा हजार ङ्‍हदे तल।

चेला चिब्मैंए केमैं 5:14

छतमा प्रभुए फिर बिश्‍वास लबै मुँयुँमैं नेरो च्हमिरिमैं झन् ल्हें तबर होंइ।

चेला चिब्मैंए केमैं 6:7

झाइले परमेश्‍वरए ताँ खन्तोंदोंन् फेनेइ, धै चेलामैं यरूशलेम तिगोंन् प्लिंइ। छतमा ख्रो पिंबै ल्हें खेगिमैंइ येशूए फिर बिश्‍वास लइ।

२ कोरिन्थी 10:15

ङिलाइ परमेश्‍वरजी पिंबै जिम्मा बाहेक् अरू चेलामैंइ लबै केर ङिइ यो झोंसि थेब् आप्‍हैं। बरु क्‍हेमैंए बिश्‍वास भोंब् तरिगे धै परमेश्‍वरजी ङिलाइ जिम्‍मा पिंब् धोंले ङिइ क्‍हेमैंने बालु झन् ल्हें के लल् खाँरिगे बिब ङिए आशा मुँ।