यूहन्‍ना 4:25 - परमेश्‍वरए ताँ तमु क्युइर

²⁵ च च्हमिरिइ खीने बिइ, “ङइ सेइमुँ परमेश्‍वरजी कुल्मिंबै म्रुँ ख्रीष्‍ट युसिन् मुँ, खोंयों खी युमुँ, च्हमन् खीजीन् तोन्दोंरि ताँमैं ङिने बिमिंब्मुँ।”

यूहन्‍ना 4:25 ပူးပေါင်းရင်းမြစ်များ

मत्ती 1:16

याकूबए च्‍ह योसेफ मुँल। योसेफए प्ह्रेंस्यो मरियम मुँल। मरियम परमेश्‍वरजी कुल्मिंबै म्रुँ ख्रीष्‍ट येशूए आमा मुँल।

मत्ती 27:17

म्‍हिमैं खागु तमा पिलातसइ चमैंने “क्हेमैंए सैंर खै ङ्हाँइमुँ? क्हेमैंए ल्हागिर ङइ खाब् पिमिंले? बारब्‍बा पिमिंले उ ख्रीष्‍ट बिबै येशू पिमिंले?” बिसि ङ्योएइ।

मत्ती 27:22

पिलातसइ चमैंने बिइ, “छबिस्याँ ङइ चु ख्रीष्‍ट बिबै येशूलाइ तो लले दि?” चमैं ताँनइ “चलाइ क्रूसर च्योवाद्,” बिइ।

लूका 2:11

तिंयाँ बेथलेहेम बिबै दाऊदए नाँसर क्‍हेमैंए ल्हागिर मुक्‍ति पिंबै म्‍हि फिइमुँ। खीन परमेश्‍वरजी कुल्‍मिंबै प्रभु ख्रीष्‍ट ग।

यूहन्‍ना 1:49

नथानेलइ खीने बिइ, “रब्बि, क्‍हि परमेश्‍वरए च्‍ह ग! क्हि इस्राएलर्बै म्रुँ ग!”

यूहन्‍ना 4:29

“खो, म्हि घ्रि ङ्‍ह्‍योबर खो! ङइ लबै तोन्दोंरि केमैं खीजी बिमिंइ। खनिज्यै खीन् परमेश्‍वरजी कुल्मिंबै म्रुँ ख्रीष्‍ट मुँइ उ?”

यूहन्‍ना 4:39

“ङइ लबै तोन्दोंरि केमैं खीजी ङने बिमिंइ” बिबै च च्हमिरिइ पिंबै ग्वाइ लमा च नाँसर्बै सामरीमैं न्होंरि ल्हें म्हिइ येशूए फिर बिश्‍वास लइ।

यूहन्‍ना 4:42

चमैंइ च च्हमिरिने बिइ, “तोगो क्‍हिइ बिबै ताँ थेसि ङिइ खीए फिर बिश्‍वास लब आङिं, दिलेया ङिइ ह्रोंसइन खीए ताँ थेबइले क्ह्रोंसेंन खी ताँन् ह्‍युलर्बै मुक्‍तिदाता मुँन बिसि ङिइ सेइमुँ।”