यूहन्‍ना 4:24 - परमेश्‍वरए ताँ तमु क्युइर

²⁴ परमेश्‍वर प्ल्ह ग। छतसि खीलाइ म्हाँदिब्मैंइ खी खैतबै परमेश्‍वर जा बिसि खीए पबित्र प्ल्हउँइँले मत्‍त्रे छेनाले म्हाँदिल् त्‍हुम्।”

यूहन्‍ना 4:24 ပူးပေါင်းရင်းမြစ်များ

भजनमैं 145:18

याहवेहए मिं किंब्मैं ताँनए चेंदों खी तरिम्, क्ह्रोसेंन्बै छ्याँबै सैंइ खीए मिं किंब्मैं ताँनए चेंदों खी तरिम्।

भजनमैं 50:23

धन्यबादए ख्रो पिंबै म्हिइन ङए मिं थेब् लब्मुँ। धै ठिक घ्याँर प्रब्मैंलाइन ङइ जोगेमिंब्मुँ,” बिसि फरमेश्‍वरजी बिइमुँ।

भजनमैं 51:17

ङ पापि ग बिसि मैंबै सैंन् परमेश्‍वरजी खोबै ख्रो ग; ओ परमेश्‍वर, ङइ आछ्याँबै के लना बिसि न्हुँ लबै म्हिलाइ क्हिजी म्हाँया लम्।

भजनमैं 66:18

ङए सैंइ पाप मैंरिस्याँ परमेश्‍रजी ङए ताँ आथेमल।

यूहन्‍ना 4:23

दिलेया त्हे खसिन् मुँ, च त्हे तोगोंन् ग, परमेश्‍वर आबालाइ क्‍ह्रोंसेंन्ले म्हाँदिब्मैंइ परमेश्‍वर खैबै मुँ बिसि छेनाले क्होसि पबित्र प्ल्हउँइँले म्हाँदिब्मुँ। परमेश्‍वर आबा म्हाँदिब्मैंइ ह्रोंसए खों न्होउँइँले म्हाँदिब्मुँ। छाबै म्हिमैंन् परमेश्‍वर आबाजी म्‍हैम्।

२ कोरिन्थी 1:12

चु ताँ बिल् योंमा ङि ङ्‍हो च्हौ प्ल्ह्‍याब् धों ङ्हाँइमुँ, ङिए सैंज्यै या छान् बिम्। ङिइ चु ह्‍युलर छ्ह थोमा छ्याँबै केमैं लसि छेनाले प्रब्-टिब लइ, क्‍हेमैंने मुँमै या ङि छेनाले प्रब्-टिब पोंब लसि परमेश्‍वरए क्‍ह्रोंसेंन्बै घ्याँर प्रल। ङिइ छाबै केमैं म्‍हिए ज्ञान बुद्धिउँइँले लब आङिं, चु केमैं ङिइ परमेश्‍वरए दयाम्हाँयाउँइँले लल् खाँब् ग।

२ कोरिन्थी 3:17

“याहवेह” पबित्र प्ल्ह ग, छतसि खाब्ने याहवेहए प्ल्ह तमुँ, च म्‍हि खाँसों ङ्हाँन् तल् योंम्।

फिलिप्पी 3:3

ङ्योम् ज्युर चिनु लबै केर भर लब्मैं आङिं! ङ्योम् छ्याँबै सैंइ खों न्होंउँइँलेन् परमेश्‍वरलाइ म्हाँदिब्मैं ग, तलेबिस्याँ ङ्योइ परमेश्‍वरए पबित्र प्ल्हउँइँलेन् खीलाइ म्हाँदिइमुँ। धै ख्रीष्‍ट येशूजी लबै केर ङ्योइ प्हैंल् खाँम्।

१ तिमोथी 1:17

छतसि खोंयोंन् बिलै तरिबै म्रुँ, खोंयोंइ नास आतब, नेरो म्रोंल आखाँबै घ्रि मत्‍त्रे परमेश्‍वर खीलाइन खोंयोंन् बिलै मान, इजेत नेरो महिमा तरिगे। आमेन, छान् तरिगे!