यूहन्‍ना 4:22 - परमेश्‍वरए ताँ तमु क्युइर

²² क्हेमैंइ म्हाँदिरिबै सै क्‍हेमैंइ आसे। ङि यहूदीमैंइ बिस्‍याँ तो म्हाँदिरिइमुँ बिसि सेइमुँ। तलेबिस्याँ यहूदीमैंउँइँले ताँन् म्‍हिमैंइ मुक्‍ति योंब्मुँ।

यूहन्‍ना 4:22 ပူးပေါင်းရင်းမြစ်များ

उत्पत्ति 49:10

यहूदाए योउँइँले म्रुँए प्हरे स्योरिब् आरे, चए क्ल्हे आखन् समा, ग्याल्स ओलेबै प्हरे चए प्हलेए प्हाँइले स्योरिब् आरे। छतमा ह्रेंमैंइ चइ बिबै ताँ ङिंब्मुँ।

भजनमैं 147:19

खीजी ह्रोंसए ताँ याकूबने धै ह्रोंसए ठिममैं नेरो निसाफमैं इस्राएलने उँइँमिंइमुँ।

भजनमैं 68:20

ङ्योए परमेश्‍वर जोगेमिंबै परमेश्‍वर ग। याहवेह ङ्योए प्रभु ग, खीजीन् ङ्योलाइ सिबउँइले सोगों लमिंम्।

लूका 24:47

ह्रोंसइ लबै आछ्याँबै केमैं पिसि परमेश्‍वरउँइँ सैं एइस्याँ म्हिमैंइ पाप क्षमा योंम् बिबै ताँ ओंसों यरूशलेमर बिप्रबइले ताँन् ह्रें-ह्रेंर्बै म्हिमैंने बिमिंल् त्हुम्।

चेला चिब्मैंए केमैं 17:23

तलेबिस्याँ ङ चु सहर स्युरदै प्रमा क्हेमैंइ फ्योबै सैमैं ङइ ल्हें म्रोंइ। ङइ छाबै ख्रो पिंबै क्ल्ह्‍यो घ्रि या स्याइ। चर ‘ङो आसेबै देवता’ बिसि प्ह्रिथेंना। छतसि क्हेमैंइ आह्रसि फ्योबै ‘ङो आसेबै देवता’ खाब् जा बिसि ङइ क्हेमैंने क्होमिंस्यो।

चेला चिब्मैंए केमैं 17:30

छतसि म्हिमैंइ ओंसोंन् परमेश्‍वर ङो आसेमा लबै केमैं खीजी वास्ता आल। तारे परमेश्‍वरजी ताँन् क्ल्ह्‍योर्बै म्हिमैंइ ह्रों-ह्रोंसइ लबै पाप केमैं पिसि परमेश्‍वरउँइँ सैं एद् बिसि बिइमुँ।

चेला चिब्मैंए केमैं 3:26

क्हेमैंलाइ ह्रोंसए आछ्याँबै केमैंउँइँले एपखसि आशिक पिंबै ल्हागिर परमेश्‍वरजी ह्रोंसए सेवा लबै म्हि त्हाँसि ताँन् भन्दा ओंसों क्हेमैं इस्राएलीमैं ङाँर कुल्मिंइ।”

रोमी 11:18

छतसि क्‍हेमैं च चोयाबै हाँग धों तबै यहूदीमैंलाइ हेल लल् आत। चमैं भन्दा ह्रोंसन् स्‍वाब मुँ ङ्हाँस्‍याँ, चु ताँ सैंर मैंन्: क्‍हेमैं सिं धुँने प्हेरबै हाँग धों तब्मैं मत्‍त्रे ग। क्‍हेमैंइ जरा आधाँदिइमुँ, बरु जराइ क्‍हेमैंलाइ धाँदिइमुँ।

हिब्रू 7:14

येशू यहूदाए कुलउँइँले फिब् ग बिसि ताँनइ सेइमुँ, धै यहूदाए कुलउँइँले ख्रो पिंबै खेगि त्हाँबै बारेर मोशाइ तोइ या आबिइमुँ।