यूहन्‍ना 4:21 - परमेश्‍वरए ताँ तमु क्युइर

²¹ येशूजी चने बिइ, “ओ नानि, ङए फिर बिश्‍वास लद्, च त्हे खसिन् मुँ, च त्हेर क्हेमैंइ परमेश्‍वरए मिं क्‍वेबर चु कोंरै ह्‍याल् आत्हु, यरूशलेमरै या ह्‍याल् त्हुरिब् आरे।

यूहन्‍ना 4:21 ပူးပေါင်းရင်းမြစ်များ

मत्ती 18:20

तलेबिस्याँ खनिर म्‍हि ङ्हिदे सोंदे ङए मिंर खागु तमुँ, चमैंए म्‍हाँजोरि ङ तब्‍मुँ।”

मत्ती 28:19

छतसि क्‍हेमैं ह्‍युलर्बै ताँन् ह्रेंमैं ङाँर ह्‍यासि चेलामैं लदु, धै परमेश्‍वर आबा, परमेश्‍वर च्‍ह नेरो पबित्र प्ल्हए मिंर क्‍युर प्‍ल्हुँमिंसि बप्‍तिस्‍मा पिंन्।

लूका 21:24

शत्तुरमैंइ चमैं को-कोइ सेलाँइ (तरवारइ) सैवाब्‍मुँ, कोइ फैसि ह्‍युल ह्‍युलर बोब्‍मुँ। परमेश्‍वरजी चमैंने तोक्‍दिबै त्‍हे आतन् समा अरू ह्रेंर्बै म्हिमैंइ यरूशलेम खेंमैंए अधीनर थेंब्मुँ।”

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

यूहन्‍ना 16:2

म्हिमैंइ क्हेमैं यहूदीमैंए च्हों धिंउँइँले तेवाब्मुँ। क्हेमैंलाइ सैब्मैंइ परमेश्‍वरए सेवा लसिन् मुँ बिसि मैंबै त्हे खसिन् मुँ।

यूहन्‍ना 16:32

ङ्ह्‍योत्ति! त्हे खसिन् मुँ, खल् खाँइ। च त्हेर क्हेमैं खन्तोदोंन् प्हुँयासि ह्रों-ह्रोंसए धिंर ह्‍याब्मुँ धै ङ घ्रिन् वाथेंब्मुँ। दिलेया ङ घ्रि आरे, तलेबिस्याँ आबा ङने बालुन् मुँ।

यूहन्‍ना 4:23

दिलेया त्हे खसिन् मुँ, च त्हे तोगोंन् ग, परमेश्‍वर आबालाइ क्‍ह्रोंसेंन्ले म्हाँदिब्मैंइ परमेश्‍वर खैबै मुँ बिसि छेनाले क्होसि पबित्र प्ल्हउँइँले म्हाँदिब्मुँ। परमेश्‍वर आबा म्हाँदिब्मैंइ ह्रोंसए खों न्होउँइँले म्हाँदिब्मुँ। छाबै म्हिमैंन् परमेश्‍वर आबाजी म्‍हैम्।

यूहन्‍ना 5:25

क्ह्रोंसेंन ङ क्हेमैंने बिमुँ, च त्हे खसिन् मुँ, च त्हे तोगोन् ग। सियाब्‍मैंइ परमेश्‍वरए च्‍हए कै थेब्मुँ, धै च्हए कै थेब्मैं सोल् योंब्मुँ।

यूहन्‍ना 5:28

चु ताँर अचम्मा आङ्हाँन्, तलेबिस्याँ छगोंर मुँब्मैं ताँनइ खीए कै थेबै त्‍हे खइन मुँ।

चेला चिब्मैंए केमैं 6:14

नासरतर्बै येशूइ चु मन्दिर नास लवासि मोशाइ ङ्योने पिंबै ठिममैं या फेर्दिवाम् रो बिब ङिइ थेइ!”

एफिसी 2:18

यहूदीमैं मुँलेया अरू ह्रेंमैं मुँलेया ङ्यो ताँनइ पबित्र प्ल्ह घ्रिउँइँलेन् परमेश्‍वर आबा ङाँर ह्‍याल् योंइमुँ।

एफिसी 3:14

छतसि ङ च्हि तुँसि परमेश्‍वर आबालाइ फ्योम्।

१ तिमोथी 2:8

छतसि ताँन् क्ल्ह्‍योजरे मुँयुँमैंइ ह्रिस आखल्‍ले, तोइ गनगन आलल्‍ले आछ्याँबै के आलबै यो क्वेसि प्राथना लरिगे बिब ङए सैं मुँ।

१ पत्रुस 1:17

म्हिमैंइ लबै के ङ्‍ह्‍योसि खाबै आफेलनाले निसाफ लबै परमेश्‍वरलाइ आबा बिसि प्राथना लम् बिस्याँ, चु ह्‍युलर टिबै छ्ह तिगोंन् परमेश्‍वरने ङ्हिंसि टिद्।

दर्शन 21:22

ङइ च सहरर मन्‍दिर आम्रों, तलेबिस्याँ चर्बै मन्‍दिर ताँन् भन्दा थेबै शक्‍ति मुँबै याहवेह परमेश्‍वर नेरो क्‍यु च्हज ग।