यूहन्‍ना 4:15 - परमेश्‍वरए ताँ तमु क्युइर

¹⁵ छबिमा च च्हमिरिइ खीने बिइ, “छबिस्याँ ङै या च क्यु पिंन्, धै ङ क्यु पिरिब् आरे, धै क्यु खाबरै या चुर खरिल् आत्हु।”

यूहन्‍ना 4:15 ပူးပေါင်းရင်းမြစ်များ

भजनमैं 4:6

“ङिलाइ छ्याँबै सैमैं खाबइ उँइँल् खाँमुँ?” बिसि ल्हें म्हिइ ङ्योएरिइमुँ। ओ याहवेह, ङइ ग्वार ह्रिमा क्हिए लिर्बै ह्‍वे ङिए फिर चारमिंसि आशिक पिंन्।

यूहन्‍ना 4:16

येशूजी चने “ह्‍याद्! क्‍हिए प्‍युँ हुइ पउ,” बिइ।

यूहन्‍ना 6:26

येशूजी चमैंने बिइ, “क्ह्रोंसेंन ङ क्हेमैंने बिमुँ, ङइ लबै औदिबै चिनुमैं म्रोंसि क्हेमैंइ ङलाइ म्हैब आङिं, दिलेया म्रेंन्ले क्‍हें चल् योंबइले ङलाइ म्‍हैब् ग।

यूहन्‍ना 6:34

छबिमा चमैंइ खीने बिइ, “प्रभु, चु क्हें ङिलाइ खोंयों बिलै पिंरिद्।”

यूहन्‍ना 6:35

येशूजी चमैंने बिइ, “खोंयोंइ आखाँबै छ्ह पिंबै क्हें ङन् ग। ङ ङाँर खब्‍मैं खोंयोंइ फो ख्रेंरिब आरे, धै ङए फिर बिश्‍वास लब्‍मैं खोंयोंइ क्‍यु पिरिब आरे।

रोमी 6:23

तलेबिस्याँ पाप लब्मैंइ योंबै नों सिब ग! दिलेया परमेश्‍वरजी छलेन् पिंबै दान ङ्योए प्रभु येशू ख्रीष्‍टउँइँले खोंयोंइ आखाँबै छ्ह योंब् ग।

रोमी 8:5

छ्ह थोबै तरिका ङ्हिं मुँ: घ्रि, ह्रोंसए ओंसोंबै बानि अनुसार प्रब्मैंए सैं ओंसोंबै बानिए इच्‍छार्न ह्‍याम्। अर्को, परमेश्‍वरए प्ल्हजी बिब् धोंले प्रब्मैं खीए प्ल्हए इच्‍छार्न सैं ह्‍याम्।

१ कोरिन्थी 2:14

पबित्र प्ल्ह आरेबै म्हिमैंइ परमेश्‍वरजी बिबै ताँ क्होल् आखाँ। च ताँ चमैंए ल्हागिर केर आफेबै ताँ धों तम्, तलेबिस्याँ पबित्र प्ल्हजी पिंबै ज्ञान-बुद्धिउँइँले मत्‍त्रे च ताँमैं क्होल् खाँम्।

याकूब 4:3

धै क्‍हेमैंइ परमेश्‍वरने ह्रिलेया आयों, तलेबिस्याँ क्‍हेमैंइ ह्रोंसए सयल थोबै ल्हागिर मत्‍त्रे आछ्याँबै सैंइ ह्रिम्।

१ यूहन्‍ना 5:20

क्ह्रोंसेंन्‍बै परमेश्‍वरलाइ ङ्योइ ङो सेरिगे बिसि खीए च्‍ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्‍वरए च्‍ह येशू ख्रीष्‍टने घ्रिन् तसि क्ह्रोंसेंन्‍बै परमेश्‍वरने घ्रिन् तम् बिसे या सेइमुँ। क्ह्रोंसेंन्‍बै परमेश्‍वर खीन् ग धै खीउँइँले खोंयोंइ आखाँबै छ्ह योंम्।