यूहन्‍ना 3:29 - परमेश्‍वरए ताँ तमु क्युइर

²⁹ खाब्ने बालु प्ह्रेंस्यो मुँ, चन् प्ह्रेंरो ग। प्ह्रेंरोए थु प्ह्रेंरो ङाँर रासि खीए कै थेसि बेल्‍ले सैं तोंम्। छतसि ङ बेल्‍ले सैं तोंइँमुँ।

यूहन्‍ना 3:29 ပူးပေါင်းရင်းမြစ်များ

मत्ती 22:2

“स्‍वर्गर्बै ग्याल्स म्रुँ घ्रिने च्हैंल् खाँम्। चइ ह्रोंसए च्‍हए ब्ह्‍यार थेबै भत्‍यार लइ।

मत्ती 25:1

येशूजी अझै बिइ, “स्‍वर्गर्बै ग्याल्स कन्ये च्युने च्हैंल् खाँम्। च कन्ये च्युइ ह्रों-ह्रोंसए बत्ति छेसि प्ह्रेंरोने त्‍होबर ह्‍याइ।

मत्ती 9:15

येशूजी चमैंने बिइ, “प्ह्रेंरो जन्तिमैंने बालु मुँमा चमैंइ शोक लम्‍मा? दिलेया च त्हे खब्मुँ, प्ह्रेंरो चमैंउँइँले बोयाब्मुँ। चमैं सैं आतोंसि बर्त टिब्‍मुँ।”

लूका 15:6

छले प्‍ह्रोंर खसि चइ ह्रोंसए थुमैं नेरो ङ्‌हेब्-ट्हुबमैं हुइसि ‘ङ बेल्‍ले तोंइमुँ, क्‍हेमैं या सैं तोंन्। तलेबिस्याँ ङए म्‍हयाबै क्‍यु योंइ,’ बिम्।

यूहन्‍ना 15:11

ङए सैं तोंब् धोंलेन क्हेमैं या बेल्‍ले सैं तोंरिगे बिसि ङइ क्हेमैंने चु ताँ बिइमुँ।

यूहन्‍ना 16:24

तोगो समा ङए मिंरि क्‍हेमैंइ आबाने तोइ आह्रिइमुँ। तारे ह्रिद् क्‍हेमैंइ योंब्मुँ। झाइले क्‍हेमैं बेल्‍ले सैं तोंल् योंब्‍मुँ।

यूहन्‍ना 17:13

“तारे ङ क्हि ङाँर खसिन्‌ मुँ, दिलेया चमैंए सैं ङइ पिंथेंबै आनन्दइ प्लिंरिगे बिसि ह्‍युलर मुँमा ङइ चु ताँमैं बिइमुँ।

यूहन्‍ना 3:30

खी थेब् तदै ह्‍याल् त्‍हुम्, ङ बिस्याँ च्‍योंब तदै ह्‍याल् त्‍हुम्।

२ कोरिन्थी 11:2

तलेबिस्याँ क्‍हेमैं कन्‍ये धों तब् ग, ख्रीष्‍टने बालुन् ब्ह्‍या लमिंबै ल्हागिर ङइ क्हेमैंलाइ ह्रिथेंइमुँ। छतसि क्‍हेमैंए फिर्बै ङए ह्रिस परमेश्‍वरल् धोंन् तबै ह्रिस ग।

फिलिप्पी 2:2

छतसि क्‍हेमैंए सैं फो घ्रिन् तसि, ताँनने म्हाँया घ्रिन् लसि, क्‍ह्रिसि ङए सैं झन् तोंन् लद्।

१ यूहन्‍ना 1:4

छतसि ङ्यो ताँन् बेल्‍ले सैं तोंल् योंरिगे बिसि क्‍हेमैंए ल्हागिर ङिइ चु ताँ प्‍ह्रिइमुँ।

२ यूहन्‍ना 1:12

ङइ क्‍हेमैंलाइ प्ह्रिल् त्‍हुबै ताँमैं ल्‍हेन् मुँ, दिलेया तोगो तोन्दोंरि ताँमैं प्‍ह्रिदा आङ्हाँ। बरु ङ्यो बेल्‍ले तोंल् योंरिगे बिसि क्हेमैंनेन् त्होसि ताँ लबै सैं ङल् मुँ।

दर्शन 21:9

झाइले परमेश्‍वरए ह्रिसइ प्लिंबै प्हेल ङि छेबै स्‍वर्गदूत ङि न्‍होंर्बै घ्रि ङ ङाँर खसि बिइ, “खो, ङइ क्हिलाइ क्‍यु च्हजए प्‍ह्रेंस्‍यो उँइँमिंस्‍यो।”