यूहन्‍ना 3:26 - परमेश्‍वरए ताँ तमु क्युइर

²⁶ चमैं यूहन्‍ना ङाँर खसि बिइ, “गुरु! यर्दन स्‍यों क्‍योंजा क्‍हिने मुँबै म्हिए बारेर ओंसों क्हिइ ग्वाइ पिंल, तिंजोरोम् खीजीन् म्हिमैं क्युर प्ल्हुँसि बप्‍तिस्‍मा पिंरिइमुँ। धै ताँन् म्हिमैं खी ङाँर्न ह्‍यारिइमुँ।”

यूहन्‍ना 3:26 ပူးပေါင်းရင်းမြစ်များ

भजनमैं 65:2

ओ प्राथना थेमिंबै परमेश्‍वर, क्हिए प्हलेर्न ताँन् म्हिमैं खब्मुँ।

मत्ती 23:7

बजारजरे स्‍युरबर ह्‍यामा म्‍हिमैंइ खेंमैं मान लसि ‘गुरु’ बिसि म्हाँदिरिगे ङ्हाँम्।

मत्ती 23:8

“दिलेया खाबज्यै या क्‍हेमैंने ‘गुरु’ आबिरिगे, तलेबिस्याँ क्‍हेमैंलाइ लोमिंबै गुरु घ्रि मत्‍त्रे मुँ, छतसि क्‍हेमैं ताँन् आघें-अलिमैं ग।

यूहन्‍ना 1:15

यूहन्‍नाइ येशूए बारेर ग्वाइ पिंदै थेबै कैले बिइ, “ङए लिलि युबै म्हि ङ भन्दा थेब मुँ, तलेबिस्याँ ङ फिब् भन्दा ओंसों ओंनोंन् खी मुँल। चए बारेर ङइ ओंसोंन् बिल।”

यूहन्‍ना 1:7

यूहन्‍नाउँइँले ताँन् म्हिमैंइ परमेश्‍वरए ताँ क्वेंरिगे बिसि च चारबै ह्‍वेए बारेर ग्वाइ पिंबर युइ।

यूहन्‍ना 1:9

ताँन् म्हिमैंलाइ ज्ञान पिंबै क्‍ह्रोंसेंन्‍बै चारबै ह्‍वे ह्‍युलर युसिन् मुँल।

यूहन्‍ना 11:48

चुलाइ छलेन् पिवाइ बिस्‍याँ ताँ‍नइ चुए फिर बिश्‍वास लब्मुँ, झाइले रोमी सिपाइमैं खसि ङ्योए मन्दिर नेरो ङ्योए ह्रेंमैं नास लवाब्मुँ।”

यूहन्‍ना 12:19

छतमा फरिसीमैंइ खेंमैंए न्होंर “ङ्‍ह्‍‍योत्ति! कहेमैंइ तोइ लल् खाँरिब् आरे। म्रोंइँमुँ वा, ह्‍युलर्बै ताँन् म्हिमैं चए लिलि ल्हैदिल् खाँइ बिबर होंइ।”

यूहन्‍ना 3:2

च म्‍हुँइँसर येशू ङाँर खसि खीने बिइ, “ओ गुरु, क्‍हि परमेश्‍वरउँइँले युबै लोमिंबै म्हि ग बिसि ङिइ सेइमुँ, तलेबिस्याँ परमेश्‍वरजी आल्होमिंस्याँ क्‍हिइ लब् धों तबै चु औदिबै चिनुमैं खाबज्यै लल् आखाँ।”

यूहन्‍ना 4:1

यूहन्‍नाइ भन्दा येशूजी ल्हें चेलामैं बनेसि बप्‍तिस्‍म या पिंरिइमुँ बिबै ताँ फरिसीमैंइ थेइ।

यूहन्‍ना 4:2

(येशू ह्रोंसजीन् बप्‍तिस्मा आपिंमल। दिलेया खीए चेलामैंइ म्हिमैं बप्‍तिस्मा पिंमल।)

यूहन्‍ना 4:31

च त्हेर्न चेलामैंइ येशूने “गुरु, च्हौदे चबै सै चद्,” बिसि यो छ्युँ लइ।

यूहन्‍ना 5:33

“क्हेमैंइ यूहन्‍ना ‍ङाँर ताँ ङ्योएबर म्हिमैं कुल्मिंइ। झाइले चज्यै या ङए बारेर क्‍ह्रोंसेंन्‍बै ग्वाइ पिंइमुँ।