यूहन्‍ना 21:9 - परमेश्‍वरए ताँ तमु क्युइर

⁹ झाइले चमैं तालए छेउर तमा मि राबार ताँग नेरो क्हें थेंब म्रोंइ।

यूहन्‍ना 21:9 ပူးပေါင်းရင်းမြစ်များ

मत्ती 4:11

येशूजी छ बिबै तोदोंन् दुष्‍ट खीलाइ वाथेंसि ह्‍याइ। धै स्‍वर्गदूतमैं युसि येशूए सेवा लइ।

मर्कूस 8:3

चुमैं छलेन् तोइ आचल्‍ले धिंर कुलइ बिस्‍याँ घ्‍याँर्न फो ख्रेंसि मुर्छा तब्मुँ। तलेबिस्याँ को-कोइम् ह्रेंगोउँइँले खबै म्‍हिमैं मुँ।”

यूहन्‍ना 18:18

खुँबै त्हे तबइले केब्छैंमैं नेरो मन्दिर रुँब्मैं मि त्हेसि रारिल। छतसि पत्रुस या चमैंने बालु रासि मि त्हेबर होंइ।

यूहन्‍ना 21:10

येशूजी चमैंने बिइ, “क्‍हेमैंइ भर्खर क्‍हाबै च्हौदे ताँग पउदि।”

यूहन्‍ना 21:13

येशूजी क्हें छेखसि चमैंलाइ पिंइ, छलेन ताँगै या पिंइ।

यूहन्‍ना 21:8

अरू चेलामैं बिस्याँ डुँङ्गार्न क्हुँसि जाल चैंरिल। चमैं माँङ्युँइए रेउँइँले ह्रेंगो आरेल। योदा आयोदा प्र मिटरदे ह्रेंगो मुँल।

यूहन्‍ना 6:11

झाइले येशूजी च क्‍हें किंसि परमेश्‍वरलाइ धन्‍यबाद पिंइ, धै क्हुँबै म्हिमैं चुमिंइ। छलेन ताँगै या चुमिंइ। चमैंइ म्रेंन्ले चइ।

यूहन्‍ना 6:9

“ओ गुरु, चुर फ्रेंसि घ्रिने झउए क्हें ङ्‍हबो नेरो ताँग ङ्हिं मुँ। दिलेया च्‍हौ ल्‍हें म्हिए ल्हागिर च्हगइ योम् रो वा?”