यूहन्‍ना 21:7 - परमेश्‍वरए ताँ तमु क्युइर

⁷ येशूजी खोबै चेलाइ पत्रुसने बिइ, “खिम् प्रभु ग मुँन!” “खी प्रभु मुँन!” बिब् थेसि सिमोन पत्रुसइ ह्रोंसए प्लिथेंबै क्वें क्रेर फैसि क्युर फाल् झोंइ।

यूहन्‍ना 21:7 ပူးပေါင်းရင်းမြစ်များ

भजनमैं 118:23

चु के याहवेहउँइँले तब् ग, ङ्योइ मैंरिमा चु आच्म्‍मबै के मुँ।

मर्कूस 11:3

खाबज्यै क्हेमैंने ‘चु तले पिल?’ बिसि ङ्योएस्‍याँ, ‘प्रभुए ल्हागिर चैदिइमुँ, के खाँबै लिउँइँ यु‍नन् एपखमिंस्यो,’ बिद्।”

लूका 12:35

“क्हेमैंए क्रे फगि खिसि न्ह क्रों मि क्रोंले क्हेमैंए बत्ति म्रोथेंन्।

लूका 2:11

तिंयाँ बेथलेहेम बिबै दाऊदए नाँसर क्‍हेमैंए ल्हागिर मुक्‍ति पिंबै म्‍हि फिइमुँ। खीन परमेश्‍वरजी कुल्‍मिंबै प्रभु ख्रीष्‍ट ग।

लूका 7:47

छतसि ङ क्‍हिने बिमुँ, चुइ ङलाइ च्‍हौ ल्‍हें म्‍हाँया लइमुँ। छतसि चुए पाप ल्हें मुँलेया क्षमा तइमुँ, दिलेया च्‍युगुदे पाप माफ योंबै म्हिइ ङलाइ च्युगुदेन् म्हाँया लमुँ।”

यूहन्‍ना 13:23

येशूए चेलामैं न्होंर्बै खीजी खोबै चेला येशूए तिंर केंरिल।

यूहन्‍ना 19:26

झाइले येशूजी खीए आमा नेरो खीजी खोबै चेला चर रारिब् म्रोंसि आमाने बिइ, “ओ आमा, ङ्‍ह्‍योद्, चु क्हिए च्ह ग!”

यूहन्‍ना 20:2

झाइले च सिमोन पत्रुस नेरो येशूजी खोबै अर्को चेला ङाँर न्हेह्‍यासि बिइ, “म्हिमैंइ प्रभु छगोंउँइँले बैरु बोयाना! दिलेया खीलाइ खनिर थेंइँमुँ ङिइ आसे।”

यूहन्‍ना 20:20

च्हौ बिसि खीजी चमैंने खीए यो नेरो कोखै या उँइँइ। “प्रभुन् मुँन” बिब् सेसि चेलामैं बेल्‍ले सैं तोंइ।

यूहन्‍ना 20:28

छबिमा थोमाइ खीने “ओ ङए प्रभु, ओ ङए परमेश्‍वर!” बिइ।

यूहन्‍ना 21:20

पत्रुसइ लिग्‍याँइ तोसि ङ्‌ह्‍योमा येशूजी खोबै चेला लिलि खरिब् म्रोंइ। चइ ओंसों ङेसर्बै चब् चबै त्हेर येशूए तिंर केंसि “प्रभु, क्हिलाइ क्हाल् पिबै म्हि खाब् जा?” बिसि ङ्योएल।

यूहन्‍ना 21:24

चु ताँन् ताँ ग्वाइ पिंसि प्ह्रिबै चेला येशूजी खोबै चेला ग। चए ग्वाइ क्ह्रोंसेंन्बै मुँ बिसि ङिइ सेइमुँ।

यूहन्‍ना 21:8

अरू चेलामैं बिस्याँ डुँङ्गार्न क्हुँसि जाल चैंरिल। चमैं माँङ्युँइए रेउँइँले ह्रेंगो आरेल। योदा आयोदा प्र मिटरदे ह्रेंगो मुँल।

चेला चिब्मैंए केमैं 10:36

येशू ख्रीष्‍टउँइँले छिं ङ्हाँल् लबै सैं तोंबै ताँ परमेश्‍वरजी इस्राएलीमैंलाइ बिइ बिसि क्हेमैंइ सेइमुँ। (येशू ख्रीष्‍टन् ताँनए प्रभु ग।)

चेला चिब्मैंए केमैं 2:36

छतसि तारे इस्राएलर्बै ताँन् म्‍हिमैंइ चु ताँ छेनाले क्होरिगे: क्हेमैंइ क्रूसर च्योवाबै चु येशून् परमेश्‍वरजी ताँन् म्हिमैंए प्रभु नेरो जोगेमिंबै म्रुँ ख्रीष्‍ट लमिंइँमुँ।”

१ कोरिन्थी 15:47

ओंसोंबै म्‍हि सउँइँले बनेबै पृथ्‍बीर्बै म्हि ग, लिउँइँबै म्हि स्‍वर्गर्बै म्हि ग।

२ कोरिन्थी 5:14

येशू ख्रीष्‍टजी ङ्योने म्हाँया लबइले ङ्यो खीए अधीनर मुँ, तलेबिस्याँ ताँन् म्‍हिमैंए ल्हागिर ख्रीष्‍ट सिमिंबइले ङ्यो ताँन् खीने बालुन् सिब् धोंन् तइ बिबै ताँ ङ्योइ सेइमुँ।

याकूब 2:1

ओ ङए अलि-अङाँमैं, ताँनइ म्हाँदिल् त्हुबै ङ्योए प्रभु येशू ख्रीष्‍टए फिर क्हेमैंइ बिश्‍वास लइमुँ। छतसि क्हेमैंइ खाबलाज्यै आफेलद्।