यूहन्‍ना 21:3 - परमेश्‍वरए ताँ तमु क्युइर

³ च त्हेर सिमोन पत्रुसइ थुमैंने “ङम् ताँग क्हाबर ह्‍याम्,” बिमा चमैंइ “ङि या क्हिने बालुन् ह्‍याम्,” बिसि डुँङ्गार क्रेसि ह्‍याइ। दिलेया च म्हुँइँसर चमैंइ ताँग घ्रि या आस्याल।

यूहन्‍ना 21:3 ပူးပေါင်းရင်းမြစ်များ

लूका 5:5

छबिमा सिमोनइ बिइ, “गुरु, ङिइ म्‍हुँइँसतिमि सिया सियाले जाल प्रिंसेया ताँग घ्रि या आस्‍या। दिलेया क्‍हिइ बिसेरो ङइ जाल प्रिंम्।”

यूहन्‍ना 21:4

न्हाँग छजँ येशू मा ङ्युँइए छेउर राखइ। दिलेया चेलामैंइ खी येशून् ग बिसि आसे।

चेला चिब्मैंए केमैं 18:3

चमैंनेन् टिसि के लइ, तलेबिस्याँ पावलइ धोंले चमैंज्यै या तम्बु बनेबै के लमल।

चेला चिब्मैंए केमैं 20:34

दिलेया ङए योइन ङला नेरो ङने मुँब्मैंए चैदिबै सैमैं योल् लइमुँ बिसि क्हेमैंइ सेइमुँ।

१ कोरिन्थी 3:7

छतसि प्‍लु प्‍लुबै म्‍हि नेरो क्‍यु झोंबै म्‍हि थेब आङिं, क्हेमैंए बिश्‍वास बडिमिंबै परमेश्‍वरन् थेब ग।

१ कोरिन्थी 9:6

बर्णाबास नेरो ङइ मत्‍त्रे के लसि ह्रोंसए फो न्हल् त्हुब् रो वा?

१ थेसलोनिकी 2:9

ओ अलि-अङाँमैं, परमेश्‍वरउँइँले खबै सैं तोंबै ताँ क्हेमैंने बिमिंमा क्‍हेमैंलाइ तोइ दुःख आतरिगे बिसि चब-थुँबए ल्हागिर ङिइ त्‍हिंयाँ म्‍हुँइँस ह्रोंसइन बेल्‍ले के लइ बिब क्‍हेमैंज्यै सेइमुँ।