यूहन्‍ना 21:25 - परमेश्‍वरए ताँ तमु क्युइर

²⁵ येशूजी अरू ल्हेंन् केमैं या लइ। च ताँन् केमैं घ्रि घ्रिले प्ह्रिइ बिस्याँ प्ह्रिबै कितबमैं ह्‍युलर आत्हेमल बिसि ङए सैंर ङ्हाँम्।

यूहन्‍ना 21:25 ပူးပေါင်းရင်းမြစ်များ

भजनमैं 40:5

ओ याहवेह, ङए परमेश्‍वर, क्हिजी लबै औदिबै केमैं नेरो क्हिजी ङिए ल्हागिर लबै चाँजोमैं ल्हेंन् मुँ। क्हिजी लबै औदिबै केमैं ल्हेंन् मुँ, छतसि ङइ च केमैंए बयन लल् आखाँ। क्हि धों तब अरू खाबै आरे!

भजनमैं 71:15

क्हिजी लबै ठिक केमैं नेरो क्हिजी ङ जोगेमिंबै बारेर त्हिंइतिमि ङए सुँइ पोंब्मुँ। दिलेया च केमैं कति मुँ बिब ङइ आसे।

मत्ती 11:5

कनमैंइ मि म्रोंइमुँ, डुँड्मैं प्रइमुँ, कोर खब्‍मैं सइमुँ, न्ह आथेब्मैंइ न्‍ह थेइमुँ, सियाब्‍मैं सोइमुँ धै ङ्हाँदुमैंने परमेश्‍वरउँइँले खबै सैं तोंबै ताँ बिमिंइमुँ।

मत्ती 19:24

धबै ङ क्‍हेमैंने बिमुँ, प्लबै म्‍हि परमेश्‍वरए ग्याल्सर होंब् भन्दा बरु सलु ताए मिउँइँले क्‍युलब सजिल् तम्।”

मर्कूस 5:16

झाइले च ताँमैं म्रोंबै म्हिमैंइ चर खब्मैंने मोंइ स्‍याबै म्‍हि नेरो च तिलिमैंए बारेर ताँन् ताँ बिमिंइ।

चेला चिब्मैंए केमैं 10:38

परमेश्‍वरजी नासरतथें येशूलाइ पबित्र प्ल्ह नेरो शक्‍तिजी प्लिंमिंसि खीजी छ्याँबै केमैं लदै, दुष्‍टइ ह्रुगुदिब्मैं सल् लमिंदै प्रइ, तलेबिस्याँ परमेश्‍वर खीने बालु मुँल।

चेला चिब्मैंए केमैं 20:35

प्रभु येशूजी बिबै चु ताँ मैंन्, ‘किंबै म्हि भन्दा पिंबै म्हिइ आशिक् योंम्।’ छतसि क्हेमैंज्यै या बेल्‍ले भोंले के लसि भों आरेब्मैं ल्होल् त्हुम् बिसि क्हेमैंए उँइँर्न ङइ के लसि नमुना उँइँमिंइँमुँ।”

हिब्रू 11:32

अरू ल्हें ताँ ङइ तो बिले? तलेबिस्याँ परमेश्‍वरए फिर बिश्‍वास लबै स्‍योंम्‍बै म्हिमैं गिदोन्, बाराक, शिमशोन, यिप्‍ता, दाऊद, शमूएल नेरो अगमबक्‍तामैंए बारेर्बै ताँमैं बिबै त्हे तोगो ङने आरे।