यूहन्‍ना 21:1 - परमेश्‍वरए ताँ तमु क्युइर

¹ च लिउँइँ येशू गलिलर्बै तिबेरियास मा ङ्युँइए रेर चेलामैं ङाँर धबै म्रोंखल। खी छले त्होखल:

यूहन्‍ना 21:1 ပူးပေါင်းရင်းမြစ်များ

मत्ती 26:32

दिलेया ङ सिसि धबै सोगों तबै लिउँइँ क्‍हेमैं भन्दा ओंसों गालील ह्‍युलर ह्‍याब्‍मुँ।”

मत्ती 28:16

च च्युसे घ्रि चेलामैं येशूजी ह्‍याद् बिबै गालीलर्बै कोंर ह्‍याइ।

मत्ती 28:7

क्हेमैं युनन् ह्‍यासि खीए चेलामैंने ‘खी सिबउँइँले धेबै सोगों तसि रेल् खाँइमुँ। धै क्‍हेमैं भन्दा ओंसों खी गालील ह्‍युलर ह्‍यारिइमुँ। चर्न क्‍हेमैंइ खीलाइ म्रोंब्‍मुँ,’ बिद्, लु, ङइ बिल् त्हुबै ताँ क्हेमैने बिमिंइमुँ।”

मर्कूस 16:12

च लिउँइँ चेलामैं ङ्हिं यरूशलेमउँइँले नाँसउँइँ ह्‍यारिमा येशू चमैं ङाँर म्रोंखइ। च त्हेर येशूए रुप स्योन् ब्योंब् म्रोंइ।

मर्कूस 16:14

च लिउँइँ खीए च्युसे घ्रि चेलामैं चब् चरिमा खी म्रोंखइ। चमैंइ बिश्‍वास आलब नेरो सारो सैं म्रोंसि खीजी चमैंलाइ बेल्‍ले हौदिइ। तलेबिस्याँ खी धबै सोगों तखइमुँ बिब्‍मैंए ताँ चमैंइ आक्वेंमल।

मर्कूस 16:7

तारे पत्रुस नेरो येशूए अरू चेलामैं ङाँर ह्‍यासि ‘येशू गालीलर क्हेमैं भन्दा ओंसोंन् ह्‍यासिन् मुँ। खीजी ओंसोंन् क्‍हेमैंने बिब् धोंले क्‍हेमैंइ खीलाइ चर म्रोंब्‍मुँ,’ बिसि बिद्।”

यूहन्‍ना 21:14

येशू सिबउँइँले सोगों तसि खबै लिउँइँ चेलामैं ङाँर म्रोंखब चु सोंखेबै ला मुँल।

यूहन्‍ना 6:1

चु ताँमैं तबै लिउँइँ येशू गालील अथवा तिबेरियस बिबै मा ङ्युँइ क्योंजा ह्‍याइ।

यूहन्‍ना 6:23

च त्हेर्न तिबेरियास बिबै नाँसउँइँले अरू डुँङ्गामैं येशूजी धन्यबाद पिंसि म्हिमैंलाइ क्हें चल् पिंबै क्ह्‍योर फेखइ।

चेला चिब्मैंए केमैं 1:3

येशूजी ल्हें दुःख नोबै लिउँइँ खीजी “ङ सोगों मुँ” बिसि खाबज्यै या थोल् आखाँबै ल्हें थेबै प्रमाणउँइँले चमैंए उँइँर उँइँमिंइ। प्लिच्यु त्हिंइ समा खी चमैं ङाँर म्रोंखब्रें लइ धै परमेश्‍वरए ग्याल्सए ताँ चमैंने बिमिंइ।