यूहन्‍ना 20:9 - परमेश्‍वरए ताँ तमु क्युइर

⁹ (तलेबिस्याँ चमैंइ च त्हे समा येशू सिबउँइँले सोगों तल् त्हुम् बिसि परमेश्‍वरए छ्वेर प्‍ह्रिबै ताँमैं आक्होल।)

यूहन्‍ना 20:9 ပူးပေါင်းရင်းမြစ်များ

भजनमैं 16:10

तलेबिस्याँ क्हिजी ङए प्ल्हलाइ क्रोंर वाथेंरिब् आरे, धै ह्रोंसए पबित्र म्हिए ज्यु क्हिजी क्राँल् पिंरिब् आरे।

भजनमैं 22:15

भों नुयासि ङ तियाबै पु धोंन् तयाइमुँ, ङए ले ताइ ह्रेंयाइमुँ, सियारिगे बिसि क्हिजी ङ त्हुलर भ्योंथेंइमुँ।

मत्ती 22:29

येशूजी चमैंने बिइ, “क्हेमैंइ ताँ आक्होइमुँ, तलेबिस्याँ परमेश्‍वरए छ्वे नेरो परमेश्‍वरए शक्‍ति खैब तम् बिसि क्‍हेमैंइ आसेइमुँ।

लूका 24:26

परमेश्‍वरजी कुल्मिंबै जोगेमिंबै म्रुँ ख्रीष्‍टजी छाबै दुःख योंल् त्‍हुम्। झाइले ह्रोंसए मान योंबै कल्ह्‍योर ह्‍याल् आत्हु वा?”

लूका 9:45

दिलेया येशूजी बिबै ताँ चेलामैंइ आक्‍हो। तलेबिस्याँ चु ताँ चमैंइ आक्‍होरिगे बिसि परमेश्‍वरजी चमैंउँइँले चए अर्थ लोथेंल। चेलामैंइ चु ताँ आक्होलेया येशूने ङ्योएबर ङ्हिंइ।

यूहन्‍ना 2:22

येशू सिसि धबै सोगों तमा खीए चेलामैंइ ओंसोंन् येशूजी बिबै ताँमैं चिइ, धै परमेश्‍वरए छ्वेर प्ह्रिथेंबै ताँमैं नेरो येशूजी पोंबै ताँमैं चमैंइ क्वेंइ।

चेला चिब्मैंए केमैं 17:3

“परमेश्‍वरजी कुल्मिंबै म्रुँ ख्रीष्‍टजी क्ह्रोंसेंन दुःख नोसि सिबउँइँले धबै सोगों तल् त्हुमल। येशूउँइँले खबै सैं तोंबै ताँ ङ क्हेमैंने बिमिंम्। खीन् परमेश्‍वरजी कुल्मिंबै म्रुँ ख्रीष्‍ट ग!” बिसि चइ परमेश्‍वरए छ्वेउँइँले प्रमाण उँइँइ।

चेला चिब्मैंए केमैं 2:24

सैवालेया परमेश्‍वरजी खी सिबउँइँले धबै सोगों लमिंइ। तलेबिस्याँ खी सिबै सिबन् तल् आखाँमल।

१ कोरिन्थी 15:4

म्‍हिमैंइ खीलाइ पाइ, दिलेया परमेश्‍वरए छ्वेर प्‍ह्रिब् धोंले सोंरोर परमेश्‍वरजी खीलाइ धबै सोगों लमिंइ।