यूहन्‍ना 20:31 - परमेश्‍वरए ताँ तमु क्युइर

³¹ दिलेया “येशू परमेश्‍वरए च्ह नेरो खीजी कुल्‍मिंबै म्रुँ ख्रीष्‍ट ग,” बिब क्हेमैंइ क्वेंरिगे धै खीए फिर बिश्‍वास लबइले क्हेमैंइ खोंयोंइ आखाँबै छ्ह योंरिगे बिसि ङइ चु ताँमैं प्ह्रिइमुँ।

यूहन्‍ना 20:31 ပူးပေါင်းရင်းမြစ်များ

भजनमैं 2:12

च्हलाइ मान लसि फ्योद्, छ आलस्याँ खी ह्रिस खब्मुँ, धै क्हेमैं घ्याँर्न सिब्मुँ, तलेबिस्याँ खी युनन् ह्रिस खम्। खीए प्हलेर ग्वार ह्रिबर ह्‍याब्मैंइ आशिक योंब्मुँ।

भजनमैं 2:7

“याहवेहजी बिद् बिबै ताँ ङइ बिब्मुँ: खीजी ङने बिइ, ‘क्हि ङए च्ह ग; तिंयाँ ङ क्हिए आबा तइमुँ।

मत्ती 16:16

सिमोन पत्रुसइ बिइ, “क्‍हिम् खोंयोंन् बिलै तरिबै परमेश्‍वरए च्ह, खीजी कुल्मिंबै जोगेमिंबै म्रुँ ख्रीष्‍ट ग।”

मत्ती 27:54

सयो खब नेरो चर तबै ताँमैं म्रोंसि चर्बै कप्‍तान नेरो चने मुँबै येशूलाइ रुँबै सिपाइमैं बेल्‍ले ङ्हिंसि “चु म्‍हि क्‍ह्रोंसेन परमेश्‍वरए च्‍हन् मुँन,” बिइ।

मत्ती 4:3

छतमा दुष्‍टइ येशू ङाँर खसि बिइ, “क्‍हि क्‍ह्रोंसेंन परमेश्‍वरए च्‍ह ग बिस्‍याँ चु युँमामैं ‘क्हें तयाद्,’ बिद्।”

मर्कूस 16:16

ङए फिर बिश्‍वास लसि बप्‍तिस्‍मा किंब्मैंइ मुक्‍ति योंब्‍मुँ, दिलेया बिश्‍वास आलब्‍मैं परमेश्‍वरए उँइँर छ्याब् मुँबन् ठर्दिब्‍मुँ।

लूका 1:35

स्‍वर्गदूतइ चने बिइ, “पबित्र प्ल्ह क्‍हिए फिर युब्‍मुँ, धै ताँन् भन्दा थेबै परमेश्‍वरए शक्‍तिए छरिउँइँले क्‍हिइ प्‍हसे नोब्मुँ। छतसि क्‍हिए प्‍हसे पबित्र तब्मुँ, म्‍हिमैंइ खीने परमेश्‍वरए च्‍ह बिब्‍मुँ।

लूका 1:4

म्‍हिमैंइ क्हिने ओंसोंन् लोमिंबै ताँमैं क्‍ह्रोंसेंन् तना बिब क्‍हिइ अझै छेनाले सेरिगे बिसि ङइ चु ताँ प्‍ह्रिइमुँ।

लूका 24:47

ह्रोंसइ लबै आछ्याँबै केमैं पिसि परमेश्‍वरउँइँ सैं एइस्याँ म्हिमैंइ पाप क्षमा योंम् बिबै ताँ ओंसों यरूशलेमर बिप्रबइले ताँन् ह्रें-ह्रेंर्बै म्हिमैंने बिमिंल् त्हुम्।

यूहन्‍ना 1:49

नथानेलइ खीने बिइ, “रब्बि, क्‍हि परमेश्‍वरए च्‍ह ग! क्हि इस्राएलर्बै म्रुँ ग!”

यूहन्‍ना 10:10

ह्‍योम् ह्‍योब, सैब नेरो नास लबर मत्‍त्रे खम्। ङम् म्हिमैंइ खोंयोंइ आखाँबै छ्ह छ्याजा ल्हुल्हुले योंरिगे बिसि युइ।

यूहन्‍ना 19:35

(क्हेमैंज्यै या क्वेंल् खाँरिगे बिसि चु ताँ म्रोंबै म्हिइ खै तब् म्रोंइ छाबन ग्वाइ पिंसि बिब् ग। चए ग्वाइ क्ह्रोंसेंन्ब मुँ, धै ह्रोंसइ क्ह्रोंसेंन्बै ताँ बिइमुँ बिसि चइ सेइमुँ।)

यूहन्‍ना 20:28

छबिमा थोमाइ खीने “ओ ङए प्रभु, ओ ङए परमेश्‍वर!” बिइ।

यूहन्‍ना 3:18

“खीए फिर बिश्‍वास लब्मैं दोषि आठर्दि, दिलेया बिश्‍वास आलब्मैं बिस्याँ ओंसोंन् दोषि ठर्दिल् खाँइमुँ, तलेबिस्याँ परमेश्‍वरए घ्रिदे मुँबै च्हए फिर चमैंइ बिश्‍वास आलइँमुँ।

यूहन्‍ना 3:36

परमेश्‍वरए च्‍हए फिर बिश्‍वास लब्मैंने खोंयोंइ आनुबै छ्‍ह मुँ। परमेश्‍वरए च्हइ बिबै ताँ आङिंब्मैंइ खोंयोंइ आनुबै छ्‍ह योंल् आखाँ, दिलेया परमेश्‍वरए दण्ड खोंयोंइ बिलै चए फिर तरिम्।”

यूहन्‍ना 5:24

“क्ह्रोंसेंन ङ क्हेमैंने बिमुँ, खाबइ ङए ताँ थेसि ङ कुल्मिंबै आबाए फिर बिश्‍वास लमुँ, चइ खोंयोंइ आनुबै छ्ह योंम्। चए निसाफ आत, चइ सजैं योंल् आत्हु, बरु च म्हि सिबउँइँले धबै सोसि खोंयोंइ आखाँबै छ्ह योंइमुँ।

यूहन्‍ना 6:40

खीए च्ह ङाँइ ङ्‍ह्‍योसि खीए फिर बिश्‍‍वास लब्‍मैं ताँनइ खोंयोंइ आखाँबै छ्‍ह योंरिगे बिब ङए आबाए सैं मुँ। झाइले ह्‍युलर्बै आखिरि त्हिंइर ङइ चमैं सोगों लमिंब्मुँ।”

चेला चिब्मैंए केमैं 10:43

स्योंम्बै अगमबक्‍तामैंइ ‘खीए फिर बिश्‍वास लब्मैं ताँनइ खीए मिंउँइँले पाप क्षमा योंम्,’ बिसि खीए ग्वाइ पिंइँमुँ।”

चेला चिब्मैंए केमैं 3:16

क्हेमैंइ ङो सेबै चु सबै म्हिइ येशूए मिंए फिर बिश्‍वास लबइले खीजी चुलाइ भोंब् लमिंइ। धै क्हेमैं ताँनए उँइँरि छेनाले सल् लमिंइ।

चेला चिब्मैंए केमैं 8:36

धै चमैं घ्‍याँर ह्‍याना-ह्‍यान् क्‍यु मुँबै क्‍ल्‍ह्‍यो ङाँर फेनेमा च हिचडइ बिइ, “ङ्‍ह्‍योत्ति, चुर क्यु मुँन। ङ बप्‍तिस्मा किंबउँइँले तो सैइ क्वेल् खाँम्?”

चेला चिब्मैंए केमैं 8:37

[फिलिपइ चने बिइ, “क्‍हिइ ह्रोंसए खों न्होंउँइँलेन् प्रभु येशूए फिर बिश्‍वास लम् बिस्याँ क्हिइ बप्‍तिस्मा किंल् खाँम्।” चइ बिइ, “येशू ख्रीष्‍टन् परमेश्‍वरए च्ह मुँन बिसि ङइ क्वेंम्,”]

चेला चिब्मैंए केमैं 9:20

झाइले चर टिबै तोंदोंन् चइ येशू परमेश्‍वरए च्ह ग बिसि म्हि च्हों धिंजरे येशूए ताँमैं बिबर होंइ।

१ पत्रुस 1:9

तलेबिस्‍याँ क्‍हेमैंइ परमेश्‍वरए फिर बिश्‍वास लबइले क्हेमैंइ मुक्‍ति योंइमुँ।

१ यूहन्‍ना 4:15

येशून् परमेश्‍वरए च्‍ह ग बिब्मैं परमेश्‍वरने घ्रिन् तसि टिम्, धै परमेश्‍वर चमैंने घ्रिन् तसि टिम्।

१ यूहन्‍ना 5:1

“परमेश्‍वरजी कुल्‍मिंबै म्रुँ ख्रीष्‍ट येशू ग” बिसि बिश्‍वास लबै म्हि परमेश्‍वरए प्‍हसे ग, आबालाइ म्हाँया लबै म्हिइ च्हलाज्यै सैं न्होंउँइँलेन् म्हाँया लम्।

१ यूहन्‍ना 5:20

क्ह्रोंसेंन्‍बै परमेश्‍वरलाइ ङ्योइ ङो सेरिगे बिसि खीए च्‍ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्‍वरए च्‍ह येशू ख्रीष्‍टने घ्रिन् तसि क्ह्रोंसेंन्‍बै परमेश्‍वरने घ्रिन् तम् बिसे या सेइमुँ। क्ह्रोंसेंन्‍बै परमेश्‍वर खीन् ग धै खीउँइँले खोंयोंइ आखाँबै छ्ह योंम्।

२ यूहन्‍ना 1:9

ख्रीष्‍टजी बिब् धोंले आप्रब, खीजी बिबै ताँए फिरि अरू ताँ थप्‍दिब्‍मैंने परमेश्‍वर आटि। दिलेया खीजी बिब् धोंले प्रब्मैंने बालु परमेश्‍वर आबा नेरो च्‍ह ङ्हिंना ङ्हिंन् टिम्।

दर्शन 2:18

“थिआटिर नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “चु ताँ मिए राब धों तबै मि नेरो टल्‍कदिबै पित्तल धों तबै प्‍हले मुँबै परमेश्‍वरए च्‍हजी बिइमुँ: