यूहन्‍ना 20:19 - परमेश्‍वरए ताँ तमु क्युइर

¹⁹ च आइतबारए ङेसार चेलामैं यहूदी चिबनाँब्मैंने ङ्हिंसि म्रा तोरसि धिं न्होंर टिरिल। छले टिरिमा येशू चमैंए म्हाँजोर राखसि “क्हेमैं छिं ङ्हाँरिगे,” बिइ।

यूहन्‍ना 20:19 ပူးပေါင်းရင်းမြစ်များ

भजनमैं 122:8

“क्हिए न्होंर शान्ति तरिगे!” बिसि ङए आघें-अलिमैं नेरो ङए थुमैंए ल्हागिर ङइ बिब्मुँ।

मत्ती 10:13

च धिंर्बै म्‍हिमैंए सैं छ्याँब मुँस्‍याँ क्‍हेमैंइ पिंबै आशिक चमैंइ योंरिगे, दिलेया चमैंए सैं छ्याँब आरेस्‍याँ क्‍हेमैंए छिं ङ्हाँब क्हेमैंनेन् एखरिगे।

मत्ती 18:20

तलेबिस्याँ खनिर म्‍हि ङ्हिदे सोंदे ङए मिंर खागु तमुँ, चमैंए म्‍हाँजोरि ङ तब्‍मुँ।”

मर्कूस 16:14

च लिउँइँ खीए च्युसे घ्रि चेलामैं चब् चरिमा खी म्रोंखइ। चमैंइ बिश्‍वास आलब नेरो सारो सैं म्रोंसि खीजी चमैंलाइ बेल्‍ले हौदिइ। तलेबिस्याँ खी धबै सोगों तखइमुँ बिब्‍मैंए ताँ चमैंइ आक्वेंमल।

यूहन्‍ना 14:27

“ङए शान्ति क्हेमैंने पिंथेंब्मुँ। ङ ह्रोंसए शान्ति क्‍हेमैंलाइ पिंब्मुँ। चु ह्‍युलर्बै म्हिमैंइ पिंब् धोंबै शान्ति ङइ क्हेमैंलाइ आपिं। छतसि क्हेमैंए सैं खैता-खैता आतदु धै आङ्हिंन्।

यूहन्‍ना 16:22

छलेन तोगो क्हेमैंलाइ शोक तमुँ। दिलेया ङ धबै क्‍हेमैंने त्‍होयुमा क्‍हेमैंए सैं बेल्‍ले तोंब्‍मुँ। धै खाबज्यै क्हेमैंलाइ सैं आतोंल् लल् खाँरिब् आरे।

यूहन्‍ना 16:33

“क्हेमैं ङने बालु टिमा छिं ङ्हाँरिगे बिसि ङइ क्हेमैंने चु ताँमैं बिइमुँ। ह्‍युलर मुँमा क्हेमैंलाइ दुःख तब्मुँ, दिलेया सैं थेब लद्। ङइ ह्‍युललाइ ट्होवाइमुँ।”

यूहन्‍ना 20:21

येशूजी धबै चमैंने बिइ, “क्‍हेमैं छिं ङ्हाँरिगे! आबाजी खैले ङ कुल्‍मिंइ, छलेन ङज्‍यै या क्‍हेमैं कुल्मिंब्मुँ।”

यूहन्‍ना 20:26

प्रेरो लिउँइँ खीए चेलामैं म्रा तोरसि धिं न्होंर्न टिरिल। थोमा या चमैंने बालुन् मुँल। च त्हेर्न येशू धिं न्होंर होंखसि चमैंए म्हाँजुर रासि “क्‍हेमैं छिं ङ्हाँरिगे,” बिइ।

यूहन्‍ना 21:1

च लिउँइँ येशू गलिलर्बै तिबेरियास मा ङ्युँइए रेर चेलामैं ङाँर धबै म्रोंखल। खी छले त्होखल:

यूहन्‍ना 21:14

येशू सिबउँइँले सोगों तसि खबै लिउँइँ चेलामैं ङाँर म्रोंखब चु सोंखेबै ला मुँल।

यूहन्‍ना 7:13

दिलेया यहूदी चिबनाँब्मैंने ङ्हिंसि खीए बारेर खाबज्‍यै छेनाले तोइ पोंल् आखाँल।

चेला चिब्मैंए केमैं 1:3

येशूजी ल्हें दुःख नोबै लिउँइँ खीजी “ङ सोगों मुँ” बिसि खाबज्यै या थोल् आखाँबै ल्हें थेबै प्रमाणउँइँले चमैंए उँइँर उँइँमिंइ। प्लिच्यु त्हिंइ समा खी चमैं ङाँर म्रोंखब्रें लइ धै परमेश्‍वरए ग्याल्सए ताँ चमैंने बिमिंइ।

रोमी 15:33

शान्‍ति पिंबै परमेश्‍वर क्‍हेमैं ताँनने तरिगे। आमेन, छान तरिगे।

१ कोरिन्थी 15:5

च लिउँइँ येशू पत्रुस नेरो च्युसे ङ्हिं कुल्मिंबै चेला चिब्मैंने या त्‍होखइ।

एफिसी 2:14

छले ख्रीष्‍टजी यहूदीमैं नेरो अरू ह्रेंमैंलाइ क्‍ह्रिल् लमिंइ। स्योंम यहूदीमैंए मन्‍दिरर यहूदी नेरो अरू ह्रेंमैंलाइ फेलबै गारा घ्रि मुँल। दिलेया येशू ख्रीष्‍टजी ह्रोंसए ज्युन् पिंसि च गारा फुवासि यहूदीमैं नेरो अरू ह्रेंमैंलाइ घ्रिन् लवाइ।

एफिसी 6:23

परमेश्‍वर आबा नेरो प्रभु येशू ख्रीष्‍टजी ताँन् बिश्‍वासीमैंलाइ छिं ङ्हाँल् पिंरिगे धै खीए थेबै दयाम्हाँयाजी चमैंए बिश्‍वास भोंब् लमिंरिगे।

फिलिप्पी 1:2

ङ्योए परमेश्‍वर आबा नेरो प्रभु येशू ख्रीष्‍टउँइँले क्‍हेमैंइ दयाम्हाँया नेरो शान्‍ति योंरिगे।

२ थेसलोनिकी 3:16

तारे पिरु ङ्योए सैं क्‍होल् लमिंबै प्रभुजी खोंयों बिलै या क्‍हेमैंलाइ खैतबै त्हेर्न बिलै छिं ङ्हाँल् लमिंरिगे। क्‍हेमैं ताँनने प्रभु तरिगे।

हिब्रू 7:2

अब्राहामइ चने मुँबै ताँन् सैउँइँले च्युबाँरि तिबाँ मेल्‍किसेदेकलाइ पिंइ। (मल्‍किसेदेक बिबै मिंए ओंसोंबै अर्थ हिब्रू क्‍ह्‍युइरि “ठिक के लबै म्रुँ,” धै शालेम सहरर्बै म्रुँ तसि खी “शान्‍ति पिंबै म्रुँ,” ग।)

३ यूहन्‍ना 1:14

बरु क्‍हिनेन् त्‍होसि ताँ लदा ङ्हाँइमुँ। छतसि ङ्यो तारे युनन् त्होसि ताँमैं लस्यो।

दर्शन 1:4

एशिया ह्‍युलर्बै नाँस ङिर्बै बिश्‍वासीमैंने ङ यूहन्‍नाउँइँले जय मसीह मुँ। क्‍हेमैंलाइ परमेश्‍वर, प्ल्ह ङिउलो नेरो येशू ख्रीष्‍टउँइँले दयाम्हाँया नेरो शान्ति तरिगे। परमेश्‍वर मुँल, मुँ, लिउँज्‍यै या युब्‍मुँ। प्ल्ह ङिउलो खीए राजगद्दिए उँइँर मुँ।