यूहन्‍ना 2:24 - परमेश्‍वरए ताँ तमु क्युइर

²⁴ दिलेया येशूजी चमैं फिर भर आम्हाँदि।

यूहन्‍ना 2:24 ပူးပေါင်းရင်းမြစ်များ

मत्ती 9:4

चमैंए सैंर्बै ताँ सेसि येशूजी चमैंने बिइ, “क्हेमैंए सैं न्होंर छाबै आछ्याँबै ताँमैं तले मैंल?

मर्कूस 2:8

चमैंइ छाबै सैं मैंरिमुँ बिब येशूजी सेसि चमैंने बिइ, “क्‍हेमैंइ तले छाबै ताँ मैंरिल?

यूहन्‍ना 1:42

अन्द्रियासइ सिमोन येशू ङाँर पखइ। येशूजी च ङाँइ ङ्‍ह्‍योसि बिइ, “क्हि योआनेसए च्ह सिमोन ग, दिलेया ङइ क्हिने केफास बिब्मुँ।” (केफासए अर्थ युमा ग। ग्रिक क्युइरि पत्रुस बिम्।)

यूहन्‍ना 16:30

क्हिजी तोन्दोंरि ताँ सेमना बिसि तारे ङिइ क्होइ। खाबज्यै या क्हिने ताँमैं ङ्योएल् आत्हु। छतसि क्हि परमेश्‍वर आबाउँइँले युब् ग बिसि ङिइ क्वेंइमुँ।”

यूहन्‍ना 21:17

येशूजी सोंखेबै लारै या चने “ओ यूहन्‍नाए च्ह सिमोन, क्हिइ ङलाइ म्हाँया लम्मा?” बिसि ङ्योएमा पत्रुसए सैं च्योंब तयाइ तलेबिस्याँ येशूजी सोंखेबै लारै या चने “क्हिइ ङलाइ म्हाँया लम्मा?” बिसि ङ्योएइ। छतसि चइ खीने बिइ, “प्रभु, क्हिजी तोन्दोंरि ताँ सेइमुँ। ङइ क्हिलाइ म्हाँया लम् बिसि क्हिजी सेइमुँ।” छबिमा येशूजी चने “ङए क्युमैं चल् पिंन्,” बिइ।

यूहन्‍ना 4:16

येशूजी चने “ह्‍याद्! क्‍हिए प्‍युँ हुइ पउ,” बिइ।

यूहन्‍ना 5:42

दिलेया क्हेमैंइ परमेश्‍वरलाइ सैं न्होंउँइँले म्हाँया आल बिसि ङइ सेइमुँ।

यूहन्‍ना 6:15

चमैंइ खैच्हिजिले बोसि म्रुँ लबर होंइमुँ बिब् सेसि यशू खी घ्रिन् धबै कोंउँइँ ह्‍याइ।

यूहन्‍ना 6:64

दिलेया क्‍हेमैंए न्‍होंरि कतिइ ङए ताँमैं आक्वें।” (खीए फिर बिश्‍वास आलब्मैं नेरो खीलाइ धोका पिंसि क्हाल् पिंबै म्हि येशूजी ओंसों ओंनोंन् ङो सेल।)

चेला चिब्मैंए केमैं 1:24

चमैंइ छले प्राथना लइ, “ओ प्रभु, क्‍हिजी ताँन् म्‍हिए सैं न्‍होंर्बै ताँ था सेम्। छतसि चु बारसाबास नेरो मत्तियासए न्‍होंरि क्‍हिजी त्‍हाँबै म्हि ङिने उँइँमिंन्।

चेला चिब्मैंए केमैं 15:8

खोंर्बै ताँ सेबै परमेश्‍वरजी ङ्योलाइ पबित्र प्ल्ह पिंब् धोंलेन् अरू ह्रेंर्बै म्हिमैंलाज्यै या पबित्र प्ल्ह पिंसि चमैं खीए म्हिमैं तल् पिंइमुँ बिबै ताँ ङ्योने उँइँमिंइ।

हिब्रू 4:13

परमेश्‍वरए उँइँरि तो सै या लोल् आखाँ। ताँन् सै परमेश्‍वरजी म्रोंल् खाँम्, छतसि ङ्योइ लबै केए हिसाब खीलाइन पिंल् त्‍हुम्।

दर्शन 2:23

ङइ च च्हमिरिए लिलि प्रबै म्‍हिमैंलाइ सैवाब्‍मुँ। ङइ म्‍हिए सैंर्बै ताँमैं नेरो चमैंइ लबै केमैं था सेमना बिसि ताँन् बिश्‍वासीमैंइ च त्हेर था सेब्‍मुँ, छले क्‍हेमैंइ खैबै के लमुँ, छाबन् नों ङइ क्हेमैं घ्रि घ्रिलाइ पिंब्‍मुँ।