यूहन्‍ना 2:21 - परमेश्‍वरए ताँ तमु क्युइर

²¹ दिलेया खीजी बिबै मन्दिर ह्रोंसए ज्युए बारेर मुँल।

यूहन्‍ना 2:21 ပူးပေါင်းရင်းမြစ်များ

यूहन्‍ना 1:14

परमेश्‍वरए बचन म्हिए क्हो किंसि ङ्योए म्हाँजोर युसि टिइ। खी दयाम्हाँया मुँब नेरो कह्रोंसेंन्बै ताँ पोंमल खीए चारबै ह्‍वे ङिइ म्रोंइमुँ, च चारबै ह्‍वे परमेश्‍वर आबाउँइँले युबै घ्रि मत्‍त्रे च्‍हल् मुँल।

यूहन्‍ना 2:22

येशू सिसि धबै सोगों तमा खीए चेलामैंइ ओंसोंन् येशूजी बिबै ताँमैं चिइ, धै परमेश्‍वरए छ्वेर प्ह्रिथेंबै ताँमैं नेरो येशूजी पोंबै ताँमैं चमैंइ क्वेंइ।

१ कोरिन्थी 3:16

क्‍हेमैंन् परमेश्‍वरए मन्दिर ग, परमेश्‍वरए पबित्र प्ल्ह क्‍हेमैंए न्‍होंरि टिम् बिब क्हेमैंइ आसे वा?

१ कोरिन्थी 6:19

परमेश्‍वरजी क्हेमैंलाइ पबित्र प्ल्ह पिंइ, छतसि क्हेमैंए ज्यु पबित्र प्ल्ह टिबै मन्‍दिर ग बिब क्‍हेमैंइ आसे वा? क्‍हेमैं ह्रोंसल्न आङिं, क्‍हेमैं परमेश्‍वरल् ग।

२ कोरिन्थी 6:16

ङ्यो परमेश्‍वर टिबै क्‍ल्‍ह्‍यो तबइले ङ्योइ कु म्हाँदिल् खाँम्मा? आखाँ! तलेबिस्याँ ङ्योए ज्यु क्ह्रोंसेंन खोंयोंइ तरिबै परमेश्‍वर टिबै क्‍ल्‍ह्‍यो ग। परमेश्‍वरजी ङ्योए बारेर छ बिइमुँ: “ङए म्‍हिमैंने ङ टिब्‍मुँ, झाइले चमैंने प्रब्मुँ। ङ चमैंए परमेश्‍वर तब्‍मुँ, झाइले चमैं ङए म्हिमैं तब्‍मुँ।”

कलस्सी 1:19

तलेबिस्याँ खीने मुँबै ताँन् गुनमैं ख्रीष्‍टने मुँबइले परमेश्‍वर सैं तोंइ।

कलस्सी 2:9

छतसि छाबै स्‍योर ताँ आक्‍वेंन्, तलेबिस्याँ परमेश्‍वरने मुँबै ताँन् गुनमैं येशू ख्रीष्‍टने मुँ।

हिब्रू 8:2

धै खेगि क्रथे तसि येशूजी स्‍वर्गर्बै क्ह्रोंसेंन्बै ताँन् भन्दा पबित्र क्ल्ह्‍योरि सेवा लम्। च पबित्र क्ल्ह्‍यो म्‍हिइ बनेब आङिं, दिलेया प्रभु परमेश्‍वरजी बनेब ग।