यूहन्‍ना 2:2 - परमेश्‍वरए ताँ तमु क्युइर

² येशू नेरो खीए चेलामैं या च ब्ह्‍यार हुइल।

यूहन्‍ना 2:2 ပူးပေါင်းရင်းမြစ်များ

मत्ती 12:19

खी खाब्ने या प्होंरिब् आरे, धै खोंयोंइ थेबै कैले ओररिब् आरे। खीए कै घ्‍याँजरे खाबज्यै थेरिब् आरे।

मत्ती 25:40

“छबिमा म्रुँइ चमैंने बिब्मुँ, ‘क्ह्रोंसेंन ङ क्हेमैंने बिमुँ, क्हेमैंइ ङए अलि-अङाँमैं न्होंर्बै धाँसे च्योंबै म्हिलाइ तो-तो लइ, च क्हेमैंइ ङलाइन लब् ग।’

मत्ती 25:45

“धबै म्रुँइ बिब्मुँ, ‘क्‍ह्रोंसेंन ङ क्हेमैंने बिमुँ, ङए चु अलि-अङाँमैं न्होंर्बै धाँसे च्योंबै म्हिलाइ क्‍हेमैंइ आल्होसेरो क्‍हेमैंइ ङलाइ आल्होब् ग।’

यूहन्‍ना 2:12

च लिउँइँ खी ह्रोंसए आमा, अलिमैं नेरो चेलामैंने कफर्नहुम नाँसर ह्‍यासि दे त्हिंइ चर्न टिइ।

यूहन्‍ना 2:17

छ लब् म्रोंसि खीए चेलामैंइ परमेश्‍वरए छ्वेर प्‍ह्रिथेंबै चु ताँ चिइ, “ओ परमेश्‍वर, क्‍हिए धिं ङलाइ बेल्‍ले म्हाँया खम्। छतसि मिइ ख्रोंब् धोंले ङए सैं बेल्‍ले ख्रोंइँमुँ।”

यूहन्‍ना 2:22

येशू सिसि धबै सोगों तमा खीए चेलामैंइ ओंसोंन् येशूजी बिबै ताँमैं चिइ, धै परमेश्‍वरए छ्वेर प्ह्रिथेंबै ताँमैं नेरो येशूजी पोंबै ताँमैं चमैंइ क्वेंइ।

यूहन्‍ना 2:3

चर अँगुरए प्हा नुयामा येशूए आमाइ खीने “चुमैंने प्हा खाँयाँना,” बिइ।

यूहन्‍ना 3:22

च लिउँइँ येशू नेरो खीए चेलामैं यहूदीया ह्‍युलर ह्‍याइ, धै चर दे त्हिंइ समा चमैंने टिमा म्हिमैं बप्‍तिस्‍मा पिंइ।

यूहन्‍ना 4:2

(येशू ह्रोंसजीन् बप्‍तिस्मा आपिंमल। दिलेया खीए चेलामैंइ म्हिमैं बप्‍तिस्मा पिंमल।)

यूहन्‍ना 4:33

छबिमा “खाबज्यै खीलाइ चबै सै पिंखइ उ तो जा?” बिसि चेलामैंइ खें-खेंमैं न्‍होंर्न ङ्योएबर होंइ।

यूहन्‍ना 4:8

च त्हेर खीए चेलामैं बजारर चबै सैमैं किंबर ह्‍याल।

यूहन्‍ना 6:12

चमैं म्रेंल् खाँबै लिउँइँ येशूजी चेलामैंने बिइ, “चसि ङैंबै क्हें लुँठेमैं खेरो आह्‍यानले खागु लद्।”

यूहन्‍ना 6:16

ङेसा तबै लिउँइँ येशूए चेलामैं मा ङ्युँइउँइँ ह्‍‍याइ।

यूहन्‍ना 6:60

चु ताँ थेसि येशूए चेलामैं न्होंर्बै ल्हेइ बिइ, “चु ताँ बेल्‍ले गारो मुँ। खाबइ चु ताँ थेल् खाँमुँ?”

यूहन्‍ना 6:66

च लिउँइँ येशूए चेलामैं न्होंर्बै ल्हें चेलामैं बिश्‍वास लब् पिसि खीने प्रब पिवाइ।

यूहन्‍ना 6:67

छतमा येशूजी च्युसे ङ्हिं चेलामैंने “क्हेमैं या ङलाइ वाथेंसि ह्‍याम्‍म?” बिसि ङ्योएमा।

यूहन्‍ना 6:70

येशूजी चमैंने बिइ, “क्‍हेमैं च्युसे ङ्हिं ङइन त्‍हाँब, आङिं वा? दिलेया क्‍हेमैंए न्‍होंरि दुष्‍ट धों तबै म्हि घ्रि मुँ।”

यूहन्‍ना 6:71

येशूजी चु ताँ सिमोन इस्‍करियोतए च्‍ह यहूदाए बारेर बिल, तलेबिस्याँ यहूदा च्युसे ङ्हिं चेलामैं न्‍होंर्बै मुँनबिलेया चइ खीलाइ क्हाल् पिंसि धोका पिंल् म्हैल।

यूहन्‍ना 6:8

येशूए चेलामैं न्होंर्बै सिमोन पत्रुसए अलि अन्‍द्रियासइ बिइ,

यूहन्‍ना 7:3

छतसि येशूए अलिमैंइ येशूने बिइ, “क्‍हिजी लरिबै केमैं क्‍हिए चेलामैंइ म्रोंरिगे। छतसि चु क्‍ल्‍ह्‍यो पिसि क्हि यहूदीया ह्‍युलर ह्‍याद्।

चेला चिब्मैंए केमैं 11:26

बारनाबासइ शाऊल टार्ससर त्होसि एन्‍टिओखियार पखइ। तिदिं समन् चमैं बिश्‍वासीमैंने त्होब्‍ब्रें लसि ल्हें म्हिलाइ लोमिंइ। एन्‍टिओखियार्न धाँसे ओंसों ख्रीष्‍टए चेलामैंने ख्रीष्‍टियान बिबै मिं थेंइ।

चेला चिब्मैंए केमैं 11:29

छाबै ताँ थेसि चेलामैं ताँनइ ह्रों-ह्रोंसइ पिंल् खाँबै सैमैं रेसि यहूदीयार्बै बिश्‍वासीमैं ल्होबर पिमिंबै सैं लइ।

१ कोरिन्थी 10:31

ङइ तो बिम् बिस्‍याँ: क्‍हेमैंइ चलेया, थुँलेया, तो ललेया परमेश्‍वरए थेबै मान तबै ल्हागिर मत्‍त्रे लद्।

१ कोरिन्थी 7:39

ह्रोंसए प्युँ आसिन् समा च्हमिरि ह्रोंसए प्‍युँनेन् टिल् त्हुम्। दिलेया प्युँ सियाबै लिउँइँ धबै च म्हरेस्योइ ब्ह्‍या लदा ङ्हाँस्याँ चइ ब्ह्‍या ललेया तम्। दिलेया चु ब्ह्‍या प्रभु येशूए फिर बिश्‍वास लबै म्‍हिनेन् तल् त्हुम्।

कलस्सी 3:17

क्हेमैंइ तो ताँ पोंलेया, तो के ललेया, येशूउँइँलेन् परमेश्‍वर आबालाइ धन्यबाद पिंदै प्रभु येशूए मिंर लद्।

हिब्रू 13:4

ताँन् म्हिमैंए उँइँर ब्ह्‍या इजेत मुँल्‍ले तल् त्हुम्। ब्ह्‍या लल् खाँबै लिउँइँ मुँयुँमैं खाबज्यै या छमिं न्हल् आत, छलेन च्हमिरिमैंज्यै या फ्रें क्ल्योंल् आत, तलेबिस्याँ छाबै के लब्मैंए फिर परमेश्‍वरजी थेबै दण्ड पिंम्।

दर्शन 3:20

थेद्, ङ म्रार रासि हुइमुँ। खाबज्‍यै या ङए कै थेसि म्रा थोंस्‍याँ ङ न्‍होंर खब्मुँ, धै चने बालु चब्‍मुँ, चै या ङने बालुन् चब्‍मुँ।