यूहन्‍ना 2:16 - परमेश्‍वरए ताँ तमु क्युइर

¹⁶ खीजी तोंगु चुँब्मैंने “क्हेमैंए ताँन् सैमैं छुइले बोह्‍याद्। ङए आबाए धिंलाइ छों लबै धिं आलद्,” बिइ।

यूहन्‍ना 2:16 ပူးပေါင်းရင်းမြစ်များ

मत्ती 21:12

झाइले येशू परमेश्‍वरए मन्दिरर ह्‍यासि चर किंबा-चुँब लबै म्‍हिमैं ताँन् बैरु ल्हामिंइ। धै मुइ त्हेब्मैंए टेबलमैं नेरो तोंगु चुँब्मैंए क्हुँबै सैमैं प्लिंवाँइ।

मत्ती 21:13

येशूजी चमैंलाइ हौदिसि बिइ, “‘ङए धिं प्राथना लबै धिं बिब्मुँ,’ बिसि परमेश्‍वरए छ्वेर प्‍ह्रिइमुँ। दिलेया क्‍हेमैंइमि चु ह्‍योमैं टिबै क्ल्ह्‍यो ग लना।”

मत्ती 22:5

दिलेया च न्हिम्‍तो लबै म्हिमैं थेबै न्हइ आलल्‍ले घ्रि ह्रोंसए म्रोंउँइँ ह्‍याइ, अर्को छों लबर ह्‍याइ।

मर्कूस 11:17

झाइले खीजी म्‍हिमैं लोमिंदै बिइ, “ङए धिं ‘ताँन् ह्रेंमैंए प्राथना लबै धिं तब्मुँ’ बिसि परमेश्‍वरए छ्वेर प्ह्रिइमुँ: दिलेया क्‍हेमैंइ चु धिं ह्‍योमैं टिबै क्‍ल्‍ह्‍यो ग लन।”

लूका 2:49

येशूजी चमैंने बिइ, “क्हेमैंइ तले ङलाइ म्‍हैरिल? ङए आबाए धिंर ङ मुँल् त्‍हुम् बिब क्‍हेमैंइ आसेल् वा?”

यूहन्‍ना 10:29

तलेबिस्याँ ङए आबाजी चमैं ङलाइ पिंइँमुँ, खी ताँन् भन्दा थेब मुँ। छतसि ङए आबाए योउँइँले खाब‍ज्‍यै चमैं प्हेंसि बोल् खाँरिब् आरे।

यूहन्‍ना 2:15

छतमा खीजी छोए ट्‍हो बनेसि मन्दिरउँइँले ताँन् म्हिमैं नेरो चमैंए खेदोमैं, र-क्‍युमैं ताँन् बैरु ल्हवाइ, धै मुइ त्हेब्मैंए टेबलमैं प्लिंमिंसि मुइ ताँन् फ्रुँवाइ

यूहन्‍ना 20:17

येशूजी चने बिइ, “ङ आछुइद् तलेबिस्याँ ङ तोगो समा आबा ङाँर आह्‍याइमुँ। बरु ङए अलिमैं ङाँर ह्‍यासि चमैंने ‘तारे ङ ङए आबा, क्हेमैंए आबा, धै ङए परमेश्‍वर, क्हेमैंए परमेश्‍वर ङाँर ह्‍यासिन् मुँ’ बिसि ङए ताँ बिमिंन्।”

यूहन्‍ना 5:17

दिलेया येशूजी चमैंने बिइ, “ङए आबाजी तोगो समा के लरिइमुँ। छतसि ङज्यै या के लरिइमुँ।”

यूहन्‍ना 8:49

येशूजी बिइ, “ङलाइ मोंइ आस्‍याइमुँ। ङ ङए आबाए मान लमुँ, दिलेया क्‍हेमैंइ ङलाइ म्हि आच्‍हिइमुँ।

१ तिमोथी 6:5

छाबै म्हिमैं मदि न्होंयाब्मैं नेरो क्ह्रोंसेंन्बै ताँ आक्वेंब्मैं ङाँर ह्‍यासि प्होंगि लल् म्हैम्, धै परमेश्‍वरए मिंर के लब् प्हैंसि ङ खैले प्लब् तब् ङ्‍हे बिसि चमैंइ मैंम्।

२ पत्रुस 2:3

लोब लसि चमैंइ स्योलिबै ताँमैं पार्दिसि क्‍हेमैंउँइँलेन् फायदा किंब्‍मुँ। छतसि ओंसों ओनोंन् चमैंए ल्हागिर परमेश्‍वरजी दण्‍ड तोक्दिथेंइमुँ। चमैंए नास तबै त्हे तबर होंइमुँ।