यूहन्‍ना 2:13 - परमेश्‍वरए ताँ तमु क्युइर

¹³ च त्‍हेर यहूदीमैंए दुःखने फ्रेबै चाड खबि छेमा येशू यरूशलेमर ह्‍याइ।

यूहन्‍ना 2:13 ပူးပေါင်းရင်းမြစ်များ

मत्ती 21:12

झाइले येशू परमेश्‍वरए मन्दिरर ह्‍यासि चर किंबा-चुँब लबै म्‍हिमैं ताँन् बैरु ल्हामिंइ। धै मुइ त्हेब्मैंए टेबलमैं नेरो तोंगु चुँब्मैंए क्हुँबै सैमैं प्लिंवाँइ।

मर्कूस 11:15

झाइले खेंमैं यरूशलेमर फेनेबै लिउँइँ येशू मन्दिर न्होंर होंसि चर छों लबै म्‍हिमैं बैरु तेवाइ। धै मुइ त्हेब्मैंए टेबलमैं नेरो तोंगु चुँब्मैं क्हुँबै सैमैं भ्योंवाइ।

लूका 19:45

च लिउँइँ येशू यरूशलेम सहरर्बै मन्दिरर ह्‍यासि चर्बै छों लबै ताँन् म्हिमैं ल्हावाइ।

लूका 2:41

कोलोए आबा आमा सालै ह्रोंसे दुःखने फ्रेबै चाड म्हाँदिबर यरूशलेमर ह्‍याब्रें लमल।

यूहन्‍ना 11:55

च त्हेर यहूदीमैंए दुःखने फ्रेबै चाड खबि छेल। छतसि नाँ-नाँसर्बै ल्‍हें म्हिमैं ह्रों-ह्रोंसलाइ चोखो लब् बिसि दुःखने फ्रेबै चाड खब् भन्दा ओंसोंन् यरूशलेमर ह्‍याइ।

यूहन्‍ना 13:1

खीजी चु ह्‍युल पिसि परमेश्‍वर आबा ङाँर ह्‍याबै त्हे तखइमुँ बिसि दुःखने फ्रेबै चाडए ओंसोंन् येशूजी था सेल। खीजी ह्‍युलर मुँबै ह्रोंसए चेलामैंने खोंयोंइ म्हाँया लरिमल, धै लिउँइँ समन् चमैंने म्हाँया लरिइ।

यूहन्‍ना 2:23

झाइले दुःखने फ्रेबै चाडए त्‍हेर येशू यरूशलेमर मुँमा। खीजी लबै औदिबै चिनुमैं म्रोंसि ल्‍हें म्हिमैंइ खीए मिंर बिश्‍वास लइ।

यूहन्‍ना 5:1

च लिउँइँ यहूदीमैंला चाड खल। छतसि येशू धबै यरूशलेमर ह्‍याइ।

यूहन्‍ना 6:4

च त्‍हेर यहूदीमैंए दुःखने फ्रेबै चाड खबि छेल।