यूहन्‍ना 19:6 - परमेश्‍वरए ताँ तमु क्युइर

⁶ येशू म्रोंबै तोदोंन् ख्रो पिंबै खेगि चिब्मैं नेरो मन्दिर रुँब्मैंइ ओरदै, “च क्रूसर च्योवाद्! च क्रूसर च्योवाद्! बिबर होंइ।” छतमा पिलातसइ चमैंने बिइ, “क्‍हेमैंइन चु म्हि बोसि क्रूसर च्योवद्। तलेबिस्याँ ङइ चुने तोइ छ्याब् आयोंइमुँ।”

यूहन्‍ना 19:6 ပူးပေါင်းရင်းမြစ်များ

मत्ती 26:58

पत्रुस या दे ह्रेंगोले येशूए लिलि ख्रो पिंबै खेगि क्रथेए धिंर्बै ह्‍यु समा ह्‍याइ। धै “लिउँइँ तो तमगे” बिसि ङ्‌ह्‍योबर न्होंर होंसि पालेमैंने बालु क्हुँइ।

मत्ती 27:22

पिलातसइ चमैंने बिइ, “छबिस्याँ ङइ चु ख्रीष्‍ट बिबै येशूलाइ तो लले दि?” चमैं ताँनइ “चलाइ क्रूसर च्योवाद्,” बिइ।

मत्ती 27:24

ह्रोंसइ तोइ लल् आखाँब् म्रोंसि झन् खैला-बैला तम् उ बिब् मैंसि चइ म्‍हिमैंए उँइँर क्‍युइ यो ख्रुसि बिइ, “छबिस्याँ चु म्‍हि सैबै छ्याब् ङए फिर आल्‍हैदिरिगे। चलाइ सैबै पापए छ्याब् क्‍हेमैंए फिर्न खरिगे।”

लूका 23:4

“ङइ चु म्‍हिने तोइ दोष आयों बिसि ख्रो पिंबै खेगि चिब्मैं नेरो चर मुँबै हुलने पिलातसइ,” बिइ।

यूहन्‍ना 18:3

च त्हेर्न यहूदाइ रोमी सिपाइमैं ख्रो पिंबै खेगि चिब्मैं नेरो फरिसीमैंइ कुल्मिंबै मन्दिर रुँबै म्हिमैं च बगैंचार बत्ति नेरो प्हरे-क्होजमैं छेसि मेंदों म्रोसि चर फेखइ।

यूहन्‍ना 18:31

पिलातसइ चमैंने “क्‍हेमैंइन चु म्हि बोसि क्हेमैंए ठिमर बिब् धोंले चुए निसाफ लद्,” बिमा चमैंइ, “खाबलाज्यै या सैबै दण्ड पिंबै हग ङिने आरे,” बिइ।

यूहन्‍ना 18:38

पिलातसइ येशूने “क्‍ह्रोंसेंन्‍बै ताँ तो जा?” बिसि च धबै बैरु त्होंह्‍यासि येहूदिमैंने बिइ, “ङइ चु म्हिने तोइ छ्याब् योंल् आखाँ।

यूहन्‍ना 19:15

छबिमा “बोयाद्, बोयाद्, च क्रूसर च्योवाद्!” बिसि चमैं ओरइ। छतमा पिलातसइ चमैंने “ङइ क्‍हेमैंए म्रुँ क्रूसर च्योवाद् वा?” बिसि ङ्योएमा “रोमी कैसर म्रुँ बाहेक् ङिला अरू म्रुँ आरे,” बिसि ख्रो पिंबै खेगि चिब्मैंइ बिइ।

यूहन्‍ना 19:4

पिलातस धबै बैरु त्होंसि यहूदीमैंने बिइ, “ङइ चने तोइ छ्याब् आयों बिब क्हेमैंज्यै या सेरिगे बिसि ङइ च म्हि क्हेमैं ङाँर बैरु पुइमुँ।”

चेला चिब्मैंए केमैं 2:23

दिलेया परमेश्‍वरजी ओंसोंन् चाँजो लसि येशूलाइ क्‍हेमैंए योर पिंवाँइ। धै दुष्‍ट म्हिमैंउँइँले क्हेमैंइ येशू क्रूसर च्योवासि सैवाइ।

चेला चिब्मैंए केमैं 7:52

ताँन् अगमबक्‍तामैंलाइ चमैंइ ह्रुगुदिल! खीए पबित्र के लबै म्हि युसिन् मुँ ओंसों बिबै म्हिमैंलाज्यै या चमैंइ सैवाल। तोगो च म्हि युज्यै या क्हेमैंइ चलाइ क्हाल् पिंसि सैवाइमुँ।