यूहन्‍ना 19:4 - परमेश्‍वरए ताँ तमु क्युइर

⁴ पिलातस धबै बैरु त्होंसि यहूदीमैंने बिइ, “ङइ चने तोइ छ्याब् आयों बिब क्हेमैंज्यै या सेरिगे बिसि ङइ च म्हि क्हेमैं ङाँर बैरु पुइमुँ।”

यूहन्‍ना 19:4 ပူးပေါင်းရင်းမြစ်များ

मत्ती 27:19

पिलातस निसाफ लबै क्‍ल्‍ह्‍योर क्हुँरिबै त्हेर चए प्ह्रेंस्योइ चलाइ छ बिसि सउँसर पिमिंइ, “च छ्याब् आरेबै म्‍हिलाइ तोइ आलद्, तलेबिस्याँ च म्‍हिए कारणइ लमा तल् म्‍हुँइँसर म्‍होंडर ङइ ल्‍हें दुःख योंइ।”

मत्ती 27:24

ह्रोंसइ तोइ लल् आखाँब् म्रोंसि झन् खैला-बैला तम् उ बिब् मैंसि चइ म्‍हिमैंए उँइँर क्‍युइ यो ख्रुसि बिइ, “छबिस्याँ चु म्‍हि सैबै छ्याब् ङए फिर आल्‍हैदिरिगे। चलाइ सैबै पापए छ्याब् क्‍हेमैंए फिर्न खरिगे।”

मत्ती 27:4

“ङइ तोइ छ्याब् आरेबै म्‍हिलाइ धोका पिंसि पाप लइमुँ।” बिमा चमैंइ बिइ, “ङिलाइ तो मतलब? चम् क्‍हिन् सेद्।”

मत्ती 27:54

सयो खब नेरो चर तबै ताँमैं म्रोंसि चर्बै कप्‍तान नेरो चने मुँबै येशूलाइ रुँबै सिपाइमैं बेल्‍ले ङ्हिंसि “चु म्‍हि क्‍ह्रोंसेन परमेश्‍वरए च्‍हन् मुँन,” बिइ।

लूका 23:4

“ङइ चु म्‍हिने तोइ दोष आयों बिसि ख्रो पिंबै खेगि चिब्मैं नेरो चर मुँबै हुलने पिलातसइ,” बिइ।

लूका 23:41

दिलेया ङ्यो ङ्हिंम् आछ्याँबै के लसि योंल् त्‍हुबै सजैं योंरिइमुँ, दिलेया चु म्‍हिजीम् आछ्याँबै के तोइ आलइमुँ।”

लूका 23:47

छतब् म्रोंसि “क्‍ह्रोंसेंन चु म्‍हि धर्मि मुँन!” बिदै रोमी कप्‍तानइ परमेश्‍वरए मिं क्वेइ।

यूहन्‍ना 18:33

पिलातस धबै दरबार न्‍होंर होंइ, धै येशूलाइ हुइसि “क्हि येहूदिमैंए म्रुँ वा?” बिसि ङ्योएइ।

यूहन्‍ना 18:38

पिलातसइ येशूने “क्‍ह्रोंसेंन्‍बै ताँ तो जा?” बिसि च धबै बैरु त्होंह्‍यासि येहूदिमैंने बिइ, “ङइ चु म्हिने तोइ छ्याब् योंल् आखाँ।

यूहन्‍ना 19:6

येशू म्रोंबै तोदोंन् ख्रो पिंबै खेगि चिब्मैं नेरो मन्दिर रुँब्मैंइ ओरदै, “च क्रूसर च्योवाद्! च क्रूसर च्योवाद्! बिबर होंइ।” छतमा पिलातसइ चमैंने बिइ, “क्‍हेमैंइन चु म्हि बोसि क्रूसर च्योवद्। तलेबिस्याँ ङइ चुने तोइ छ्याब् आयोंइमुँ।”

२ कोरिन्थी 5:21

तलेबिस्याँ ङ्यो ख्रीष्‍टउँइँले ठिक ठर्दिरिगे बिसि तोइ पाप आरेबै येशू ख्रीष्‍टलाइ परमेश्‍वरजी ङ्योइ लबै पापए ति नोल् पिंइ।

हिब्रू 7:26

ङ्योए ल्हागिर छाबै म्हि घ्रि ख्रो पिंबै खेगि क्रथे तल् त्हुम्, तलेबिस्याँ येशू पबित्र, छ्याब् आरेब नेरो तोइ पाप आरेब मुँ। छतसि परमेश्‍वरजी पापि म्‍हिमैंउँइँले स्यो लसि खीलाइ स्‍वर्ग भन्दा ताइ थेंमिंइमुँ।

१ पत्रुस 1:19

दिलेया तोइ खोट नेरो तोइ छ्याब् आरेबै क्यु झज धों तसि ख्रीष्‍टजी को पिंसि क्हेमैंलाइ खामिंइमुँ।

१ पत्रुस 2:22

खीजी तोइ पाप आल, खीजी खोंयोंइ या स्‍योर आते।

१ पत्रुस 3:18

तलेबिस्याँ ङ्योलाइ परमेश्‍वर ङाँर बोबर ख्रीष्‍टै या पापिमैंए ल्हागिर तिल सिमिंइ। पापिमैंए ल्हागिर खीजी दु:ख योंइ। दिलेया म्हिमैंइ खीलाइ सैवालेया प्ल्हए शक्‍तिजी खीलाइ सोगों लमिंइ।

१ यूहन्‍ना 3:5

म्‍हिमैंए पाप त्होवाबर ख्रीष्‍ट युब् ग, खीने तिफुँइ पाप आरे बिब क्‍हेमैंइ सेइमुँ।