यूहन्‍ना 19:36 - परमेश्‍वरए ताँ तमु क्युइर

³⁶ “खीए ह्रिब घ्रि या चोयाब् आरे।” बिसि परमेश्‍वरए छ्वेर प्ह्रिबै ताँ पूरा तरिगे बिसि छ तब् ग।

यूहन्‍ना 19:36 ပူးပေါင်းရင်းမြစ်များ

भजनमैं 22:14

क्यु ङेयाब् धोंले ङए भों नुयाइमुँ, ङए ह्रिबए जोर्निमैं ताँन् प्ल्ह्‍याइमुँ। ङए खों युलुयाबै मम् बत्ति धोंन् तयाइमुँ।

भजनमैं 34:20

खीजी चए ताँन् ह्रिब्मैंए रक्षा लमुँ; चए ह्रिब्मैं घ्रि या चोरिब् आरे।

भजनमैं 35:10

“ओ याहवेह, क्हि धों तब खाब् मुँ? क्हिजी भों आरेब्मैंलाइ ह्रोंस भन्दा भोंबै म्हिमैंउँइँले जोगेमिंम्, छले भों आरेब्मैं नेरो आयों आख्युब्मैंलाइ ह्रुगिदिबै म्हिमैंउँइँले क्हिजी चमैंलाइ जोगेमिंम्,” बिसि ङए ताँन् ज्यु नेरो सैंइ बिप्रम्।

प्रस्थान 12:46

“चब् थुँब् ह्‍योब् तेब् लबै धिंर्न च चल् त्हुम्, चए से धिंउँइँले बैरु आबोद्, चए ह्रुइब घ्रि या आचोद्।

मत्ती 1:22

अगमबक्‍ताइ बिबै ताँ पूरा तबै ल्हागिर्न छले तब् ग:

यूहन्‍ना 13:18

“ङइ क्हेमैं ताँनए बारेर बिब् आङिं। ङइ त्हाँबै म्हि ङइ सेमुँ। दिलेया ‘ङए क्हें चबै म्हिइ ङए फिर प्हलेइ ह्‍याँइ’ दिलेया ठिमर प्ह्रिबै ताँ पूरा तरिगे बिसि छ तब् ग।

यूहन्‍ना 19:24

छतसि चमैंइ खेंमैंए न्होंर बिइ, “चु क्वें आट्होले, बरु चु खाबल् तम् बिसि चिट्ठा झोंले।” परमेश्‍वरए छ्वेर प्ह्रिबै ताँ पूरा तरिगे बिसि छ तब् ग। “चमैंइ ङए क्‍वें खें-खेंमैंए न्‍होंर चुइ, फिर्बै क्‍वेंए ल्हागिर बिस्याँ चिट्ठा झोंइ।” बिसि प्ह्रिथेंल। छतसि सिपाइमैंइ छाबै के लइ।

यूहन्‍ना 19:28

च लिउँइँ येशूजी तारे ताँन् के लल् खाँइ बिब् सेसि परमेश्‍वरए छ्वेर प्ह्रिबै ताँ पूरा तरिगे बिसि “ङ क्यु पिइ,” बिइ।