यूहन्‍ना 19:35 - परमेश्‍वरए ताँ तमु क्युइर

³⁵ (क्हेमैंज्यै या क्वेंल् खाँरिगे बिसि चु ताँ म्रोंबै म्हिइ खै तब् म्रोंइ छाबन ग्वाइ पिंसि बिब् ग। चए ग्वाइ क्ह्रोंसेंन्ब मुँ, धै ह्रोंसइ क्ह्रोंसेंन्बै ताँ बिइमुँ बिसि चइ सेइमुँ।)

यूहन्‍ना 19:35 ပူးပေါင်းရင်းမြစ်များ

यूहन्‍ना 11:15

दिलेया क्हेमैंइ ङए फिर थेबै बिश्‍वास लरिगे बिसि क्हेमैंए ल्हागिरि ङ चर आरेबर ङ तोंइँमुँ। तो तलेया ङ्यो च ङाँर ह्‍याले।”

यूहन्‍ना 11:42

क्हिजी ङए ताँ खोंयोंन् बिलै थेमुँ बिसि ङइ सेइमुँ। दिलेया क्हिजी ङ कुल्मिंब् ग बिब चुर रारिबै म्हिमैंइ क्वेंरिगे बिसि ङइ चु ताँ बिब् ग।”

यूहन्‍ना 14:29

च ताँ तखबै त्हेर क्हेमैंइ ङए ताँ क्वेंरिगे बिसि ङइ चु ताँ तब् भन्दा ओंसोंन् क्हेमैंने बिमिंइँमुँ।

यूहन्‍ना 15:27

क्हेमैं ओंसों ओंनोंन् ङने बालु मुँबइले क्हेमैं या ङए साक्षि ग।”

यूहन्‍ना 19:26

झाइले येशूजी खीए आमा नेरो खीजी खोबै चेला चर रारिब् म्रोंसि आमाने बिइ, “ओ आमा, ङ्‍ह्‍योद्, चु क्हिए च्ह ग!”

यूहन्‍ना 20:31

दिलेया “येशू परमेश्‍वरए च्ह नेरो खीजी कुल्‍मिंबै म्रुँ ख्रीष्‍ट ग,” बिब क्हेमैंइ क्वेंरिगे धै खीए फिर बिश्‍वास लबइले क्हेमैंइ खोंयोंइ आखाँबै छ्ह योंरिगे बिसि ङइ चु ताँमैं प्ह्रिइमुँ।

यूहन्‍ना 21:24

चु ताँन् ताँ ग्वाइ पिंसि प्ह्रिबै चेला येशूजी खोबै चेला ग। चए ग्वाइ क्ह्रोंसेंन्बै मुँ बिसि ङिइ सेइमुँ।

चेला चिब्मैंए केमैं 10:39

खीजी यहूदीमैंए ह्‍युल नेरो यरूशलेमर लबै ताँन् केमैं ङिइ म्रोंइँमुँ। च लिउँइँ म्हिमैंइ खी क्रूसर च्योवासि सैवाइ।

रोमी 15:4

ङ्योए आशालाइ बडिबर धै ङ्योए फिर तो तलेया सैदिबै भों पिंबर परमेश्‍वरए छ्वेर प्‍ह्रिबै ताँन् ताँ ङ्योलाइ लोमिंबर प्‍ह्रिब् ग।

१ पत्रुस 5:1

ङ बिश्‍वासी न्होंर्बै एल्डर पत्रुसउँइँले क्‍हेमैंए एल्डरमैंने यो छ्युँ लमुँ। ख्रीष्‍टजी खैले दुःख सैदिल बिबै साक्षि ङ मुँ। धै लिउँइँ खीए थेबै मान तमैंया ङ खीने बालुन् तब्मुँ।

१ यूहन्‍ना 5:13

ओ, परमेश्‍वरए च्‍हए फिर बिश्‍वास लब्मैं! क्‍हेमैंइ खोंयोंइ आखाँबै छ्ह योंइमुँ बिसि पक्‍का था सेरिगे बिसि ङइ चु प्ह्रिछ्या क्‍हेमैंलाइ प्‍ह्रिब् ग।

३ यूहन्‍ना 1:12

ताँन् म्‍हिमैंइ डेमेत्रियसए बारेर छ्याँबै बयन लम्। क्ह्रोंसेंन्‍बै ताँइ बिब् धोंले च प्रबइले च छ्याँबै म्हि ग बिसि बयन लम्। ङिज्‍यै या चए बारेर छ्याँबै ग्वाइ पिंम्, झाइले ङिइ बिबै ताँ क्ह्रोंसेंन्बै ग बिसि क्‍हिइ सेइमुँ।