यूहन्‍ना 19:3 - परमेश्‍वरए ताँ तमु क्युइर

³ झाइले चमैं खी ङाँर खसि “येहूदिमैंए म्रुँ जय तरिगे!” बिदै खीलाइ प्लाँइ।

यूहन्‍ना 19:3 ပူးပေါင်းရင်းမြစ်များ

मत्ती 26:49

छ बिबै तोदोंन् यहूदा येशू ङाँर ह्‍यासि येशूने, “ओ गुरु,” बिसि म्वें लइ।

मत्ती 27:29

चमैंइ पुजुए मुकुट या बनेसि खीए क्रर कुमिंइ, क्‍योलो योरि रिंए प्‍हरे छेल् पिंइ, धै येशूए उँइँर च्‍हि तुँसि फ्योब् धों लसि “ओ येहूदिमैंए म्रुँ!” बिदै खीए बिल्‍लि लइ।

मर्कूस 15:18

झाइले चमैंइ “यहूदीमैंए म्रुँ जय!” बिदै फ्योब् धों लसि बिल्‍लि लबर होंइ।

लूका 1:28

गब्रिएल स्वर्गदूत च ङाँर युसि बिइ, “ओ नानि, च्हमिरिमैं न्होंर क्हि बेल्‍ले ङ्‍हो सब् मुँन। तलेबिस्याँ परमेश्‍वर क्‍हिने बालु मुँ, छतसि खीजी क्‍हिए फिर आशिक पिंइमुँ।”

यूहन्‍ना 18:22

येशूजी चु ताँ बिमा खीए चेंदो रारिबै मन्दिर रुँब्मैं न्होंर्बै घ्रिइ “ख्रो पिंबै खेगि क्रथेने छले पोंम्मा?” बिदै येशूलाइ प्रिंइ।

यूहन्‍ना 18:33

पिलातस धबै दरबार न्‍होंर होंइ, धै येशूलाइ हुइसि “क्हि येहूदिमैंए म्रुँ वा?” बिसि ङ्योएइ।