यूहन्‍ना 19:20 - परमेश्‍वरए ताँ तमु क्युइर

²⁰ येशू क्रूसर च्योवाबै क्ल्ह्‍यो यरूशलेम सहरए चेंदोन् मुँल। छतसि ल्हें म्हिइ छले प्ह्रिथेंबै छ्याब् खेइ। च ताँ हिब्रू, रोमी, नेरो ग्रिक क्युइर प्ह्रिथेंल।

यूहन्‍ना 19:20 ပူးပေါင်းရင်းမြစ်များ

लूका 23:38

“चु यहूदीमैंए म्रुँ ग” बिसि छ्याब् ल्हैदिबै ताँ प्ह्रिसि खीए क्होवाइ क्रूसर टाँउँदिथेंल।

यूहन्‍ना 19:13

पिलातसइ चु ताँ थेसि येशू दरबारए बैरु पुयुसि “युँमाइ स्युबै ह्‍यु” बिबै क्ल्ह्‍योरि निसाफ लबर क्हुँइ। (हिब्रू क्युइर च ह्‍युए मिं गब्‍बथा बिमुँ।)

यूहन्‍ना 19:42

च त्हे क्‍यु सैसि म्हाँदिबै चाडए ल्हागिर तयार लबै त्हिंइ मुँल। धै च छगों या चेंदोन् मुँबइले चमैंइ येशू चर्न थेंइ।

यूहन्‍ना 5:2

यरूशलेमर्बै सहर न्होंरि क्यु मिं मुँबै थेबै म्रा मुँ। च म्राए चेंदो ठाँटि ङ्‍ह मुँबै क्यु ह्रा मुँ। हिब्रू क्‍युइर च ह्राए मिं बेथेस्दा बिमुँ।

चेला चिब्मैंए केमैं 21:37

ब्यारेक न्होंर होंबि छेमा पावलइ पल्टनर्बै चिबने “चिब, ङइ ताँ घ्रि क्हिने बिल् योंम् उ?” बिमा चिबइ बिइ, “क्हिइ ग्रिक क्युइ पोंल् ह्रम्मा?

चेला चिब्मैंए केमैं 21:40

पावलए ताँ थेसि चिबइ पोंल् पिंइ, धै पावल खटकटिर रासि म्हिमैंने योइ हस्त लमा म्हिमैं तोइ आबिल्‍ले च्याँ तबै लिउँइँ चइ चमैंने हिब्रू क्युइर पोंबर होंइ।

चेला चिब्मैंए केमैं 22:2

पावलइ हिब्रू क्युइर पोंब् थेसि चमैं ताँन् च्याँ तयाइ। छतमा चइ बिइ,

चेला चिब्मैंए केमैं 26:14

च ह्‍वेइ लमा ङि ताँन् सर क्हुरियाइ। धै हिब्रू क्युइर ङने, ‘ओ शाऊल, शाऊल, क्हिइ तले ङ छले ह्रुगुदिरिल? क्हिए प्‍हलेइ म्ह्रु छु तबै प्हरेर ल्हिमा क्‍हिलाइन नब्मुँ,’ छ बिरिबै कै ङइ थेइ।

हिब्रू 13:12

छलेन येशूज्यै खीए ह्रोंसए कोउँइँले म्‍हिमैं पापउँइँले फ्रेमिंसि पबित्र लमिंबै ल्हागिर खिइ या सहरए बैरु दु:ख नोइ।

दर्शन 16:16

झाइले च स्यागि म्होंगि सोंइ च ताँन् म्रुँमैं हिब्रू क्युइरि आर-मागेड्डोन बिबै क्‍ल्‍ह्‍योर खागु लइ।

दर्शन 9:11

च क्रोंर्बै दूत च तिरिमैंए म्रुँ मुँल। हिब्रू क्‍ह्‍युइरि च म्रुँए मिं “एबाड्डोन” ग, ग्रिक क्युइरि चए मिं “अपोल्‍लियोन” ग। च मिंए मतलब नास लब् ग।