यूहन्‍ना 19:17 - परमेश्‍वरए ताँ तमु क्युइर

¹⁷ येशूजी ह्रोंसए क्रूस ह्रोंसइन नोसि क्र खोप्‍लें बिबै क्ल्ह्‍योर ह्‍याइ। (हिब्रू क्युइर च क्ल्ह्‍योए मिं गलगथा बिमुँ।)

यूहन्‍ना 19:17 ပူးပေါင်းရင်းမြစ်များ

उत्पत्ति 22:6

अब्राहामइ ख्रो पिंबै सिं ह्रोंसए च्ह इसहाकलाइ नोमिंइ, झाइले मि नेरो छुरि चए योर किंसि चमैं ङ्हिंना-ङ्हिंन् ह्‍याइ।

मत्ती 10:38

खाबइ ह्रोंसए क्रूस नोसि ङए लिलि आल्‍हैदि च ङए म्‍हि तल् आखाँ।

मत्ती 16:24

झाइले येशूजी खीए चेलामैंने बिइ, “ङए लिलि खदा ङ्हाँम्मैं, ह्रोंसए ज्यु म्हाँया आलल्‍ले दुःख नोसि ङए लिलि खल् त्‍हुम्।

मत्ती 27:37

“येशू यहूदीमैंए म्रुँ ग बिसि खीए बिरोधर छ्याब् ल्हैदिसि प्ह्रिबै काउद खीए क्रए क्होउँइँ चमैंइ टौंदिथेंइ।”

मर्कूस 10:21

येशूजी म्हाँयाले च ङाँइ ङ्‌ह्‍योसि बिइ, “क्‍हिइ अझै के घ्रि लब चैमुँ: छतसि ह्‍यासि क्‍हिए क्‍ल्‍ह्‍यो न्‍हें ताँन् चुँसि योंबै मुइ ङ्हाँदुमैं पिंन्, छलस्याँ क्‍हिइ स्‍वर्गर सै न्होर ल्हें योंब्‍मुँ। धै खसि ङए लिलि प्रद्,” बिइ।

मर्कूस 15:26

झाइले “यहूदीमैंए म्रुँ” बिसि खीए फिर छ्याब् ल्हैदिबै ताँ क्रूसर प्‍ह्रिथेंल।

मर्कूस 15:32

च यहूदीमैंए म्रुँ बिबै ख्रीष्‍ट मुँस्याँ तारे क्रूसउँइँले तसि युरिगे। च क्रूसउँइँले तसि युब् म्रोंस्याँ मत्‍त्रे ङिइ चए फिर बिश्‍वास लब्मुँ।” खीने बालु क्रूसर च्योवाबै म्‍हिमैंज्यै या येशूए बिल्‍लि लइ।

मर्कूस 8:34

झाइले येशूजी खीए चेलामैं नेरो म्हिए हुल खी ङाँर हुइसि बिइ, “खाब् मुँलेया ङने बालु प्रबै सैं मुँ बिस्‍याँ चइ ज्युए म्हाँया आलरिगे बरु क्रूस नोसि ङने बालु प्ररिगे।

लूका 14:27

खाबइ ह्रोंसए क्रूस नोसि ङए लिलि आप्र च ङए चेला तल् आखाँ।

लूका 23:26

छले रोमी सिपाइमैंइ येशू क्रूसर च्‍योवाबर बोरिमा सिमोन बिबै कुरेनीथें नाँसउँइँले सहरउँइँ युरिमा चमैंइ चलाइ क्‍हासि येशूए क्रूस नोसि खीए लिलि लिलि प्रबर ल्हैदिइ।

लूका 23:33

चमैं क्र खोप्‍लें बिबै क्‍ल्‍ह्‍योर फेनेसि चमैंइ येशूलाइ क्रूसर च्‍योवाइ। धै च आछ्याँबै के लबै म्हि ङ्हिं या घ्रि खीए क्योलोउँइ, घ्रि खीए त्हेब्रेउँइँ क्रूसर च्योवाइ।

लूका 23:38

“चु यहूदीमैंए म्रुँ ग” बिसि छ्याब् ल्हैदिबै ताँ प्ह्रिसि खीए क्होवाइ क्रूसर टाँउँदिथेंल।

लूका 9:23

धै खीजी चमैं ताँन्‍ने बिइ, “खाबै ङए लिलि खबै सैं लस्याँ, चइ ह्रोंसए तोन्‍दोंरि इच्‍छामैं पिवाल् त्‍हुम्, कति दुःख तलेया सैदिसि त्हिंइ ह्रोंसे ङए लिलि प्रल् त्‍हुम्।

यूहन्‍ना 19:13

पिलातसइ चु ताँ थेसि येशू दरबारए बैरु पुयुसि “युँमाइ स्युबै ह्‍यु” बिबै क्ल्ह्‍योरि निसाफ लबर क्हुँइ। (हिब्रू क्युइर च ह्‍युए मिं गब्‍बथा बिमुँ।)

यूहन्‍ना 5:2

यरूशलेमर्बै सहर न्होंरि क्यु मिं मुँबै थेबै म्रा मुँ। च म्राए चेंदो ठाँटि ङ्‍ह मुँबै क्यु ह्रा मुँ। हिब्रू क्‍युइर च ह्राए मिं बेथेस्दा बिमुँ।

चेला चिब्मैंए केमैं 7:58

चए बिरोधर ग्वाइ पिंब्मैंइ ह्रों-ह्रोंसए क्वें प्लिसि शाऊल मिं मुँबै फ्रेंसिए प्हले ङाँर थेंइ। धै चमैंइ स्तिफनस सहरउँइँले बैरु तेइ बोसि युँमाइ ल्हिइ।