यूहन्‍ना 19:15 - परमेश्‍वरए ताँ तमु क्युइर

¹⁵ छबिमा “बोयाद्, बोयाद्, च क्रूसर च्योवाद्!” बिसि चमैं ओरइ। छतमा पिलातसइ चमैंने “ङइ क्‍हेमैंए म्रुँ क्रूसर च्योवाद् वा?” बिसि ङ्योएमा “रोमी कैसर म्रुँ बाहेक् ङिला अरू म्रुँ आरे,” बिसि ख्रो पिंबै खेगि चिब्मैंइ बिइ।

यूहन्‍ना 19:15 ပူးပေါင်းရင်းမြစ်များ

उत्पत्ति 49:10

यहूदाए योउँइँले म्रुँए प्हरे स्योरिब् आरे, चए क्ल्हे आखन् समा, ग्याल्स ओलेबै प्हरे चए प्हलेए प्हाँइले स्योरिब् आरे। छतमा ह्रेंमैंइ चइ बिबै ताँ ङिंब्मुँ।

मत्ती 22:17

छतसि रोमी म्रुँलाइ बालि फोब तम् उ आत? ङिने बिमिंन्।”

लूका 23:18

दिलेया म्‍हिए हुलइ थेबै कैले “चु आङिं! ङिए ल्हागिर बारब्‍बा पिमिंन् बिसि ओरइ।”

यूहन्‍ना 18:31

पिलातसइ चमैंने “क्‍हेमैंइन चु म्हि बोसि क्हेमैंए ठिमर बिब् धोंले चुए निसाफ लद्,” बिमा चमैंइ, “खाबलाज्यै या सैबै दण्ड पिंबै हग ङिने आरे,” बिइ।

यूहन्‍ना 19:6

येशू म्रोंबै तोदोंन् ख्रो पिंबै खेगि चिब्मैं नेरो मन्दिर रुँब्मैंइ ओरदै, “च क्रूसर च्योवाद्! च क्रूसर च्योवाद्! बिबर होंइ।” छतमा पिलातसइ चमैंने बिइ, “क्‍हेमैंइन चु म्हि बोसि क्रूसर च्योवद्। तलेबिस्याँ ङइ चुने तोइ छ्याब् आयोंइमुँ।”

चेला चिब्मैंए केमैं 13:28

खीलाइ सिल् त्हुबै छ्याब् तोइ आयोंलेया चमैंइ खीलाइ सैल् त्हुम् बिसि च ह्‍युलर्बै रोमी क्र थे पिलातस ङाँर ह्‍यासि यो छ्युँ लइ।

चेला चिब्मैंए केमैं 21:36

तलेबिस्याँ म्हिए हुल चए लिलि ल्हैदिसि “च सैलन् त्हुम्!” बिसि ओरदै खइ।

चेला चिब्मैंए केमैं 22:22

म्हि हुलइ पावलए ताँ च्हौ समा छेनाले थेइ। दिलेया च लिउँइँ चमैइ “छाबै म्हि पृथ्‍बीउँइँले स्योवाद्। च सोबै लायकर्बै आरे,” बिदै ओरबर होंइ।