यूहन्‍ना 18:8 - परमेश्‍वरए ताँ तमु क्युइर

⁸ येशूजी बिइ, “ङइ क्हेमैंने तलन् बिल् खाँइ, ङम् ङन् ग। छतसि क्हेमैंइ ङलाइ म्हैब् ग बिस्याँ चु म्हिमैंलाइ ह्‍याल् पिंन्।”

यूहन्‍ना 18:8 ပူးပေါင်းရင်းမြစ်များ

मत्ती 26:56

तलेबिस्याँ अगमबक्‍तामैंइ प्‍ह्रिबै ताँ पूरा तरिगे बिसि छ तब् ग।” च तोदोंन् चेलामैं ताँन् खी वाथेंसि भौदिह्‍याइ।

यूहन्‍ना 10:28

ङइ चमैंलाइ खोंयोंइ आखाँबै छ्ह पिंमुँ, झाइले चमैं खोंयोंइ या नास आत। धै ङए योउँइँले खाबज्यै चमैं प्हेंसि बोल् खाँरिब् आरे।

यूहन्‍ना 13:1

खीजी चु ह्‍युल पिसि परमेश्‍वर आबा ङाँर ह्‍याबै त्हे तखइमुँ बिसि दुःखने फ्रेबै चाडए ओंसोंन् येशूजी था सेल। खीजी ह्‍युलर मुँबै ह्रोंसए चेलामैंने खोंयोंइ म्हाँया लरिमल, धै लिउँइँ समन् चमैंने म्हाँया लरिइ।

यूहन्‍ना 13:36

छबिमा सिमोन पत्रुसइ खीने “ओ प्रभु, क्‍हि खनिर ह्‍यासिन् मुँ?” बिमा। येशूजी बिइ, “तोगो क्हि ङ ह्‍याबै क्ल्ह्‍योर ङए लिलि खल् आखाँ। लिउँइँ बिस्याँ क्हि ङए लिलि खब्मुँ।”

यूहन्‍ना 16:32

ङ्ह्‍योत्ति! त्हे खसिन् मुँ, खल् खाँइ। च त्हेर क्हेमैं खन्तोदोंन् प्हुँयासि ह्रों-ह्रोंसए धिंर ह्‍याब्मुँ धै ङ घ्रिन् वाथेंब्मुँ। दिलेया ङ घ्रि आरे, तलेबिस्याँ आबा ङने बालुन् मुँ।

यूहन्‍ना 18:7

खीजी धबै चमैंने “क्‍हेमैंइ खाब् म्‍हैरिल?” बिसि ङ्योएमा चमैंइ बिइ, “नासरतथें येशू।”

यूहन्‍ना 18:9

“क्हिजी ङलाइ पिंब्मैं न्होंरि घ्रि या म्हल् आपिं” बिसि खीजी बिबै ताँ पूरा तबै ल्हागिर छ तब् ग।

१ कोरिन्थी 10:13

म्हिए फिर तखबै जाँच बाहेक अरू जाँच क्‍हेमैंए फिर आतइमुँ। दिलेया परमेश्‍वर भर लल् खाँब मुँ, खीजी फैबै बाछा पूरा लम्। छतसि क्‍हेमैंइ सैदिलै आखाँबै जाँचर खीजी फेल् आपिं। जाँचर फेमा सैदिल् खाँरिगे बिसि खीजी क्हेमैंलाइ जाँचउँइँले स्योरल् खाँबै घ्याँ या पिंमुँ।

२ कोरिन्थी 12:9

दिलेया प्रभुजी ङने बिइ, “ङए दयाम्हाँया योंसेरो क्हिलाइ अरू सै तोइ आचैदि, तलेबिस्याँ क्‍हि आखाँ आथुबै त्हेर ङए भोंइन तोन्दोंरि के लम्।” छतसि ख्रीष्‍टए भों ङने तरिगे बिसि आखाँ आथुबै त्हेरै या ङ सैं तोंन्लेन् प्हैंब्मुँ।

एफिसी 5:25

ओ मुँयुँमैं, ख्रीष्‍टजी बिश्‍वासीमैंलाइ म्हाँया लसि चमैंए ल्हागिर खीए ज्यु या पिंब् धोंले क्‍हेमैंए प्‍ह्रेंस्‍योलाइ म्हाँया लद्।

१ पत्रुस 5:7

क्‍हेमैंए ताँन् न्हुँ परमेश्‍वरए प्हलेर थेंन्, तलेबिस्याँ खीजी क्‍हेमैंए वास्ता लम्।