यूहन्‍ना 18:38 - परमेश्‍वरए ताँ तमु क्युइर

³⁸ पिलातसइ येशूने “क्‍ह्रोंसेंन्‍बै ताँ तो जा?” बिसि च धबै बैरु त्होंह्‍यासि येहूदिमैंने बिइ, “ङइ चु म्हिने तोइ छ्याब् योंल् आखाँ।

यूहन्‍ना 18:38 ပူးပေါင်းရင်းမြစ်များ

मत्ती 27:24

ह्रोंसइ तोइ लल् आखाँब् म्रोंसि झन् खैला-बैला तम् उ बिब् मैंसि चइ म्‍हिमैंए उँइँर क्‍युइ यो ख्रुसि बिइ, “छबिस्याँ चु म्‍हि सैबै छ्याब् ङए फिर आल्‍हैदिरिगे। चलाइ सैबै पापए छ्याब् क्‍हेमैंए फिर्न खरिगे।”

मर्कूस 15:14

पिलातसइ चमैंने “तले? चइ आछ्याँबै के तो लइमुँ?” बिसि ङ्योएमा चमैं झन थेबै कै तेसि “चलाइ क्रूसर च्योवाद्,” बिइ।

लूका 23:4

“ङइ चु म्‍हिने तोइ दोष आयों बिसि ख्रो पिंबै खेगि चिब्मैं नेरो चर मुँबै हुलने पिलातसइ,” बिइ।

यूहन्‍ना 18:33

पिलातस धबै दरबार न्‍होंर होंइ, धै येशूलाइ हुइसि “क्हि येहूदिमैंए म्रुँ वा?” बिसि ङ्योएइ।

यूहन्‍ना 19:4

पिलातस धबै बैरु त्होंसि यहूदीमैंने बिइ, “ङइ चने तोइ छ्याब् आयों बिब क्हेमैंज्यै या सेरिगे बिसि ङइ च म्हि क्हेमैं ङाँर बैरु पुइमुँ।”

यूहन्‍ना 19:6

येशू म्रोंबै तोदोंन् ख्रो पिंबै खेगि चिब्मैं नेरो मन्दिर रुँब्मैंइ ओरदै, “च क्रूसर च्योवाद्! च क्रूसर च्योवाद्! बिबर होंइ।” छतमा पिलातसइ चमैंने बिइ, “क्‍हेमैंइन चु म्हि बोसि क्रूसर च्योवद्। तलेबिस्याँ ङइ चुने तोइ छ्याब् आयोंइमुँ।”

चेला चिब्मैंए केमैं 17:32

म्हि सिसि धबै सोगों तबै ताँ थेसि चमैं न्होंर्बै को-कोइ बिल्‍लि लइ। दिलेया अरूमैंइ बिइ, “चु ताँए बारेर क्हिए ताँ धबै ङि थेब्मुँ।”

१ पत्रुस 1:19

दिलेया तोइ खोट नेरो तोइ छ्याब् आरेबै क्यु झज धों तसि ख्रीष्‍टजी को पिंसि क्हेमैंलाइ खामिंइमुँ।