यूहन्‍ना 18:33 - परमेश्‍वरए ताँ तमु क्युइर

³³ पिलातस धबै दरबार न्‍होंर होंइ, धै येशूलाइ हुइसि “क्हि येहूदिमैंए म्रुँ वा?” बिसि ङ्योएइ।

यूहन्‍ना 18:33 ပူးပေါင်းရင်းမြစ်များ

मत्ती 27:11

येशू क्रथेए उँइँर रामा क्रथेइ येशूने “क्‍हि यहूदीमैंए म्रुँ वा?” बिसि ङ्योएइ। येशूजी “क्‍हिइन बिइमुँ दि,” बिइ।

मत्ती 27:27

झाइले क्रथेए सिपाइमैंइ येशू दरबारर बोइ, धै ताँन् पल्टनर्बै सिपाइमैं खीए उँइँर खागु लइ।

मर्कूस 15:2

पिलातसइ येशूने “क्‍हि यहूदीमैंए म्रुँ वा?” बिसि ङ्योएमा खीजी चने ज्वाइ पिंइ, “क्‍हिइन छ बिरिइमुँ दि।”

लूका 23:2

“चुइ ‘रोमी म्रुँलाइ बालि फोल् आत्‍हु,’ बिम्, धबै ‘ङ ख्रीष्‍ट म्रुँ ग,’ बिसि चुइ ङ्योए म्हिमैं भाँडिवाइ,” बिसि चमैंइ येशूए फिर छ्याब् ल्हैदिबर होंइ।

यूहन्‍ना 1:49

नथानेलइ खीने बिइ, “रब्बि, क्‍हि परमेश्‍वरए च्‍ह ग! क्हि इस्राएलर्बै म्रुँ ग!”

यूहन्‍ना 12:13

झाइले चमैंइ छोडाए हाँगमैं छेसि “होसन्‍ना! याहवेहए मिंर युबै इस्राएलर्बै म्रुँए जय जय तरिगे!” बिदै ओरदै खीए मान लबर त्होंइ।

यूहन्‍ना 12:15

सियोनए च्हमि आङ्हिंन्! ङ्‌ह्‍योद्! क्‍हेमैंए म्रुँ गधा झजए फिर क्रेसि खइनमुँ।

यूहन्‍ना 18:34

येशूजी बिइ, “क्हि ह्रोंसइन ङ्योएब् उ अरू खाबज्यै ङए बारेर क्हिने बिइ?”

यूहन्‍ना 18:37

पिलाताइ खीने “छ बिस्याँ क्हि म्रुँन् वा?” बिसि ङ्योएमा येशूजी बिइ, “ङ म्रुँ ग बिसि क्‍हिइन बिइमुँ। क्‍ह्रोंसेंन्‍बै ताँए ग्वाइ पिंबै ल्हागिर ङ फिब् ग। छतसि ङ चु ह्‍युलर युब् ग। क्ह्रोंसेंन्बै ताँ खोब्मैंइ ङए ताँ थेमुँ।”

यूहन्‍ना 18:38

पिलातसइ येशूने “क्‍ह्रोंसेंन्‍बै ताँ तो जा?” बिसि च धबै बैरु त्होंह्‍यासि येहूदिमैंने बिइ, “ङइ चु म्हिने तोइ छ्याब् योंल् आखाँ।

यूहन्‍ना 19:12

च लिउँइँ पिलातसइ येशूलाइ पिवाल् म्हैइ। दिलेया यहूदीमैं छ बिदै ओरइ, “क्हिइ चु म्हि पिवाइ बिस्याँ क्हि रोमी कैसर म्रुँए थु तरिब् आरे। ह्रोंसलाइन म्रुँ ग बिबै म्हिन् कैसरए बिरोधर तब्मुँ।”

यूहन्‍ना 19:3

झाइले चमैं खी ङाँर खसि “येहूदिमैंए म्रुँ जय तरिगे!” बिदै खीलाइ प्लाँइ।

यूहन्‍ना 19:4

पिलातस धबै बैरु त्होंसि यहूदीमैंने बिइ, “ङइ चने तोइ छ्याब् आयों बिब क्हेमैंज्यै या सेरिगे बिसि ङइ च म्हि क्हेमैं ङाँर बैरु पुइमुँ।”

यूहन्‍ना 19:9

छतमा च धबै दरबार न्‍होंर होंसि “क्‍हि खनर्बै जा?” बिसि येशूने ङ्योएमा येशूजी चने तिजी या ज्वाफ आपिं।

१ तिमोथी 6:13

ताँन् सैमैंए छ्ह पिंबै परमेश्‍वर नेरो पन्‍तियस पिलातसए ओंसों छ्याँबै ग्वाइ पिंबै प्रभु येशू ख्रीष्‍टए उँइँर ङ क्हिने चु ताँ बिमुँ: