यूहन्‍ना 18:32 - परमेश्‍वरए ताँ तमु क्युइर

³² (खी खैले सिल् त्‍हुम् बिसि ओंसोंन् येशूजी बिबै ताँ पूरा तबर छ तला।)

यूहन्‍ना 18:32 ပူးပေါင်းရင်းမြစ်များ

भजनमैं 22:16

दुष्‍ट म्हिमैं ङए कारग्युले मुँ, नगिमैंइ धोंले चमैंइ ङ घेर्दिइमुँ, चमैंइ ङए यो प्हलेमैंर खुँ थोंवाइमुँ।

मत्ती 20:19

झाइले खीलाइ बिल्‍लि लसि कोर्राइ प्रुसि क्रूसर च्योवाद् बिसि चमैंइ अरू ह्रेंमैंए योर पिंवाब्‍मुँ, दिलेया सोंरोंर खी धबै सोगों तसि खब्‍मुँ।”

मत्ती 26:2

“क्‍हेमैंइ सेइमुँ, ङ्हिरो लिउँइँ दुःखने फ्रेबै चाड खमुँ। च त्हेर म्हिमैंइ म्हिए च्ह क्रूसर च्‍योवाबै ल्हागिर क्हाब्‍मुँ।”

मर्कूस 10:33

“थेद्, ङ्यो तोगो यरूशलेमउँइँ ह्‍यारिइमुँ। चर फेनेसि म्हिए च्ह ख्रो पिंबै खेगि चिब्मैं नेरो शास्‍त्रिमैंए योर पिंवाब्मुँ। झाइले ङ सिल् त्‍हुबै दण्‍ड पिंल् त्हुम् बिसि चमैंइ अरू ह्रेंमैंए योर सैबर पिंवाब्‍मुँ।

यूहन्‍ना 10:31

चु ताँ थेसि यहूदी चिबनाँब्मैंइ येशूलाइ प्रिंब् बिसि धबै युँमा तोइ।

यूहन्‍ना 10:33

यहूदी चिबनाँब्मैंइ खीने बिइ, “क्हिइ लबै छ्याँबै केमैंए ल्हागिर ङिइ युँमाइ प्रिंल् म्हैब आङिं, दिलेया क्‍हिइ परमेश्‍वरए मिं वाइ। तलेबिस्याँ क्हि म्हि तसेया ह्रोंसलाइन परमेश्‍वर ग बिइमुँ।”

यूहन्‍ना 13:18

“ङइ क्हेमैं ताँनए बारेर बिब् आङिं। ङइ त्हाँबै म्हि ङइ सेमुँ। दिलेया ‘ङए क्हें चबै म्हिइ ङए फिर प्हलेइ ह्‍याँइ’ दिलेया ठिमर प्ह्रिबै ताँ पूरा तरिगे बिसि छ तब् ग।

यूहन्‍ना 18:31

पिलातसइ चमैंने “क्‍हेमैंइन चु म्हि बोसि क्हेमैंए ठिमर बिब् धोंले चुए निसाफ लद्,” बिमा चमैंइ, “खाबलाज्यै या सैबै दण्ड पिंबै हग ङिने आरे,” बिइ।

यूहन्‍ना 21:19

(परमेश्‍वरए मिं थेब् लबै ल्हागिर पत्रुस खैले सिल् त्‍हुम् बिसि येशूजी छ बिल।) चु ताँमैं बिल् खाँबै लिउँइँ येशूजी चने “ङए लिलि प्रद्!” बिइ।

यूहन्‍ना 3:14

“मोशाइ म्हि आटिबै क्ल्ह्‍योर पितलए प्हुरि खैले त्होर च्योसि क्वेल,

यूहन्‍ना 8:28

छतमा येशूजी चमैंने बिइ, “क्‍हेमैंइ म्हिए च्‍ह कैंडो क्वेवाबै लिउँइँ ‘ङम् ङन् ग’ बिसि क्‍हेमैंइ सेब्‍मुँ, ङए हगउँइँले ङ तोइ आल, दिलेया आबाजी लोमिंबै ताँमैं मत्‍त्रे ङइ लम् बिसि क्हेमैंइ सेब्मुँ।

चेला चिब्मैंए केमैं 7:59

चमैंइ युँमाइ ल्हिरिमा स्तिफनसइ बिइ, “ओ प्रभु येशू, ङए प्ल्ह क्हिजी किंनु।”

गलाती 3:13

ङ्योइ योंल् त्हुबै सराप खीजी नोइ, ठिमर्बै सरापउँइँले सै फोसि ङ्योलाइ खामिंइमुँ। तलेबिस्याँ “सिं धुँर च्‍योसि सिब्मैं, परमेश्‍वरउँइँले सराप योंब्मैं ग,” बिसि परमेश्‍वरए छ्वेर प्‍ह्रिइमुँ।