यूहन्‍ना 18:28 - परमेश्‍वरए ताँ तमु क्युइर

²⁸ चमैंइ न्हाँगर्न येशू कैयाफाए धिंउँइँले रोमी सरकारए क्रथेए दरबारउँइँ बोइ। दिलेया यहूदी चिबनाँब्मैं “दुःखने फ्रेबै चाडए भोज चबै ल्हागिर ङ्यो चोखो तल् त्हुम्,” बिसि दरबार न्होंर आहों।

यूहन्‍ना 18:28 ပူးပေါင်းရင်းမြစ်များ

भजनमैं 35:16

आछ्याँब खों मुँब्मैंइ भत्यारर बिरोध लसि प्ह्रब् धोंले चमैं ङए फिर ह्रिस खसि स ह्रादै पोंइ।

हितोपदेश 1:16

तलेबिस्याँ चमैं आतुरले पाप के लबर ह्‍याम्, धै चमैं म्हि सैबर खोंयोंन् बिलै युनन् छेम्।

हितोपदेश 4:16

तलेबिस्याँ दुष्‍ट म्हिमैं आछ्याँबै केमैं आलन् समा रोल् आखाँ; धै आगुए न्होह्रों आलन् समा न्हरु आख।

मत्ती 27:27

झाइले क्रथेए सिपाइमैंइ येशू दरबारर बोइ, धै ताँन् पल्टनर्बै सिपाइमैं खीए उँइँर खागु लइ।

मर्कूस 15:16

सिपाइमैंइ येशूलाइ दरबार न्‍होंर बोसि चर्बै अरू सिपाइमैं या ताँन् खागु लइ।

लूका 22:66

नाँ न्होंबै तोदोंन् यहूदी ह्‍युलर्बै चिब्मैं, ख्रो पिंबै खेगि चिब्मैं नेरो शास्‍त्रिमैं ताँन् खागु तसि येशूलाइ थेबै म्हि च्होंए उँइँर बोमा चमैंइ बिइ,

यूहन्‍ना 11:55

च त्हेर यहूदीमैंए दुःखने फ्रेबै चाड खबि छेल। छतसि नाँ-नाँसर्बै ल्‍हें म्हिमैं ह्रों-ह्रोंसलाइ चोखो लब् बिसि दुःखने फ्रेबै चाड खब् भन्दा ओंसोंन् यरूशलेमर ह्‍याइ।

यूहन्‍ना 18:13

ओंसों चमैंइ खी हन्‍नास ङाँर बोइ। हन्‍नास बिब च सालर्बै ख्रो पिंबै खेगि क्रथे कैयाफाए क्यें मुँल।

यूहन्‍ना 18:15

सिमोन पत्रुस नेरो येशूए अर्को चेला घ्रि येशूए लिलि प्रयाइ। च अर्को चेला ख्रो पिंबै खेगि क्रथेइ ङो सेबै म्हि मुँल। छतसि च येशूने बालु ख्रो पिंबै खेगि क्रथेए ह्‍युर ह्‍याइ।

यूहन्‍ना 18:33

पिलातस धबै दरबार न्‍होंर होंइ, धै येशूलाइ हुइसि “क्हि येहूदिमैंए म्रुँ वा?” बिसि ङ्योएइ।

यूहन्‍ना 18:39

दुःखने फ्रेबै चाडर क्हेमैंए ल्हागिर ङइ झेलर च्युथेंबै म्हि घ्रि पिमिंब क्हेमैंए रोस मुँ। छतसि क्हेमैंइ यहूदीमैंए म्रुँ पिमिंरिगे ङ्हाँइमुँ वा?”

यूहन्‍ना 19:11

येशूजी बिइ, “परमेश्‍वरजी आपिंस्याँ क्हिला ङए फिर तोइ हग आतमल। छतसि ङलाइ क्हिए योर पिंवाबै म्हिए फिर पापए छ्याब् झन् ल्हें तब्मुँ।”

यूहन्‍ना 19:14

च त्हे दुःखने फ्रेबै चाडए ल्हागिर चैदिबै सैमैं तयार लबै त्हिंइ मुँल। च त्हेर त्हिंयाँर्बै च्युसे ङ्हिं ह्राबि छेमा। पिलातसइ यहूदीमैंने “ङ्‌ह्‍योद्, क्हेमैंए म्रुँ,” बिइ।

यूहन्‍ना 19:9

छतमा च धबै दरबार न्‍होंर होंसि “क्‍हि खनर्बै जा?” बिसि येशूने ङ्योएमा येशूजी चने तिजी या ज्वाफ आपिं।

चेला चिब्मैंए केमैं 10:28

छतमा पत्रुसइ चमैंने बिइ, “यहूदीए ल्हागिर अरू ह्रेंमैंने त्होसि प्रब-टिब् लब बेल्‍ले आछ्याँबै ताँ ग बिसि क्हेमैंइ सेइमुँ। दिलेया ‘म्हिमैं खाबै या चोखो आरे आङ्हाँन्,’ बिसि परमेश्‍वरजी ङने उँइँमिंइँमुँ।

चेला चिब्मैंए केमैं 10:32

छतसि योप्पार म्हिमैं कुलसि सिमोन पत्रुस बिबै म्हि हुइपउ। च मा ङ्युँइए छेउर ट्हिबिए के लबै सिमोनए धिंर टिइमुँ।’

चेला चिब्मैंए केमैं 11:3

छतसि “ज्युर चिनु आलबै म्हिमैं ङाँर ह्‍यासि चमैंने बालु क्हिइ तले चब्-थुँब लल!” बिसि चमैंइ पत्रुसलाइ छ्याब् ल्हैदिइ।

चेला चिब्मैंए केमैं 3:13

अब्राहाम, इसहाक नेरो याकूबए परमेश्‍वर, ङ्योए खेमैंए परमेश्‍वरजी ह्रोंसए सेवा लबै येशूलाइ कति थेब लमिंइ। दिलेया क्हेमैंइ खी क्हासि सैबर पिलातसलाइ पिंवाइ। पिलातसइ खीलाइ पिमिंबै सैं ललेया क्हेमैंइ पिलातसए उँइँर्न खीए बिरोध लसि खीलाइ पिल् आपिं।

चेला चिब्मैंए केमैं 4:27

क्ह्रोंसेंन हेरोद म्रुँ, पन्तियस पिलातस, अरू ह्रेंमैं नेरो इस्राएलीमैं या चु सहरर्न क्हिजी त्हाँबै सेवा लबै पबित्र येशूए बिरोधर खागु तल।