यूहन्‍ना 18:20 - परमेश्‍वरए ताँ तमु क्युइर

²⁰ येशूजी चने बिइ, “ङइ म्हिमैंए उँइँर ताँनइ थेल्‍ले बिइमुँ। ङइ खोंयोंन् बिलै यहूदीमैं खागु तबै म्हि च्हों धिंर नेरो मन्दिरर लोमिंमल। ङइ आसेल्‍ले तोइ आबिइमुँ।

यूहन्‍ना 18:20 ပူးပေါင်းရင်းမြစ်များ

भजनमैं 22:22

ङए अलिमैंए उँइँर क्हिजी लबै छ्याँबै केमैंए बयन लदै ङ क्हिए मिं थेब लब्मुँ। ल्हें म्हि च्होंबै क्ल्ह्‍योरै या ङ क्हिलाइन थेब् लब्मुँ

भजनमैं 40:9

ओ याहवेह, क्हिजी ङिलाइ जोगेमिंम् बिबै ताँ ङइ थेबै म्हि च्होंर बिइमुँ। ङए सुँइ चु ताँ आपोंन्ले टिल् आखाँ बिसि क्हिजी छेनाले सेइमुँ।

मत्ती 24:26

“चमैंइ क्‍हेमैंने ‘प्रभु क्यु आयोंबै क्ल्ह्‍योर मुँ!’ बिस्याँ क्‍हेमैं बैरु त्होंसि आह्‍याद्। ‘प्रभु धिं न्‍होंर मुँ’ बिलेया क्‍हेमैंइ आक्‍वेंन्।

मत्ती 26:55

च त्हेर्न येशूजी खी क्‍हाबर खबै म्हिए हुलने बिइ, “ह्‍यो क्हाबर खब् धोंले सेलाँ नेरो प्‍हरे छेसि ङ ङाँर तले खल? ङइ त्हिंइ ह्रोंसे मन्दिरर लोमिंममा क्‍हेमैंइ ङलाइ आक्‍हा।

मत्ती 26:65

छ बिब् थेसि ख्रो पिंबै खेगि क्रथेइ ह्रोंसए क्‍वें ट्होसि चर्बै चिबनाँब्मैंने बिइ, “चुइ परमेश्‍वर स्यारसि पोंइ। तारे ङ्योलाइ अरू ग्वाइ तले चैदिइ? चुइ परमेश्‍वरए क्ल्ह्‍योर खी तसि पोंब क्हेमैंइ थेइ।

मत्ती 4:23

येशू गालील ह्‍युल तिगोंन् स्‍युरदै चमैंए च्हों धिंजरेबै म्हिमैंने परमेश्‍वरए ताँमैं लोमिंदै स्‍वर्गर्बै ग्याल्सए बारेर सैं तोंबै ताँमैं बिप्रमल। धै ताँन् खालर्बै नब् छब्मैं नेरो मोंइ स्याबै म्‍हिमैं या सल् लमिंमल।

मत्ती 9:35

येशू ताँन् सहरजरे नाँ-नाँसजरे स्‍युरसि चमैंए च्हों धिंजरे परमेश्‍वरए ग्याल्सर्बै सैं तोंबै ताँमैं म्‍हिमैंने बिमिंदै ताँन् खालर्बै नब् छब्मैं सल् लमिंदै प्रइ।

मर्कूस 8:32

येशूजी चु ताँ छेनाले क्होल्‍‍ले बिमिंइ। दिलेया पत्रुसइ येशू दे क्‍याइ बोसि “तले छाबै ताँ लल?” बिसि हौदिबर होंइ।

लूका 21:37

येशूजी त्हिंइ ह्रोंसे मन्दिरर परमेश्‍वरए ताँमैं लोमिंमल। धै म्‍हुँइँसर जैतून बिबै कोंर ह्‍यासि बास टिब्रें लमल।

लूका 4:15

खीजी चर्बै च्हों धिंजगोर परमेश्‍वरए ताँ लोमिंबर होंइ। छले लोमिंमा ताँन् म्‍हिमैंइ खीए छ्याँबै बयन लमल।

यूहन्‍ना 18:21

ङने तले ङ्योएरिल? ङइ तो बिइ बिसि ङए ताँ थेब्मैंनेन् ङ्योएद्। ङइ बिबै ताँमैं चमैंइ सेइमुँ।”

यूहन्‍ना 6:59

येशूजी चु ताँ कफर्नहुम नाँसर्बै म्हि च्हों धिंर लोमिंमा बिब् ग।

यूहन्‍ना 7:14

चाड आधा तबि छेमा येशू मन्दिर न्होंर ह्‍यासि ताँमैं लोमिंइ।

यूहन्‍ना 7:26

ङ्‌ह्‍योत्ति! ताँन् म्हिमैंए ओंसों चइ आङ्हिंन्ले पोंरिइमुँ, दिलेया खाबज्यै चने तोइ आबिइमुँ! चुन् परमेश्‍वरजी कुल्मिंबै म्रुँ ख्रीष्‍ट ग बिसि धर्म-गुरुमैंइ क्‍ह्रोंसेंन था सेना उ तो जा?

यूहन्‍ना 7:28

येशूजी मन्दिरर लोमिंरिमा थेबै कैले बिइ, “क्हेमैंइ ङलाइ ङो सेम्, धै ङ खनिउँइँले युइ बिबै ताँ या क्हेमैंइ सेइमुँ। ङ ह्रोंसए सैंर मैंब् धोंले युब आङिं, दिलेया ङलाइ कुल्मिंबै परमेश्‍वर आबा क्ह्रोंसेंन्बै मुँ। क्हेमैंइ खीलाइ ङो आसे।

यूहन्‍ना 7:4

ह्रोंसइ लबै के अरूइ म्रोंरिगे ङ्हाँब्मैंइ ह्रोंसइ लबै छ्याँबै के आलोथें। छतसि क्‍हिजी चु केमैं लम् बिस्याँ ह्‍युलर्बै म्हिमैंने उँइँमिंन्।”

यूहन्‍ना 8:2

प्‍हँन्हाँग्धों न्‍हाँक्‍कर्न खी धबै कोंउँइँले युसि मन्दिरर ह्‍यामा ताँन् म्हिमैं खी ङाँर खइ। धै येशू क्हुँसि चमैं लोमिंर होंइ।

यूहन्‍ना 8:26

ङइ क्‍हेमैंए बारेर बिल् त्हुबै ताँमैं नेरो निसाफ लल् त्हुबै ताँमैं ल्हें मुँ। दिलेया ङ कुल्‍मिंबै परमेश्‍वर क्‍ह्रोंसेंन्‍ब मुँ, छतसि खीउँइँले ङइ तो थेमुँ चन् ङइ ह्‍युलर्बै म्हिमैंने बिमिंमुँ।”

चेला चिब्मैंए केमैं 26:26

अग्रिपास म्रुँइ चु ताँए बारेर सेइमुँ। छतसि चए उँइँर ङ आङ्हिंन्ले पोंइँनमुँ। खिइ चु तोन्दोंरि ताँ सेइमुँ, तलेबिस्याँ चु ताँ खाबज्यै आसेल्‍ले लबै ताँ आङिं।