यूहन्‍ना 18:13 - परमेश्‍वरए ताँ तमु क्युइर

¹³ ओंसों चमैंइ खी हन्‍नास ङाँर बोइ। हन्‍नास बिब च सालर्बै ख्रो पिंबै खेगि क्रथे कैयाफाए क्यें मुँल।

यूहन्‍ना 18:13 ပူးပေါင်းရင်းမြစ်များ

मत्ती 26:3

झाइले ख्रो पिंबै खेगि चिब्मैं नेरो यहूदी चिबनाँब्मैं कैयाफा बिबै ख्रो पिंबै खेगि क्रथेए दरबारर खागु तइ।

मत्ती 26:57

खीलाइ क्‍हाबोबै म्‍हिमैंइ येशू कैयाफा बिबै ख्रो पिंबै खेगि क्रथे ङाँर बोइ। चर शास्‍त्रिमैं नेरो चिबनाँब्मैं खागु तल।

लूका 3:2

झाइले यरूशलेमर हन्‍नास नेरो कैयाफा ख्रो पिंबै खेगि क्रथेमैं मुँल। च त्‍हेर क्यु आयोंबै क्ल्ह्‍योर जकरियाए च्‍ह यूहन्‍नाने परमेश्‍वरए ताँ युइ।

यूहन्‍ना 11:49

चमैंए न्होंरि कैयाफा बिबै म्हि च सालर्बै ख्रो पिंबै खेगि क्रथे मुँल। चइ “क्‍हेमैंइ तिफुँइ आक्होइमुँ!” बिइ।

यूहन्‍ना 11:51

चइ चु ताँ ह्रोंसए सैंउँइँले बिब आङिं। दिलेया च सालर्बै ख्रो पिंबै खेगि क्रथे तबइले यहूदी ह्रेंए ल्हागिर येशू सिब्मुँ बिसि अगमबाणि पोंब् ग।

यूहन्‍ना 18:24

च लिउँइँ हन्‍नासइ येशू फैसिन् ख्रो पिंबै खेगि क्रथे कैयाफा ङाँर कुल्मिंइ।

यूहन्‍ना 18:28

चमैंइ न्हाँगर्न येशू कैयाफाए धिंउँइँले रोमी सरकारए क्रथेए दरबारउँइँ बोइ। दिलेया यहूदी चिबनाँब्मैं “दुःखने फ्रेबै चाडए भोज चबै ल्हागिर ङ्यो चोखो तल् त्हुम्,” बिसि दरबार न्होंर आहों।

यूहन्‍ना 19:11

येशूजी बिइ, “परमेश्‍वरजी आपिंस्याँ क्हिला ङए फिर तोइ हग आतमल। छतसि ङलाइ क्हिए योर पिंवाबै म्हिए फिर पापए छ्याब् झन् ल्हें तब्मुँ।”

चेला चिब्मैंए केमैं 4:6

ख्रो पिंबै खेगि क्रथे हन्‍नास, कैयाफा, यूहन्‍ना, अलेक्जेन्डर नेरो ख्रो पिंबै खेगि क्रथेए परवा ताँन् चर्न मुँल।