यूहन्‍ना 18:12 - परमेश्‍वरए ताँ तमु क्युइर

¹² च लिउँइँ रोमी कप्‍तान, सिपाइमैं नेरो यहूदीमैंए मन्दिर रुँबै म्हिमैंइ येशू क्हासि फैइ।

यूहन्‍ना 18:12 ပူးပေါင်းရင်းမြစ်များ

उत्पत्ति 22:9

धै परमेश्‍वरजी चने तेंबै क्ल्ह्‍योर फेबै लिउँइँ अब्राहामइ चर ख्रो पिंबै क्ल्ह्‍यो घ्रि बनेसि सिं थेंइ। धै ह्रोंसए च्ह इसहाक फैसि सिंए फिर थेंइ।

उत्पत्ति 40:3

झाइले चइ चमैंलाइ दरबार रुँब्मैंए न्होंर्बै कप्‍तानने झेलर च्युबर पिंवाइ। च झेलर योसेफै या च्युथेंल।

भजनमैं 118:27

याहवेहन् परमेश्‍वर ग, खीजी ङ्योलाइ चारबै ह्‍वे पिंइमुँ। छतसि सिं धुँए हाँगमैं छेसि चाड म्हाँदिब्मैंने बालु सैं तोंदै ख्रो पिंबै क्ल्ह्‍यो समा क्रेयाद्।

मत्ती 26:57

खीलाइ क्‍हाबोबै म्‍हिमैंइ येशू कैयाफा बिबै ख्रो पिंबै खेगि क्रथे ङाँर बोइ। चर शास्‍त्रिमैं नेरो चिबनाँब्मैं खागु तल।

मत्ती 27:2

झाइले चमैंइ खीलाइ फैसि रोमी क्रथे पिलातस ङाँर बोसि पिंवाइ।

मत्ती 27:27

झाइले क्रथेए सिपाइमैंइ येशू दरबारर बोइ, धै ताँन् पल्टनर्बै सिपाइमैं खीए उँइँर खागु लइ।

मर्कूस 14:53

च म्हिमैंइ येशूलाइ ख्रो पिंबै खेगि क्रथे ङाँर बोइ। चर ताँन् ख्रो पिंबै खेगि चिब्मैं, चिबनाँब्मैं नेरो शास्‍त्रिमैं ताँन् थेबै म्हि च्होंर खागु तल।

मर्कूस 15:1

झाइले न्‍हाँगर मि म्रोंबै तोदोंन् ख्रो पिंबै खेगि चिब्मैं, चिबनाँब्मैं, शास्‍त्रिमैं नेरो थेबै म्हि च्होंर खागु तबै म्हिमैंइ सल्‍ला लसि येशूलाइ फैसि पिलातस बिबै रोमी क्रथे ङाँर बोयाइ।

लूका 22:54

च त्‍हेर्न म्हिमैंइ येशू क्‍हासि ख्रो पिंबै खेगि क्रथेए धिंर बोइ, पत्रुस बिस्याँ दे ह्रेंगोउँइँलेन् खीए लिलि लिलि ह्‍याइ।

यूहन्‍ना 18:3

च त्हेर्न यहूदाइ रोमी सिपाइमैं ख्रो पिंबै खेगि चिब्मैं नेरो फरिसीमैंइ कुल्मिंबै मन्दिर रुँबै म्हिमैं च बगैंचार बत्ति नेरो प्हरे-क्होजमैं छेसि मेंदों म्रोसि चर फेखइ।

चेला चिब्मैंए केमैं 10:1

कैसरिया बिबै क्ल्ह्‍योर कर्नेलियस मिं मुँबै म्हि घ्रि मुँल। च इटालिया बिबै पल्टनर्बै कप्‍तान मुँल।

चेला चिब्मैंए केमैं 21:31

झाइले चमैंइ पावल सैल् म्हैल। च त्हेर्न यरूशलेम तिगोंन् खैला-बैला तरिइमुँ बिबै ताँ रोमी पल्टनर्बै चिबए न्हर थेनेइ।

चेला चिब्मैंए केमैं 21:37

ब्यारेक न्होंर होंबि छेमा पावलइ पल्टनर्बै चिबने “चिब, ङइ ताँ घ्रि क्हिने बिल् योंम् उ?” बिमा चिबइ बिइ, “क्हिइ ग्रिक क्युइ पोंल् ह्रम्मा?

चेला चिब्मैंए केमैं 23:10

छले चमैंए सैं ख्रेलसि चर थेबै खैला-बैला तबइले “चमैंइ पावल लाछिवाम्दो!” बिब् मैंसि रोमी पल्टनर्बै चिबइ सिपाइमैंने “क्युरु ह्‍यासि चमैंए म्हाँजोउँइँले पावल पखसि ब्यारेक न्होंर बोद्,” बिसि ल्हैदिइ।