यूहन्‍ना 18:11 - परमेश्‍वरए ताँ तमु क्युइर

¹¹ येशूजी पत्रुसने बिइ, “क्‍हिए सेलाँ स्युर झोंन्। आबाजी ङलाइ पिंबै दुःखए प्हेला ङइ आथुँले वा?”

यूहन्‍ना 18:11 ပူးပေါင်းရင်းမြစ်များ

भजनमैं 75:8

याहवेहए योर प्हेल घ्रि मुँ, खीए ह्रिसइ च प्हेलर प्लिंइमुँ। पृथ्बीर्बै दुष्‍टमैं ताँनइ दण्ड योंम्, प्हेलर मुँबै सै तोइ आचैल्‍ले चमैं थुँल् खाँल् त्हुम्।

मत्ती 20:22

दिलेया येशूजी चमैंने बिइ, “क्‍हेमैंइ तो ह्रिरिइमुँ च सै क्‍हेमैंइ था आसे। तारे ङइ नोबि छेबै दुःख क्‍हेमैंइ नोल् खाँम्‍मा?” बिमा चमैंइ “खाँम्,” बिइ।

मत्ती 26:39

झाइले येशू दे क्‍याइ ह्‍यासि सर पद्खु तसि “ओ ङए आबा, तल् खाँम् बिस्‍याँ चु दुःख ङ ङाँइँले स्‍योमिंन्। दिलेया ङइ मैंब् धोंले आङिं, क्‍हिए सैंर मैंब् धोंले तरिगे,” बिसि प्राथना लइ।

मत्ती 26:42

धबै ङ्हिखेबै लारै या येशू ह्‍यासि छले प्राथना लइ, “ओ ङए आबा, चु दुःख ङइ आनोसि आत बिस्याँ क्‍हिए सैंर मैंब् धोंन् तरिगे।”

लूका 12:30

छाबै न्हुँ परमेश्‍वर ङो आसेब्‍मैंइ लम्। क्‍हेमैंलाइ चु सैमैं चैदिम् बिसि क्हेमैंए परमेश्‍वर आबाजी सेम्।

लूका 22:42

“ओ आबा, क्‍हिए इच्छा मुँस्‍याँ ङ ङाँइँले चु दुःख स्‍योमिंन्। दिलेया ङए इच्छा आङिं, क्‍हिए इच्छा पूरा तरिगे।”

यूहन्‍ना 15:10

ङए आबाए ताँमैं ङिंसि खीए म्हाँयार ङ टिरिब् धोंले क्हेमैंइ ङइ बिबै ताँमैं ङिंइ बिस्याँ क्हेमैं ङए म्हाँयार टिरिब्मुँ।

यूहन्‍ना 17:24

“ओ आबा, चु ह्‍युल बनेब् भन्दा ओंसों ओंनोंन् क्हिजी ङलाइ म्हाँया लसि थेबै मान पिंइ। क्हिजी ङने पिंबै म्हिमैं ङए थेबै मान म्रोंबर चमैं ङ टिबै क्ल्ह्‍योरि ङने बालुन् तरिगे बिब ङए सैं मुँ।

यूहन्‍ना 18:36

येशूजी बिइ, “ङए ग्याल्स चु ह्‍युलर्बै आङिं। ङए ग्याल्स चु ह्‍युलर्बै ङिंस्याँम् ङ येहूदिमैंए योर आफेरिगे बिसि ङए चेलामैं ङए ल्हागिर नेमल। धै ङ यहूदीमैंए योर आफेमल। दिलेया ङए ग्याल्स चु ह्‍युलर्बै आङिं।”

यूहन्‍ना 20:17

येशूजी चने बिइ, “ङ आछुइद् तलेबिस्याँ ङ तोगो समा आबा ङाँर आह्‍याइमुँ। बरु ङए अलिमैं ङाँर ह्‍यासि चमैंने ‘तारे ङ ङए आबा, क्हेमैंए आबा, धै ङए परमेश्‍वर, क्हेमैंए परमेश्‍वर ङाँर ह्‍यासिन् मुँ’ बिसि ङए ताँ बिमिंन्।”

२ कोरिन्थी 10:4

तलेबिस्याँ ङिइ छेबै हातियार ह्‍युलर्बै म्‍हिमैंइ छेब् धों तब आङिं, ङिइ छेबै हातियारम् परमेश्‍वरए थेबै शक्‍ति मुँबै बचन ग। च बचनइ भोंबै किल्‍लामैं नास लवाल् खाँम्।

२ कोरिन्थी 6:7

क्ह्रोंसेंन्बै ताँ बिदै, परमेश्‍वरउँइँले भों योंसि खीए फिर थेबै बिश्‍वास लदै खीए बचनर बिब् धोंलेन् ङिइ ठिक के लइमुँ।

हिब्रू 12:2

ङ्योए बिश्‍वास सुरु लब नेरो बिश्‍वास पूरा लमिंबै येशूलाइ मत्‍त्रे ङ्ह्‍योले। खीजी लिउँइँ तखबै सुखा मैंसि म्हिमैंइ खीए आब्रु वालेया तो धोंइ आङ्हाँन्ले क्रूसर्बै थेबै दुःख नोमिंइ। धै तोगो खी परमेश्‍वरए राजगद्दिए क्‍योलोउँइँ क्हुँइमुँ।