यूहन्‍ना 17:9 - परमेश्‍वरए ताँ तमु क्युइर

⁹ “ङ चमैंए ल्हागिर प्राथना लमुँ। ह्‍युलर्बै म्हिमैंए ल्हागिर प्राथना आल, दिलेया क्हिजी ङने पिंबै म्हिमैंए ल्हागिर ङ प्राथना लमुँ, तलेबिस्याँ चमैं क्हिलन् ग।

यूहन्‍ना 17:9 ပူးပေါင်းရင်းမြစ်များ

लूका 22:32

दिलेया क्‍हिए बिश्‍वास आम्‍हरिगे बिसि ङइ क्‍हिए ल्हागिर प्राथना लइ। छतसि क्‍हि धबै ङ ङाँइन एखब्मुँ, क्हिए सैं ङ ङाँइ एबै लिउँइँ ह्रोंसए आघें अलिमैंए सैं भोंब् लमिंन्।”

लूका 23:34

च्हमा येशूजी बिइ, “ओ आबा, चुमैं क्षमा लमिंन्, तलेबिस्याँ चुमैंइ तो लरिइमुँ बिब था आसे।” दिलेया सिपाइमैंइ येशूए क्वें चिट्ठा झोंसि खेंमैंए न्‍होंरि चुइ।

लूका 8:34

छ तब् म्रोंसि च तिलि छबै म्‍हिमैं न्हेयासि च ताँमैं सहर नेरो नाँसजरे बिमिंइ।

यूहन्‍ना 14:16

झाइले ङ आबाने यो छ्युँ लब्मुँ, धै खीजी क्हेमैं ङाँर अर्को ल्होमिंबै थु कुलब्मुँ। धै खी क्हेमैंने खोंयोंन् बिलै तरिब्‍मुँ।

यूहन्‍ना 17:2

खीने पिंबै ताँन् म्हिमैंलाइ खीजी खोंयोंइ आखाँबै छ्ह पिंरिगे बिसि क्‍हिजी खीलाइ ताँन् म्हिमैंए फिर हग पिंइँमुँ।

यूहन्‍ना 17:20

“ङ चुमैंए ल्हागिर मत्‍त्रे प्राथना आल, चुमैंइ बिबै ताँउँइँले ङए फिर बिश्‍वास लब्मैंए ल्हागिरै या प्राथना लम्।

यूहन्‍ना 17:6

“क्हिजी ह्‍युलउँइँले त्हाँसि ङने पिंबै म्हिमैंलाइ ङइ क्हि ङो सेल् पिंइँमुँ। चमैं क्हिल्ना मुँल दिलेया क्हिजी चमैं ङलाइ पिंइँमुँ। चमैंइ क्हिए ताँमैं ङिंइँमुँ।

यूहन्‍ना 6:37

ङए आबाजी ङने पिंब्‍मैं ताँन् ङ ङाँर खब्‍मुँ, धै ङ ङाँर खब्‍मैंलाइ ङइ खैलसे या पिरिब् आरे।

यूहन्‍ना 6:39

खीजी ङने पिंब्‍मैं खाबै आम्हरिगे, दिलेया ह्‍युलर्बै आखिरि त्हिंइर ङइ चमैं ताँन् सोगों लमिंरिगे बिब ङलाइ कुल्‍मिंबै आबाए सैं मुँ।

हिब्रू 7:25

छतसि खीउँइँले परमेश्‍वर ङाँर ह्‍याब्‍मैंलाइ येशूजी खोंयोंइन जोगेमिंल् खाँम्, तलेबिस्याँ चमैंए ल्हागिर परमेश्‍वरने प्राथना लबर खी खोंयोंन् बिलै सोगों तरिम्।

हिब्रू 9:24

ओंसोंबै पबित्र क्‍ल्‍ह्‍यो क्ह्रोंसेंन्बै पबित्र क्ल्ह्‍योए नकल मुँल। दिलेया ख्रीष्‍ट म्‍हिमैंइ बनेबै पबित्र क्‍ल्‍ह्‍योर आहों, खी स्‍वर्ग न्होंर्न होंइ। छले खी ङ्योए ल्हागिर परमेश्‍वरए उँइँर टिइमुँ।

१ यूहन्‍ना 5:19

ङ्योइ चु ताँ या सेइमुँ: चु ह्‍युलर्बै म्‍हिमैं दुष्‍टए न्होंर मुँ, ङ्यो बिस्याँ परमेश्‍वरए म्हिमैं ग।

दर्शन 12:9

मिखाएलइ च थेबै अजिङ्गरलाइ स्‍वर्गउँइँले भ्‍योंवाइ। च अजिङ्गर स्‍योंम्‍बै प्‍हुरि ग, चलाइ स्‍युर्गु नेरो दुष्‍ट बिम्। चइ ताँन् ह्‍युलर्बै म्‍हिमैंने स्‍योर तेसि लुइमुँ। च नेरो चए दूतमैंलाइ परमेश्‍वरए दूतमैंइ पृथ्‍बीर भ्‍योंवाइ।

दर्शन 13:8

पृथ्‍बीर टिब्मैं ताँनइ च खेदोलाइ फ्‍योब्‍मुँ, दिलेया खाब् म्‍हिमैंए मिं सैवाबै क्‍यु च्हजए कितबर ह्‍युल बनेब् भन्दा ओंसोंन् प्ह्रिल, चमैंइ च खेदोलाइ आफ्यो। छ्ह योंब्‍मैंए मिं क्‍यु च्हजए कितबर प्‍ह्रिल् खाँइमुँ।

दर्शन 20:15

खोंयोंइ आखाँबै छ्ह योंब्मैंए मिं प्‍ह्रिबै कितबर मिं आरेबै म्‍हिमैंलाइ परमेश्‍वरजी च मि मुँबै होंल्दोंर भ्‍योंवाइ।