यूहन्‍ना 17:19 - परमेश्‍वरए ताँ तमु क्युइर

¹⁹ चमैं क्ह्रोंसेंन्बै पबित्र म्हिमैं तरिगे बिसि ङ चमैंए ल्हागिर ह्रोंसलाइ पबित्र लम्।

यूहन्‍ना 17:19 ပူးပေါင်းရင်းမြစ်များ

यूहन्‍ना 10:36

दिलेया परमेश्‍वर आबाजी त्हाँसि ङ ह्‍युलर कुल्मिंइ। छतसि ‘परमेश्‍वरए च्ह ङन् ग’ बिमा ङइ खैले परमेश्‍वरए मिं वाइ?

यूहन्‍ना 15:13

ह्रोंसए थुमैंए ल्हागिर ह्रोंसै ज्यु पिंब् भन्दा थेबै म्हाँया अरू तोइ आरे।

यूहन्‍ना 15:3

ङइ क्हेमैंने बिबै ताँमैंउँइँले क्हेमैं ओंसोंन् चोखो तल् खाँइमुँ।

यूहन्‍ना 17:17

क्हिए ताँ क्ह्रोंसेंन्ब ग। छतसि क्हिए क्ह्रोंसेंन्बै ताँउँइँले चमैं क्हिए पबित्र म्हिमैं लमिंन्।

यूहन्‍ना 17:20

“ङ चुमैंए ल्हागिर मत्‍त्रे प्राथना आल, चुमैंइ बिबै ताँउँइँले ङए फिर बिश्‍वास लब्मैंए ल्हागिरै या प्राथना लम्।

१ कोरिन्थी 1:2

कोरिन्थ सहरर्बै बिश्‍वासी अलि-अङाँमैंलाइ जय मसीह मुँ। परमेश्‍वरजी क्हेमैंलाइ खीए म्हिमैं तबर हुइमुँ। क्हेमैं नेरो क्ल्ह्‍यो-क्ल्ह्‍योर्बै ङ्योए प्रभु येशू ख्रीष्‍टए फिर बिश्‍वास लबै ताँन् म्हिमैंए प्रभु येशू ख्रीष्‍टन् ग। परमेश्‍वरजी क्हेमैं नेरो चमैं ताँनलाइ ख्रीष्‍ट येशूने घ्रिन् लसि पबित्र लइमुँ।

२ कोरिन्थी 4:15

तलेबिस्याँ ङिइ दुःख नोदै के लब क्‍हेमैंए ल्हागिर्न ग। खैले परमेश्‍वरए दयाम्हाँया ल्हें म्‍हिमैंइ योंइमुँ, छलेन परमेश्‍वरए मान कति थेब मुँ बिसि धन्‍यबाद पिंब्‍मैं या ल्हेंन् तब्मुँ।

२ कोरिन्थी 7:14

क्‍हेमैंए बारेर ङइ तीतसने प्हैंलेया क्‍हेमैंए बारेर ङ फापिल् त्हुबै घ्याँ तोइ आरेल। ङिइ खोंयोंन् बिलै क्‍हेमैंने क्‍ह्रोंसेंन्‍बै ताँ बिइमुँ। छलेन ङिइ तीतसने क्‍हेमैंए बारेर प्हैंब् धों तबै के क्‍हेमैंइ लसि उँइँइ।

२ कोरिन्थी 8:9

तलेबिस्याँ ङ्योए प्रभु येशू ख्रीष्‍टजी ङ्योए फिर कति थेबै दयाम्हाँया लइमुँ बिब क्हेमैंइ सेइमुँ। येशू ख्रीष्‍टने तोन्दोंरि सै मुँलेया क्‍हेमैंए ल्हागिर ङ्हाँदु तइ। तलेबिस्याँ खीए ङ्हाँदुउँइँले क्‍हेमैं प्लब् तरिगे बिब खीए सैं मुँल।

कलस्सी 1:6

ओंसों क्‍हेमैंइ परमेश्‍वरए दयाम्हाँया खैब मुँन बिसि क्‍होबै त्हिंइ सेरोन् क्‍हेमैंइ च सैं तोंबै ताँ क्ह्रोंसेंन् ग बिसि सेल। च त्हिंइ सेरो च ताँइ लमा क्‍हेमैं न्‍होंरि आशिक योंइमुँ। च ताँ क्‍हेमैंइ थेब् धोंलेन् ताँन् ह्‍युल जरे या थेनेसिन् मुँ धै म्हिमैंइ आशिक योंसिन् मुँ।

१ थेसलोनिकी 4:7

परमेश्‍वरजी ङ्योलाइ आछ्याँबै केर प्रबर आङिं, बरु पबित्र छ्ह थोबै ल्हागिर हुइब् ग।

२ तिमोथी 2:10

छतसि परमेश्‍वरजी त्हाँबै म्‍हिमैंइ ख्रीष्‍ट येशूउँइँले खोंयोंइ आखाँबै छ्ह योंल् खाँरिगे बिबै ल्हागिर ङए फिर खैतबै दुःखन् तलेया ङ सैदिम्।

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

हिब्रू 10:29

छतसि क्हेमैं ह्रोंसन् मैंन्दि: को-कोइ परमेश्‍वरए च्‍हलाइ प्हलेइ प्लेम्। धै परमेश्‍वरजी बाछा फैबै कोइ चमैंलाइ पापउँइँले पबित्र लमिंलेया चमैंइ च को तो धोंइ आङ्हाँ। धै ह्रोंसलाइ दयाम्हाँया लबै पबित्र प्ल्हए आब्रु वाम्। छाबै म्हिइ झन् कति थेबै दण्ड योंलै।

हिब्रू 2:11

तलेबिस्याँ म्हिमैंलाइ पबित्र लमिंबै येशू नेरो येशूजी पबित्र लमिंल् खाँबै म्हिमैं परवा घ्रिर्बैन् ग। छतसि चमैंने अलि बिबर येशू फा आपे।

हिब्रू 9:13

ओंसोंबै बाछार, र-क्यु, क्‍ल्‍या भाराए को नेरो क्‍ल्‍या भारालाइ ख्रोंबै मेब्रो म्‍हिमैंए फिर फ्रुँस्याँ चमैंए ज्यु चोखो तम् बिस्याँ।

हिब्रू 9:18

छतसि ओंसोंबै बाछा या को आबगेन् समा पक्‍का तल् आखाँ।

हिब्रू 9:26

ख्रो पिंबर ह्‍याब्रे लल् त्हुस्याँम् खी ह्‍युल बनेबै त्हे ओंनोंन् ल्हें खे दुःख नोब्रें लल् त्‍हुमल। दिलेया म्हिमैंए पाप क्षमा लमिंबर खोंयोंइ बिलैए ल्हागिर ख्रीष्‍ट तिब्‍ले मत्‍त्रे खीए ज्युलाइ ख्रों पिंबर चु जुग नुबै त्हेर युइमुँ।

१ यूहन्‍ना 3:18

ओ ङइ खोबै कोलोमैं, ङ्योइ लबै म्हाँया ताँ नेरो सुँइ पोंब मत्‍त्रे आङिं, योज्यै या छ्याँबै के लसि सैं न्होंउँइँलेन् क्ह्रोंसेंन्‍बै म्हाँया लल् त्‍हुम्।

१ यूहन्‍ना 3:3

धै ख्रीष्‍टए फिर छाबै आशा थेंब्मैं ख्रीष्‍ट पबित्र मुँब् धोंले पबित्रले प्रम्।