यूहन्‍ना 16:5 - परमेश्‍वरए ताँ तमु क्युइर

⁵ ङ तारे ङ कुल्मिंबै आबा ङाँर ह्‍याइनमुँ, दिलेया क्हेमैं खाबज्यै ‘क्हि खनिर ह्‍याइनमुँ?’ बिसि ङने आङ्योए।

यूहन्‍ना 16:5 ပူးပေါင်းရင်းမြစ်များ

यूहन्‍ना 13:3

आबाजी तोन्दोंरि सै खीए योर पिंइँमुँ। धै खी परमेश्‍वरउँइँले युब् ग, झाइले परमेश्‍वर ङाँर्न ह्‍यासिन् मुँ बिबै ताँ येशूजी था सेल।

यूहन्‍ना 13:36

छबिमा सिमोन पत्रुसइ खीने “ओ प्रभु, क्‍हि खनिर ह्‍यासिन् मुँ?” बिमा। येशूजी बिइ, “तोगो क्हि ङ ह्‍याबै क्ल्ह्‍योर ङए लिलि खल् आखाँ। लिउँइँ बिस्याँ क्हि ङए लिलि खब्मुँ।”

यूहन्‍ना 14:28

‘ङ ह्‍यासिन् मुँ, धबै क्हेमैं ङाँर’ युब्मुँ बिसि ङइ बिबै ताँ क्हेमैंइ थेइ। क्हेमैंइ ङलाइ म्हाँया लस्याँ ङ आबा ङाँर ह्‍यासिन् मुँ बिब् थेसि क्हेमैं सैं तोंमल। तलेबिस्याँ ङ भन्दा थेब आबा मुँ।

यूहन्‍ना 16:10

खीजी परमेश्‍वरए उँइँर तो ठिक मुँ चन् उँइँमिंब्मुँ तलेबिस्याँ ङ आबा ङाँर ह्‍याइनमुँ, क्हेमैंइ धबै ङ म्रोंरिब् आरे।

यूहन्‍ना 16:16

“तिस्‍याँदे लिउँइँ क्‍हेमैंइ ङ म्रोंरिब् आरे, झाइले तिस्याँदे लिउँइँ क्हेमैंइ धबै ङ म्रोंब्मुँ।”

यूहन्‍ना 16:17

छले खीए को-कोइ चेलामैंइ घ्रिइ-घ्रिने बिइ, “‘तिस्‍याँदे लिउँइँ क्‍हेमैंइ ङ म्रोंरिब् आरे। तिस्याँदे लिउँइँ क्हेमैंइ धबै ङ म्रोंब्मुँ, तलेबिस्याँ ङ आबा ङाँर ह्‍यासिन् मुँ।’ बिसि खीजी ङ्योने बिब तो जा?”

यूहन्‍ना 16:28

ङ आबउँइँले ह्‍युलर युइमुँ, तारे ह्‍युल पिसि ङ आबा ङाँर एह्‍याम्।”

यूहन्‍ना 17:13

“तारे ङ क्हि ङाँर खसिन्‌ मुँ, दिलेया चमैंए सैं ङइ पिंथेंबै आनन्दइ प्लिंरिगे बिसि ह्‍युलर मुँमा ङइ चु ताँमैं बिइमुँ।

यूहन्‍ना 17:4

क्हिजी ङने लद् बिसि पिंबै के खाँन् लसि चु ह्‍युलर क्हि कति थेब मुँ बिसि उँइँमिंइमुँ।

यूहन्‍ना 6:62

म्हिए च्ह ओंसों टिबै स्वर्गर एह्‍यारिब् म्रोंस्याँ क्हेमैं तो लमुँ?

यूहन्‍ना 7:33

येशूजी चमैंने बिइ, “अझै दे त्हे ङ क्‍हेमैंने बालु टिब्‍मुँ, च लिउँइँ ङ कुल्मिंबै आबा ङाँर ह्‍याब्‍मुँ।

हिब्रू 1:3

परमेश्‍वरए ह्‍वे खीए च्हनेन् चारमुँ, परमेश्‍वर खैब मुँ खी या छाबन् मुँ। धै मु नेरो पृथ्‍बी खीए शक्‍ति मुँबै बचनइ धाँदिइमुँ। म्‍हिमैंए पाप त्होमिंबै के लल् खाँसि खी ताँन् भन्दा थेबै शक्‍ति मुँबै परमेश्‍वरए क्‍योलोउँइँ नुबै क्ल्ह्‍योर टिइमुँ।

हिब्रू 12:2

ङ्योए बिश्‍वास सुरु लब नेरो बिश्‍वास पूरा लमिंबै येशूलाइ मत्‍त्रे ङ्ह्‍योले। खीजी लिउँइँ तखबै सुखा मैंसि म्हिमैंइ खीए आब्रु वालेया तो धोंइ आङ्हाँन्ले क्रूसर्बै थेबै दुःख नोमिंइ। धै तोगो खी परमेश्‍वरए राजगद्दिए क्‍योलोउँइँ क्हुँइमुँ।